凌晨3點， 失眠，因為傷心過度 原本以為可以有一個溫馨既晚上， 因為我既心情而影響。。。。
星期六本身應該唔哂返工， 但因工作實在太忙，而星期五又作病，請左日假，所以星期六都要返office, 早上洗落衫， 已經叫左老公乾，點知佢忘記左，成為今晚既導火線。 我開始時都無野，不過一路諗下呢排既生活，我就真係好唔開心。 呢排工作繁忙，日日做到7點，返到屋企之後又要煮飯，作為懷孕既我真係好辛苦，星期四叫老公幫手清潔廁所，點知真係得個廁所，而地上既塵依然原封不動。叫佢幫我換床單，可想而知，又係無。幫手煮飯，都只不過係煮落米，我知呢D野平時都係我做， 而我都以為懷孕之後可以有人同我分擔，點知，我依然要煮飯，依然要洗衫，依然要諗食咩，依然去清潔，加上呢排壓力大，所以向佢發脾氣，但唔係個個都咁好彩，發脾氣呢家野唔可以個個大肚婆都做，只少我係其中一個。 而家佢唔會理我，話我發佢脾氣但一D先兆都無，講真，我聽到佢話無幫我乾衣我已經開始話好嬲， 又點可以話毫無先兆。唉，次次都好似我係衰人，但試想下，一個大肚婆係家中，又要煮飯洗衫清潔熨衫，你估真係唔辛苦？ 而家仲要面對亞B老豆既脾氣，唉，點解我要咁慘？ 我見好多人懷孕後都變左queen, 而我，依然係咁。老公自己選擇，怪得邊個？如果佢係頂我唔順，我就會立即返HK，起碼有家人照顧。主呀，可唔可以教我點做呀？
:)
:(
;)
:D
:-/
:x
:P
:-*
=((
:-O
X(
:7
B-)
#:-S
:((
:))
=))
:-B
:-c
:)]
~X(
:-h
I-)
=D7
@-)
:-w
7:P
2):)
:!!
\m/
:-q
:-bd
^#(^
大肚時的確易唔開心，最完美就係老公會體諒，會唔會佢工作都忙？奶奶會唔會幫到？有無諗過請nanny幫手？
ReplyDelete[版主回覆12/06/2011 01:13:36]講真，大家都忙，我都知佢工作上有唔開心，但作為人老公，又快係爸爸，要識到點樣分配工作，我都好擔心日後佢咩都唔做，又要我煮飯，又要我湊仔，又要我幫BB沖涼餵奶。 我奶奶自從睇樓單野，都好少理我地，哈哈，人真係現實呀！所以而家要靠自己亞媽同你地班blog友囉！
靚媽靚媽....唔好勞氣唔好唔開心....發脾氣時一次過bilibala咁講晒出黎俾你老公知....唔好理佢改唔改聽唔聽...千祈唔好屈住屈住....
ReplyDelete[版主回覆12/06/2011 01:19:35]爆哂出黎咪比人話到一面屁囉！
可能妳一向都唔使佢做家務 家陣要做咁多嘢咪唔慣囉 同佢商量吓 點都都要佢分擔吓 再唔係 叫佢請工人幫手囉 ~~ 而且遲啲BB越來越大 妳會仲辛苦啲呀 ~~
ReplyDelete[版主回覆12/06/2011 23:06:24]我咪係個個工人囉，邊有咁多多餘錢去請，唉！
Mrs.Wu ,男人有種慣性，他慣常不用做的事，他們係唔會主動，他們理得個廁所有幾dirty都唔會動手，因他們不流都無清潔依個心，所以我預咗我自己大肚時，都係咩都會係自己做返。你自己盡力而為呀！赲就唔好做住，你臨生BB時，有冇諗住請個倍月工人倍你幾個月？真係叫你老公請返個！因BB出世真係忙到連自己都理唔到....你媽咪會唔會黎倍你生，講真，自己家人先最關心
ReplyDelete[版主回覆12/09/2011 00:07:27]其實我而家除左煮飯，其他野都好少做，連清潔都少，叫老公佢話哦，轉頭又係唔會做，所以我都費事理。 會呀，我亞媽會係下年生之前過來，會留一段日子，可能留到我適應先啦。