風暴過後

雖然話就話係世紀大風暴，但個個都話雷聲大雨點少，政府有時又好難做既，因為之前試過predict吾準，又話死左幾多個人，而家話你地知個風好勁，又比人插，真係算吧啦！ anyway, 我就好appreciate佢地，因為鏟雪車既人真係搵命搏，同埋天氣咁差真係寧願留係屋企啦，嘻嘻，我地又有一日假放，有咩所謂je.....不過講真，我地住個度吾算多雪，但有D地方真係有成幾呎雪架！

個日學校吾駛返學，下午時見已經停雪，就同Hannah 落去玩雪，整雪人，好好玩呀！ 雖然都係整吾到，因為D雪吾太痴，但玩左一陣都好開心呀！ 好想好想同佢去滑雪，我諗應該幾好玩呀！ 之後樓下個女話想上來我屋企玩，見Hannah成日痴住佢，咁是但啦，比佢一齊玩啦！ 其實佢無小姐脾氣時都OK，但叫佢幫手clean up就諸多籍口，煩！ 

壞消息

今晚心情真係好差，原因係知道左我老公個cousin 肚入面既 bb 突然無左心跳， 心情真係好難過。 佢個bb 已經陀到 28 weeks, 有邊個會諗到會係呢d 時候咁呢？ 聽到後，真係好傷心，或者未做媽媽前都無咁感觸， 做左媽媽後先覺得生bb 出來一d 都唔易，要陀足10 個月，小心10 個月， 生時又要受 10 級痛苦， 得到一個小生命真係好似過 5 關斬6 仗， 我地真係要好好珍惜。 雖然平時老公個 cousin 好 tough,  但要面對呢個痛楚，真係好難過。 聽日仲要去醫院生個bb 出來，唉，見到既時候都唔知點過。  希望佢真係可以快快好番，努力再製造第二個小生命啦！

大風雪吹襲

新聞講到今晚開始會有大風雪來臨，真係好得人驚呀！ 佢地話會預計有18 to 24吋雪，係，無錯，即係成兩呎呀！ 好得人驚如果真係有咁高， 希望大家都可以安全咁過左呢個風暴啦！ 

咁耐無見，緊係以為我偷懶啦，但事實係，我地又病了，唉！ 好似自summer後，我地就無停過病，真係我都怕怕了。  雖然醫生都話無得避免，因為hannah開始返學，但真係隔一星期又病，真係好得人驚。 話就話只不過係傷風感冒，但點都令人辛苦架，我都食左兩日藥先好番D咋，上星期真係直頭起吾到身返工，成身都軟同痛，真係慘絕人寰呀！ 點樣先可以令抵抗力強D呢？ 就算吾係講小朋友，我自己D抵抗力真係差，咁容易又病，唉！ 上星期去睇中醫，都係調理下身體，佢就話如果成日病，煲D白術，防風，北奇（吾識寫）煲湯，可以加強抵抗力wor....雖然吾知work 吾work, 但都會試下既，不過講真，呢D中藥真係佢識我我吾識佢，而家亞媽係度就話可以幫下，遲下我又忙過，真係休息時間都無，何況煲湯，盡量啦！！！！！ 如果大家有咩好提議，不訪話我知，我真係病到癲左lu.........冬天真係好易病，希望冬天快D過啦！！！！

減肥

嘩，原來要減肥真係十分吾容易，首先想講下，因為開頭要餵人奶，所以真係勁食，做成有食消夜習慣，慘慘！ 以前真係一路泵，一路食零食，因為係得個D時間先可以算休息下，梗係想開心下啦，我真係希望呢個世界係無零食，薯片朱古力真係害人不淺呢！ 而家要減，真係有D困難，要不停忍口，不停捱餓，嗚嗚！ 雖然好似好變態，但見到自己個豬樣同身材，真係不得不忍下，因為實在恐怖呀！ 而家個計劃係，cut down零食，少吃飯麵類，食多D肉菜，希望咁樣可以令自己減到少少啦。 係office真係想勁食，所以有時口痕時，就放一大盆生果係面前，我諗點都好過食薯片個類吧，嘻嘻！ 希望可以keep住呢個habit啦，吾想再繼續重磅下去呀！

