HAWAII 經歷 6 & 7

第6日既行程係去玩snorkeling.  我地跟左個團出海玩，我開始時都有D擔心呀，因為今次實在太黑仔， 擔心會唔會有鯊魚咬我呢？ （我知我過份擔心，但當你中完頭獎時你就唔可以唔擔心啦！） 我地跟呢個團會去2個地方，一個係睇海豚， 一個係睇海龜。 Molokini 係一個好出名既潛水地方，可能因為半月形狀，所以好多魚都會係個度出沒。雖然我地之前去過海灘試玩snorkeling, 但係海邊因為近岸，所以唔太多，加上大部份魚都係石頭邊遊， 所以淺水地方係有D危險。而且如果驚既話，出到深水地方就更加危險啦。 本來無打算跟團，不過佢話岸邊個D好似唔好睇，咁就join啦。我覺得呢個決定係無錯呀，落水時係有D驚，不過老公落左去望望，跟住同我講 "嘩，好靚呀",我就2話不說中左個頭落水睇，嘩，我真係好難形容，因為真係好好好好好好好靚呀！！！！！！！ 成個水族館咁，我真係好想去多次！ D魚實在好多，又唔怕人喎， 如果有人去Maui, 真係真係要highly recommend呀！！！！


呢個就係Molokini, 我地去到已經有好多船啦

離遠影，不過好難影到個半月形

呢張係上網搵既相，我可以講，佢D水真係有咁清同藍

我地去第2個島途中，好彩地見到好多海豚，問返係船做野既人，佢話唔係成日都見到呀，所以我地好好彩呀！！！我覺得佢地好得意， 又跟左我地隻船好耐，佢地好中意成一大班一齊游，好Kawaii呀

因為出海， 所以無點影相，不過係一個好難忘既經驗。我地去到第2個地方，都見到海龜， 真係以為自己睇緊finding Nemo

事關我地第2朝要超早起第睇日出，所以snorkeling完食D野就返hotel 訓。途中我地見到有菠蘿賣，超好味，如果有人去，係批准帶上機運返屋企比人做手信，本來我都想，但擔心個喼無位，下次啦

我地第2朝3點就起程去睇日出，我開頭仲以為我地先咁變態，我地上到去已經有好多人啦！！我老公揸車上去都不知幾開心，好似玩緊頭文字D，我就嚇暈左，事關實在太高，成10,000 feet, 上去時又黑，好似分分鐘跌落山，好牙煙呀！！！！！！！不過天公不造美，天氣唔太好所以睇得唔好，無辦法啦，上左去就要欣賞下

呢張唔係我影，比你地睇下應該係點，其實無雲時真係幾靚架

我已經累到笑唔出， 哈哈哈

之後當然返左hotel訓啦，實在太眼訓啦。之後下午既行程就係去沙灘。呢個沙灘係我地hotel 大約20-30分鐘車程，不過都不枉此行，因為呢個beach比我地之前個D真係靚好多，D水都清好多好多，係一落水就見到腳趾個隻，真係無得頂！而且又無咩人，所以真係正！！我相信因為咁，所以吸引到好多人結婚呀，靚人靚景，真係寧捨開心架

By the way, this beach is called Kalpula Beach @ Maui

睇下D水幾清

我地起碼見到5，6對couples 結婚

又到老公藝術相時候，哈哈！！

To be cont.