忙忙忙

又到星期一啦，不過過去既一個weekend都幾忙，所以真係想放假，哈哈！

星期六早上因為我要去驗糖尿，所以一早就起左身，不過老公又吾願起身，搞搞下都成10點幾先到。因為驗糖尿之前係吾可以食野， 連水都吾可以飲得多，真係一朝早無食過野有D暈暈地，好彩去到飲左D糖水就好少少，等左大約一小時，抽完血就功成身退，哈哈！ 我同老公講今日要放監，所以就好開心地去飲茶，返到屋企又食雪糕，真係忍口忍得好辛苦，哈哈，雖然其實都未必關係，但好似忍下安心D。

之後去飲茶，咁岩有人舞獅，所以有多個免費娛樂，哈哈！其實我兩公婆係好少出街，所以都好少機會見到舞獅，之前見過都係因為我parents新年過來，所以點都會同佢地出街，嘻嘻。 講番個舞獅，都好pro，係度上上落落，真係忙，不過有利事封番比佢地都OK啦，又可以有個意頭，幾好！不過要我去唐人街睇parade就一定吾會，因為實在太多人啦！而家自己知自己事，老公都一定吾會比我去啦！ 之後就太累所以返歸嘞。

星期日我老細生日，佢既GF就幫佢搞左個surprise party, 我又同老公一齊去，因為係long island, 所以我地提早一小時起程，去到餐廳岩岩好，我老細都未出現，哈哈，等到老細出現， 佢又真係好surprise喎，哈哈，真係好搞笑。 其實我地公司好細，不過就好有family既感覺，所以呢D gathering都會一齊去玩，所以無問題。不過係估不到自己影左相，原來已經好肥啦，唉，無計，都要等到亞B出來先可以減到磅呀！（其實都係肥係個肚度，其他手腳都吾太差既！）