Hawaii 經歷 3 & 4

第3同第4日都係海灘渡過，不過真係好難忘呀！！ 經過左一連兩日既不幸，以為第3日會有好日子過啦，點知.....

早上我地係酒店食早餐，跟住就去沙灘，本來一切都好順利，藍天白雲幾開心，點知原來呢個係D甜頭jah!!



我地去完沙
灘返hotel沖涼， 都已經成6點幾啦，都開始餓， 因為一連2日都係食鬼餐，
所以想試下其他，經過見到有間日本餐，就打算去食啦，因為入面無位既關係，所以就坐出面，
其實都無所謂既，坐邊度都一樣，坐低之後打算落order之際，突然聽到有陣叫聲，打算抬頭望下發生咩事既時候，我就已經比一個不請自來既波打中我額頭，
呆左一秒既時間，跟住就即刻好痛，痛到我喊左出黎 本來足球籃球你都覺得OK，但呢個係桌球，無錯，係桌球，原來2樓有張桌球枱比人玩，不過玩個個人好明顯係唔識玩，個波就由2樓彈去一樓再彈去我個額頭度。我個刻真係咩都做唔到，因為一連2日既不幸已經令我好好好唔開心，而家仲。。。我真係喊到收唔到聲 我老公第一時間報警，而ambulance都好快到，不過要多得日本餐廳老闆，佢一知道發生呢件事，立即比個冰袋我，如果唔係，我相信一定會腫左，都好彩係個額頭，如果落少少就係我隻眼啦！！！！！！

我個刻既心情真係好差好差，一心去hawaii可以enjoy下，點知咁黑仔，真係好想好想好想返屋企，唉。。。。。跟住我就比人send左入醫院啦，因為我覺得1）個頭可大可小，點知會點
2）唔係自己地頭，點都好似有D驚，個次係我第一次比人抬入救護車，都係頭一次去醫院（探病唔計），係醫院搞左成晚， 見完醫生等做C-scan,
跟住醫生話無事，比D止痛藥同冰袋我，就可以返hotel. 可憐既我地仲未食dinner呀！！！！醫院入面原來係無野食架

差D又餓到暈

係醫院時，我同我老公講我好想返NY呀，我唔想再留係度...當時真係好失落

好啦好啦，唔開心既野都已經過去，雖然之後個日都依然擔心會唔會再咁黑仔，所以做樣樣野都十分小心！ 同埋，唔會再坐室外既地方



第4日既相