不經不覺佗B已經過左27星期，時間過得真係快。 呢排好忙，工作上同精神上都係。 工作上，因為係繁忙時期，所以上個星期六都要返工，不過好彩既係，老細話琴日係假期，又吾需要我幫手，所以可以批准我放假一天，正！ 而精神上，都係擔心血糖問題啦。 上次見醫生，佢話我個肚吾夠26週， 所以要兩個星期後去多次，make sure我個B吾會under weight, 我都好擔心呀，不過又重左兩磅，咁即係點？又搞到我好精神緊張。
呢幾日亞B郁得好利害，連亞B爸爸摸既時候，都感覺到亞B隻手指劃過，真係好得意呀！我而家好習慣比亞B郁，我都好enjoy,因為過多幾個月亞B就吾係我肚入面啦，所以要好好享受剩低個幾個月亞B係入面，嘻嘻！個感覺好似有D野係入面捲來捲去，好特別呀！ 亞B，爸爸媽媽好愛你！
上星期六一朝早就去左驗血糖，真係悶到嘔，又吾食得野又無野做，8點多去到飲完支糖水真係想嘔，之後係車上休息左一陣，隔一個鐘頭去一次，總共要抽3次，吾係，係未飲之前都要抽一次，前後拮左我4針，我老公見到，話好似個D道友咁，勁多針孔！ 之後同老公食完lunch,老公就車我返工，而佢就返屋企。星期六就咁過左！
星期日早上同佢屋企人去睇樓，之後就各自返歸。 我知老公想返屋企睇J Lin, 但我又想去行街，佢條友仔就趁我去行街，佢就坐住出面用電話睇波，哈哈！真係醒！又可以陪我，又可以做自己野，不過我又無所謂，我都吾會問佢意見，因為問來都多餘。
星期一老公要返工，我就係屋企清潔，嘩，真係好辛苦，大住個肚搞呢樣個樣，不過見到屋企清潔左咁多又開心D，嘻嘻。咁就過左一個所謂既long weekend, 不過都期待下個假期既來臨（試問有邊個打工仔吾想成日有假期，嘻嘻！）
:)
:(
;)
:D
:-/
:x
:P
:-*
=((
:-O
X(
:7
B-)
#:-S
:((
:))
=))
:-B
:-c
:)]
~X(
:-h
I-)
=D7
@-)
:-w
7:P
2):)
:!!
\m/
:-q
:-bd
^#(^
Mrs. Wu:有BB 真係好奇妙，感覺到阿B女郁，一曰一日大......你好能幹，大住肚仲做足六天，你咁努動，咩energy都burn晒，血糖應無咩架啦！放鬆d. 心情都會影響血糖架！做個開心大肚婆
ReplyDelete[版主回覆02/22/2012 22:36:16]我都係咁諗，開心又要過吾開心又要過，不如開心D啦，哈哈！ 我都吾想咁勤力，不過工作關係無辦法啦！
請人幫妳打掃啦，大住個肚打掃好辛苦啫
ReplyDelete[版主回覆02/22/2012 22:37:14]邊請到人呀，我呢邊好少有D咁既服務，遲D亞媽黎就係我既鐘點，哈哈！
大緊肚做家務要加倍小心呀!!!!
ReplyDelete[版主回覆02/22/2012 22:38:24]係呀，做做下都腰骨痛，要停一停先。 好彩我間屋無你間咁大咋，要打掃都真係幾辛苦！
真叻女，周圍走，又OT, 仲可以做家務。用清潔劑時小心啊，唔好吸入咁多，保持實內空氣流通（賣廣告咁）。
ReplyDelete[版主回覆02/23/2012 06:31:43]做咁多野，真係好累，不過好有滿足感，哈哈
連你大住肚都咁勤力做家務，我真係無咩理由仲咁懶唔清潔下間房!
ReplyDelete[版主回覆02/28/2012 01:28:29]咁你快D努力啦，吾好比我睇C，哈哈哈
[DANNY回覆02/26/2012 12:57:01]不知不覺成為我地既模範
[版主回覆02/23/2012 22:58:36]你都係時候啦，嘩哈哈！
大住個肚做咁多家務 好辛苦喎
ReplyDelete妳老公又掛住打機呀 叫佢做啦
[版主回覆02/24/2012 00:12:25]都未清潔完呀，仲有大把野清潔，叫佢幫手就鬼咁多籍口，我都費事叫！不過佢吾係屋企，反而清潔方便D，哈哈
我阿女練曲時, 阿B喺媽咪個肚裏面伴舞, 我哋用手機拍咗video (有朋友問個肚入面係咪有隻異形
ReplyDelete[版主回覆02/28/2012 01:26:42]但係好難咁岩capture到個個moment,希望下次有機會啦。而家亞B成日郁，有時朝早吾願起身都係亞B郁醒我，好搞笑
[AreYouOK回覆02/24/2012 18:49:54]阿女喺媽咪個肚度一日詠春一日太極.....所以會食食下飯放對腳上頭....
你阿仔喺媽咪個肚度唔係點百厭.....結果真係唔百厭....
今次阿B喺媽咪個肚度又打拳又游蛙式.....睇怕我都要認命囉
[yellowline回覆02/24/2012 17:37:56]哈, 我有睇過果段video, 亞B媽咪個肚籮咁大, 亞B係裏面有好多活動空間, 直頭似打緊拳.
係咪有關係呢, 我個仔係個肚時, 唔係點百厭, 結果佢真係唔百厭. 我最記得佢滿兩歲, 美國人最鍾意講terrible two. 我如臨大敵, 弊啦, 要唸唸點教仔. 點知好快就三歲, 我仲奇怪, 又話terrible two既?
坐月後才做大清潔都得嗎...?? 這樣便當做收身運動呀
ReplyDelete[版主回覆02/25/2012 00:42:05]吾知比吾比呢？不過到時亞媽係度，應該好易搞，哈哈
我當年大住個肚, 仲搬屋呀, 仲爬上爬落, 無辦法啦, 無人幫手, 凡事要親力親為. 不過我當時陀仔陀得好舒服, 行路仲健步如飛, 一直返工返到差唔多要生. 不過, 真係好睇人架, 個個大肚都唔同. 我當時有個朋友同我差唔時候有BB, 佢連工都無返, 純家庭主婦, 但好快就小產咗. 聽聞話佢係屋企淋花, 有幾盆盆栽吊得高, 佢伸高手去淋水, 咁就話BB無咗囉.
ReplyDelete[版主回覆02/25/2012 00:56:55]嘩，咁慘，不過真係架，要keep住就keep住，要係無就無，所以我都好開心陀得都OK！無人照顧真係慘，我都係一樣，等亞媽過來幫我手，哈哈
YOu be careful ar... Don't do too much work... Rest rest rest more la... Add oil ar!!!
ReplyDelete[版主回覆02/25/2012 12:11:02]if i don't do it...then the house will be a mess.....sigh!
隻手指劃過咁得意?! 好期待快d見下佢盧山真面目ah
ReplyDelete[版主回覆02/28/2012 02:52:23]我都等緊呀！好期待亞B既來臨