早餐-呢幾日都係食蛋，無包，應該無咁肥卦

lunch - 依舊帶lunch box, 有少量飯同餸，吾飽就食生果

snack -真係口痕就食gum, 再吾係就yohurt呀，生果，calories應該低D卦

dinner -如常都係食99煮，不過cut down食飯，食多左餸！

late snack- 無，希望keep到呢個habit啦！

加油！！！！！！

13月@ Emma BB

咁又過左一個weekend了，好快手呀！ 其實由新年到而家，都有好多野想講架，不過hea hea下就吾記得lu, 哈哈哈！近排都無咩特別既，不過早一個星期妹妹就病左，我亞媽就揹住妹妹去睇醫生，因為我要返工，開頭都諗住佢又無發燒，都吾似咩事，係有幾聲咳je, 不過吾知係咪HK d人特別中意睇醫生，我亞媽就二話不說同帶左妹妹睇醫生，結果係，佢有輕微肺炎，我聽到時都呆左，因為我見妹妹吾似好嚴重，都似係咳兩聲咁啦，但佢係咁her her聲，我亞媽都驚呀，事實證明係應該去見醫生，因為實在太嚴重了，更怕妹妹有什麼後遺症呢，食左7日消炎藥，都算好得7788 了，不過都有幾聲咳，但醫生話個肺清，吾駛再食藥，做媽媽都係好大意，妹妹病到咁嚴重都吾知，可憐呀！ 再之前去左抽血，之後驗到妹妹對蛋白同花生都敏感，都好擔心呀！ 雖然我地都好盡量小心吾比佢食到敏感野，但有時都真係好擔心，始終有時我地好易遺忘，希望呢個問題會outgrow啦！ 

愈大愈曳既小姐，食野超級吾專心，一定要睇TV先食（多謝62既教導）

呢個古靈精怪既大小姐，係咪好可愛呢？

似吾似去打仗一樣？

媽媽，我下次吾咁曳啦，吾好嬲啦！

一大清早就起身玩，我真係比佢地玩殘呀！

新車

係未有小朋友前，我地第一架車係一架 suv,  個陣覺得又大又好坐，都ok 啦， 到差不多生hannah 時， 我地又換左一架sedan,  因為為左老公返工要揸車，揸架 suv 唔慳油，點知，老公已經唔駛揸車返工， d 油價又創新低， 一架慳油車已經無咩作用，加上，妹妹出世後，話就話少出街，但要出街時真係幾攞命，係usa,  carseat 係 mandatory,  bb 一離開醫院就必定要有 carseat,  否則唔比出院， 試想下，我平時夾係兩個carseat 中間，個d位置真係少之有少， 同兩個小朋友出街，拎野都特別多，一袋兩袋咁，真係位置多到呢。。。。。。 所以，上星期就去左 car dealer,  買左我地第3 架車，就係一架 van.   其實我開始時都有d 抗拒，因為覺得好 chinese,  好唔型， 但自從經歷過迫係架車成日，就覺得，一架van 真係好重要。 我可以買架 suv,  但係兩個 carseat 迫係後面，坐多個人無可能了，加上我父母年年都來一次探我地，有架 van 可以road trip,  都唔錯吧。  係就係薯仔d,  但實用程度 100 分呀！！！  其實我地作為父母，已經唔單睇外表，睇下自己著到幾c9, 都要留番d 錢買小朋友衫就知啦，哈哈！烏烏where where 我就係人辦啦！ anyway,  byebye camry,  我地曾經有個兩年幾既感情，而家割愛比其他人，希望你個新主人會對你好啦！！！ 

新年快樂！！！！

好耐無見呀，實在太忙碌了，加上上個排放假到新年，真係無時間update呀！ 我地一家係呢度祝各位有個健康快樂既2015啦！ 

講番聖誕節個日，我地呢度所有鋪頭都關門，所以想出街係無可能了。 本來朝早打算同親戚飲茶，老公吾想出門，就得我同亞媽兩個湊住兩個出去，點知假期實在太多人，有排等，我又揹住妹妹，亞媽推Hannah, 而咁岩個D時間 Hannah又肚餓，真係大人等得小朋友吾等得呀，我地唯有走啦，唉，最慘係我揹住成20磅人仔，真係腰都斷，所以我決定以後都吾做埋呢D野，推佢無咁嬲！anyway, 返到屋企後，我地就決定同兩個小朋友去玩，玩咩？ 咪就係去溜冰囉，嘻嘻！ 想當年，我都有係太古城學過花式溜冰架，不過而家人老左，骨頭都硬，真係企到已經偷笑呀！ 當然啦，呢個咁難既任務，就梗係無妹妹份啦，我地就只可以叫亞媽睇住亞妹，我地就同Hannah去溜冰。 我開始時都驚佢會跌呀整親呀，簡直10萬個吾放心，點知換上鞋時，佢又企得穩又行到wor...我都有D驚喜，之後入到溜冰場，當然要扶住先啦，我其實都未適應到，始終真係多年無玩過呀，好彩老公同我地一齊去，大家就拉住佢一齊溜左陣，雖然佢都係比我地拉多，但佢又好似中意咁，嘻嘻，好搞笑呀！ 希望我地下次再有機會去啦！ 可能個日聖誕節，所以吾算得上好多人（因為個個都係屋企做節），不過我地就有一個難忘經歷呀！ 

同場加影我地去屋企附近既聖誕燈飾區，好靚呀！！！！