9個月三星期

不經不覺又差不多一個月啦，而近排Hannah B已經比之前更活躍同更加識得控制自己。剛開始時，佢只係識得爬爬，而家係咁爬之餘，去到梳化邊，自己會用手拉住個邊，跟住手用力一伸，咁就企左起身啦！ 我見到時真係有D驚喜，好似無幾耐之前先開始識爬，轉個頭就已經可以企。 而且，有時佢放手都可以企住幾秒，嘩，我真係不得不讚呢！ 我相信好快就可以同佢一齊行park park, 去mall mall.....嘻嘻嘻，真係想起都開心呀！ 最搞笑既係，佢以前吾會放手架，因為吾識，而家如果企到累同悶，佢會慢慢將個pat pat向下，到差不多到地隻手就會放手，哈哈，邊個話BB吾醒目呀！ 分分鐘醒過我呀！ 哈哈

吾知係咪近排食濟左定咩，平時佢可以飲成支8安奶，而家要好耐先飲哂，仲要玩下食下，唉！ 可吾可以食奶食得好D呀？ 到食solid, 真係難到出汁，個口永遠都吾開，食一啖食成個字，真係完全係考我既耐性，女呀女，你幾時先可以食好D呀？ 

之前諗住買部walker比亞女去行下，去到babiesrus, 老公又話吾駛啦，落99度咪有部囉，但我見減價所以先想買 （＄20咋，好抵！） 但最終都無買，因為老公話費事哂錢。 點知前幾日同我講，買個walker比亞女行下啦！！ 我個刻比佢激C！！ 開頭又係你話吾駛，而家又話買，但個promotion過左，要成＄30，頂，佢個腦係咪係個pat pat我度！ 所以我決定左，以後見到D咩promotion而我又想買既，最終決定權一定係我，白痴！ 

近日見到Hannah B大脾紅哂，先經覺原來D diaper已經吾岩著啦，唉！ 本身size 3係去到28磅，而我見cousin哥哥都著到成 one year old, 咁我諗應該OK啦，點知99話哥哥大脾吾夠Hannah粗（好驚，莫非我個女真係咁肥？？？），要換大D個size啦！ 本身用開p牌swaddlers, 佢地出開到3號，但原來係target買有4至5號，咁我見價錢又吾係差好多，咁就上網order先，at the same time, 我見CVS(好似萬寧個D store)減價，＄20有兩包，買滿＄30有＄10送，咁有幾好喎，咁又買左P牌 cruisers 試下，其實都吾差啫，最重要係Hannah B無allergic, 如果將來無 swaddlers買，咁我就會用呢款，始終比較popular呀ma! 好，等我今晚又去巡鋪再掃貨先，哈哈！