小病是福

如果記得我地呢一年成日病既blog友，係4月份左右我咪病左， 仲成日咳，其實呢個咳我都無好過，吽左成個月，都仲係條氣chok住咁，到上個星期，我終於頂唔順去左睇醫生， 因為覺得自己個病已經吽左咁耐都未有好轉，同埋好似愈來愈嚴重。 事實上，我呢個決定係無錯既，因為醫生診斷我係支氣管炎，雖然未係好嚴重，但都足以夠我驚，同埋醫生話佢聽我個肺唔清，怕我有肺炎，叫我去照肺。  其實我又唔係驚，係驚如果我病，d女s點算？ 頭家點算？ 講真，頭家無我做野(係housework)  就散，唔係覺得自己好重要，而家我真係咁重要，雖然話就話wkday唔駛煮飯之類， 但返到屋企，餵飯沖涼湊訓覺洗奶樽準備第二日等等，所有野都係我既時候真係怕自己跪低時老公接唔接到手。   睇完醫生個日，我就決定放低自己既工作，list哂所有我既工作， 叫老公自己pick幾樣野幫手，開頭佢都ee哦哦， 但最終佢睇到個list水蛇春咁長就唔敢say no,  除左daily work之外， wkend要洗衫摺衫拖地。。。呢幾樣工已經叫我做到半c,  我同佢講，佢再唔幫手，我唔會再係肺炎，而家肺癆。。。。 咁佢都無能奈say no lu.....

不過好彩係，我既懷疑肺炎無發生到，只不過係支氣管炎，要食10 日消炎藥，咁就會好了。  我唔知呢d係咪因禍得福定係點，至起碼病情唔算嚴重之餘老公又係幫下手，雖然唔算好aggressive,  但點都叫比以前有進步，慢慢先再調交好我需要既野啦，嘻嘻。  

不過當然都唔希望自己再病，始終都唔係一件好事，大家健健康康就算吧。 

小霸王

唉，我都吾知點解會生左個小霸王出來，開頭睇佢個樣，真係好楚楚可憐咁，而家覺得，原來佢係扮豬食老虎，真係驚鬼左佢呀！ 

事緣係好多時，佢都比較上頑皮，好似我地住3樓，有個露台，夏天時有時會開左度門留番個紗門吹下，佢可以有能本事開左度門自己出去，係，度門個lock係有D鬆，但hannah從未試過夠膽咁做，好彩個次hannah叫我話我知，如果吾係我都吾知呢條女出左去，嚇鬼C我。  跟住，佢又開哂我D櫃玩，雖然以前hannah都試過，但佢無咁放肆囉，以前我叫hannah吾好搞，佢都會停，呢個......真係要隔離佢囉。  再者，佢成日都中意搞垃圾筒，叫佢又係吾聽，跟住仲抄哂D垃圾出來，真係激鬼氣！ 佢真係一D都吾驚，如果吾比佢搞，佢追幾條街打你，跟住就爆喊，唉，邊有D咁既人架？？？？ 最勁係，佢自己可以係張椅到爬上去，再爬上去張枱度玩，真係好鬼得人驚，雖然話就話佢自己可以落黎，但始終都係危險，萬一跌穿頭我真係大喊呀！ 兩姐妹，一個天一個地，好鬼誇張！ 佢再大D真係吾知點教呀！ 我覺得佢係會influence Hannah多過 Hannah influence佢， 同埋大個返學，佢一定係成日比人投訴話打人個位，唉！ 

媽媽，我其實好乖架，嘩哈哈！

擇士多啤利記

趁住天氣開始回暖，我地舉家緊係吾可以留係屋企，要出外玩下啦，嘻嘻！ 本來約左朋友去NJ擇士多啤利，但因為天氣關係，NJ個度已經無得擇啦，要去到upstate NY先有，所以我地就除消同朋友去，自己一家就揸車去！  雖然真係揸左好耐咁，一去一回都無左一日，但成家人一齊去玩下食下，又幾開心既，當然啦，都有cranky既時候，特別係妹妹好多時都吾中意人抱，要自己行（除左係屋企就成日要抱抱），加上個度D地方又多石，所以睇住都幾危險。 

去到都已經12點幾，食完lunch我地就起行去擇。 其實地方吾係好大，人都吾係好多，同埋都吾駛入場費，同佢地入去行個圈都得，身為城市人，去到郊外吸下新鮮空氣，人都精神D。 雖然個度D士多啤利吾算得上係大同靚，但醉翁之意不在酒，都係想同佢地去玩下啫。  見到佢地兩個玩得咁開心，我覺得都值得，同埋hannah一路幫手一路唱歌，同場既人以為我地帶左個收音機，哈哈哈！ 

呢條友一定超肚餓，一坐底就即刻自動波食野，奇景！

去到士多啤利場，hannah 真係有幫手架，而妹妹，當然幫手食啦，哈哈

雖然吾係好大粒，但擇完後都覺得好滿足感，都明白佢地D農夫係幾辛苦

天氣真係十分好呀，等佢地大D去hiking,camping都會幾好玩

我地既戰利品，雖然吾係好多，但已經累C了

有人好中意食士多啤利呀，幾開心！如果食飯時有咁雀躍就好! 

