差不多啦

我份part time差不多就完啦﹐ 唔知點解有D唔捨得﹐ 可能呢幾個星期日日做﹐ 都好似慣左﹐ 而且有另一份收入都唔差﹐ 只係無時間係屋企煮飯﹐ 不過識左係屋企附近住0既人﹐ 個個都好好人﹐ 有時我無車個個都會車我返屋企﹐ 雖然唔知會唔會再見﹐ 但我覺得個人充實左同開心左﹐ 不過我覺得我honey好似好有怨言﹐ 因為我做野無理佢﹐ 而事實上﹐ 我返到屋企都己經好累﹐ 希望佢可以了解我﹐ 比佢咁講﹐ 我覺得我真係唔了解佢﹐ 而佢就好了解我﹐ 我斬覺得自己好煩。 上次我地一班人去政府樓做﹐ 開頭都唔知﹐ 去到都有D恐怖﹐ 不過因為一大班人做野都OK﹐ 其實又幾好玩﹐ 因為大家有傾有講﹐ 有事大家去幫手﹐ 所以開頭以為係一件慘事都覺得係優差﹐ 哈哈!  琴晚開頭諗住去一間屋問﹐ 但隻狗超大﹐ 又不停吠﹐ 我真係好驚﹐ 之後做野時見到個同事﹐ 佢問我去邊﹐ 我話去個間有超大狗個度﹐ 我話我好驚﹐ 跟住叫佢陪我去﹐ 一想過馬路時就見到有人出黎放狗﹐ 即係衝埋去﹐ 不過我實在太驚﹐ 所以我叫佢幫我做啦﹐ 哈哈! 我覺得有人陪都係唔錯0既事﹐ 起碼無咁悶﹐ 又吹下水﹐ 哈哈! 大家都係唐人﹐ 同聲同氣係好傾D。


唔知幾時再可以見面啦! 希望有時係街上會撞到﹐ 不過我覺得都好難﹐ 因為個個都drive﹐ 邊會係街見到先得﹐ 哈哈! 唔緊要啦﹐ 實有機會0既!