忙碌的一個週末（34週）

星期六早上去左見醫生，不過醫生話仲未feel到BB既頭仔向下，可能係亞B又郁來郁去，所以轉左去吾知邊度。 無計啦，係37週再照多次超聲波先算。 其實我都無過份擔心， 轉吾轉吾係大問題，最重要係佢既健康！ 兩星期後再見佢，希望到時OK啦。 又重左兩磅，三星期兩磅我已經好努力，而家只得五星期可以重兩磅，唉，真係叫我吾好食咩？ 

跟住本來打算去買醋，點知去左兩間，兩間都無八珍賣，係咪咁多大肚婆呀？個個都要買醋？？ 真煩！ 唯有期待亞媽去唐人街看看啦。 

星期日一早比李家大小姐電話嘈醒（8點多），比佢激C 。所以一早就已經起左身，之後見亞媽去左basement清潔，我又落去清潔下，真係一見到個堆垃圾就恐怖，邊有人成十年前既信都仲留低，實在太多垃圾！ 亞媽來左咁耐，起碼有成20袋垃圾，仲未搞掂架，我老公個D都未清潔，慢吞吞。 我終於明白點解有十個衣櫃我都吾夠，我十年前既衫同褸仲係衣櫃入面，我成日都覺得我可能有機會穿，不過經過咁多年既經驗，我係一次都無穿過，所以既然係咁，不如捐比人。而且年年我家姐都有成幾袋衫比我，日積月累，真係多到無朋友！所以決定捐哂大部份既衫，留番小小比自己。 今次亞媽過來真係大改做，個basement原本有超多雜物，比我地執執，真係小好多野，好誇張！

之後，我同老公就開始assemble我地既第一件BB傢俱，就係bassinet, 嘻嘻。 其實開始時無打算買，不過見到好似方便D， 而朋友又送左比我地，咁我就用啦。好得意呀，亞B都好開心，嘻嘻，尋晚係入面開心左成晚，搞到我都訓吾著，哈哈，好搞笑！ 多謝老公既幫忙，先可以搞掂呢個project。

晚上既事，要開個另一個post先講得，因為實在太長篇啦！