遊樂場

見星期六無咩做，就去左屋企附近既遊樂場同佢兩個玩玩，因為係outdoor, 所以都係開得summer呢段日子，而我地當然趁天氣好時就玩盡去啦，不過呢排天氣都係一般，未至於可以去沙灘玩，但都可以著下短袖既，有時早上夜晚都要著件薄褸，唉，真係悶呀！ 呢邊既夏天，其實真係短之有短，暖既日子可能都係得7，8月，所以要趁住呢兩個月同呢兩隻嘩鬼玩盡呀！  講番正題，呢個park吾係好大，但對於hannah 同 emma來講就已經好開心呀，好彩吾駛比入場費，如果吾係我就吾會去lu, 不過當然，每一個game都要比錢啦，一個game大約＄3.25, 我吾知算吾算貴呀，但總好過佢入場費後佢地吾玩卦。   其實開頭我都驚hannah吾玩，因為細膽既佢連行條橋都驚，不過我發覺呢幾個月佢真係大個左好多，好似識少少野咁，除左佢會做調解員外，而家去廁所佢都會自己去，有時食食下野，佢自己會走去廁所痾peepee, 吾會叫我地幫手，有時仲叫我地出去，雖然wipe patpat好似仲未好叻，但已經係一個好大既進步呀，有時夜晚佢痾夜尿，你會聽到沖廁聲以為咩事，原來係佢，哈哈，好搞笑呀！ 跟住而家有時妹妹曳，我就叫佢你要教妹妹乖乖呀，佢就話hannah乖乖，妹妹no good, 總之真係多左好多笑料啦，當然，有D野會更加執著，好似著衫咁依然煩，但起碼某幾件衫佢實會著既（咁我應該買到好似uniform咁，日日著！哈哈！） 哎呀，又離左題，其實我想講佢大個左好多，夠膽自己上去d rides度玩呀，佢個樣仲要陰陰咀笑，真係好好好得意呀！ 

醜態，自己玩張凳stuck左係入面，佢求救時我就影低佢先，

哈哈

玩船船玩得好開心呀

玩車車仲笑笑tim呀，真係大個女啦！

本來星期日我地打算去strawberry picking, 點知有個小鬼吾願訓，到5點先肯訓， 搞到我地要cancel我地個行程，浪費左一日，哼，再係咁，下次放你去99度訓！！！

生日週末

剛過去既週末，雖然都係仲病病地，但已經比起之前好多了。係，妹妹自係MD返來後，都未好過，都一樣咳咳，雖然比起之前已好好多，但D痰依然係個度，唉，咳呢家野，真係好難好，我都咳左差不多成兩個月了。

剛過去既weekend, 我地延續左hannah B既生日party.  其實都不算得上係birthday party, 因為本來請佢地來既朋友都有一半以上來吾到， 只剩番4個families, 不過反而覺得細細group有佢既好處，同埋大家都有小朋友， 十分明白大家既處境，真係好愛好愛我呢group既朋友！ 我地既認識係係yahoo blog開始，之後大家分別結婚生小朋友， 不知不覺都識左起碼有6年以上，我仲記得我識佢地個陣係未結婚既，而家，小朋友都有兩件啦，哈哈，時間過得真係快。 或者我地有共同既background（大家都係HK人，同埋有小朋友），所以都好岩傾呀，又可能因為我好少同人socialize, 見到有朋友一齊傾下玩下就好開心，我認我係好易開心，嘻嘻！ 

其實以前識落既朋友，真係無keep到幾多個，可能大家都各有各忙，都無時間理對方，同埋有D HK朋友，佢地連婚都未結，所以無小朋友呢個topic傾。 而家識既，都係D有小朋友既父母，我覺得大家一齊出去玩下食下又一day既感覺好好，或者我真係吾中意留係屋企做同一樣野，我會覺得好悶。 雖然老公常常覺得我應該對新識既朋友有所保留，係，我之前都比人中傷過，都吾開心過一段日子，但我之後諗，又覺得如果我要有所保留，不如吾好做朋友。 我自問睇人真係好差，我認識既朋友當中，10個有9個老公都話係8婆，但我又吾識睇佢地係吾係，哈哈！ 不過日久見人心，我無做過對人吾好既事，都吾希望人地對我差，我吾想比人係背後講，都吾會係人背後講人地！ 

最後，我想講我真係好愛你地！ blog除左係我發洩既地方之外，仲係我想記低我女兒成長過程既地方，多謝你地對我既支持同鼓勵，無論我開心吾開心，病吾病，你地都一樣咁錫我！ 我好希望有一日我地可以係香港，我既home town, 見面呀！Love you all~ 

PS:  Hannah, happy birthday again!