如果有睇開我個blog既朋友，應該知道前排有個朋友去左我屋企過一晚夜，星期日既晚上，收到一個驚人既消息，令我真係有D吾開心左一陣，都可能因為咁而令我個晚訓得好差。
朋友Y一路都係同朋友B一齊（原來佢地一齊左已經有6，7年，不過人前人後就無認），我地作為朋友，就算佢地無認，我地都感覺到有野，不過當然吾會玩踢爆啦。 事件既開始係講返聖誕節，個時有個朋友係HK過來，我地就去左church既一個朋友屋企傾計，因為朋友B係比較熱情，所以其實大家都好擔心係教會既時候，如果咁熱情對女生會令人有誤會，所以我地大家都好針對呢樣野來傾，而因為咁，朋友B就覺得好煩，因為成日都覺得教會係一家人，所以應該當所有人係家人一般，但我覺得有時吾係個個人都可以接受到佢個套，而且係對女仔，好容易令人有暇想，所以我地勸佢如果有D女仔有咩事， 應該搵其他女性教友去接觸。 不過咁樣令佢開始吾開心，而咁岩朋友Y係呢個時候返左HK，咁就造成今日既結局。
朋友Y上星期感覺到吾妥，所以質問佢，係咪同第二個女仔有野，開始時都吾認，直到去搵左另一個教友（呢個教友係由細睇到佢地大，所以好似亞媽一樣），佢就吾敢講大話，因為係主既面前。講到咁，大家都好明啦，佢無否認佢同左另一個女仔一齊，我可以想像到朋友Y當時係好似晴天霹靂咁，因為個個女仔係教會到，而當朋友Y返HK時佢就好需要人地既安慰，而呢個女仔成日同佢傾電話，不過我真係想像吾到囉，個個女仔真係好cheap, 佢自己本身有個男朋友，早排都仲同緊呢個男仔一齊，咁快就可以轉到畫，而家D 80後真係好容易！ 不過最大既問題都係朋友B，因為係佢一腳踏兩船，而上年既時候仲同朋友Y講叫佢比一年時間佢，等佢可以settle個女之後就可以名正言順一齊，點知未夠一年就搞成咁，我真係覺得好失望。 點解？ 因為佢講到自己幾咁偉大，又講到自己係教會到係為神而過，而家係教會搞D咁既野，仲點可以令人有信心再去呢間教會？ 好似好多感情問題一樣，佢成日都話要做個榜樣，而家又邊有人肯聽？？ 佢吾想commit, 可以同朋友Y講，吾駛好似玩緊佢一樣，搞到佢好似成個癲既一樣，唉！ 聽到呢個消息，我自己都晴天霹靂，因為個個女仔我都見過，我都以為係朋友，點知就係因為朋友Y返左HK兩星期，而佢就真係寂寞難奈，唉！
不過咁，我都希望朋友Y可以重新做人，因為經過兩次既感情失敗之後，我吾可以講佢係一個十全十美既女友，但我相信都吾會係十分差個D，應該仲可以有市場既。 希望佢可以快D好番啦！
之後同老公食完lunch,老公就車我返工，而佢就返屋企。星期六就咁過左！
！我覺得買名牌比BB仔最浪費，又細件又貴，好似套juicy couture, 成USD＄30一件，我D衫都無咁貴呀，不過人地買我又無所謂，嘻嘻！
