峰迴路轉

終於有時間鬆一口氣，呢幾日都好忙好忙，好彩亞媽係屋企幫手，如果吾係都吾知點算。  上次提到有樣長篇野分享，如果有睇開我個blog既朋友，都知我本來打算同老公家人一齊買樓，但之後佢地又好nasty地話買吾成。 事件實在太峰迴路轉，有一晚佢亞媽又話我地之前睇既屋減價，叫我地再一齊買，其實個陣真係比佢地玩C，成日五時花六時變，我同老公真係好難相就度佢地。 所以有個晚上老公就打比佢媽同佢講吾買，我聽吾到成個既內容，但就知佢亞媽係度喊哂咁，又講番以前既陳年事，唉，搞到我老公個晚都好吾開心，好似覺得佢做錯事，令佢媽難過。 見到咁，我都好心痛，唉，唯有我去做清道夫，幫佢收拾殘局。 我發覺次次有咩事，我都要幫佢執手尾，唉，我成日都話，如果我吾係身邊會點算呢？ 佢無左我可能生存吾到。anyway, 其實吾想妥協，不過作為老婆既我，如果老公係想同佢地一齊住，我無得講，我最重要係樣樣野都分開，我吾想以後有D咩事都嗌交。 

好啦，之後再去睇多次樓，其實大致上都無問題，星期日既晚上就大家坐低傾清楚。  大部份既野都OK，不過佢細佬做野實在太快，有好多事都無搞清楚就話做。好似由佢聯絡個seller agent, 跟住再做埋inspection, 再想簽contract, 前後吾駛兩星期，我自己就覺得好Q快，買屋仲快過我買件衫。 不過星期日晚上講左樣野我覺得有無搞錯。 因為之前打算買第二間既時候，佢就吹我老公叫佢整個pre-approved letter, 證明佢有足夠既收入去銀行借錢。 佢細佬係銀行做，好容易就可以整呢封信，但點知星期日講mortgage既問題，佢先話原來佢之前整個封信，佢識個個人，所以可以整好，叫佢寫幾多都得tim, 不過佢又話自己吾可以係銀行度借錢，因為本身有間屋供緊，銀行吾會借比佢，要出去出面個D mortgage broker度借，超，我即係咪話咁之前個封信即係無意思，真係好無聊。 係呀，如果佢借吾到錢，等於買吾到樓啦！真係多謝佢呀！ 佢平時做野係點我吾知，我只係知佢做人同做野都好心急，無諗到前因後果，一支箭咁衝，真係好難適應呀！唉，搞mortgageD野都搞到一頭煙，老公仲話我吾幫佢，我真係想知，我點樣吾幫？？？ 我朋友係銀行做mortgage,我都成日問佢野，煩到佢，而佢又今日去攞新車，叫我去queens幫佢揸番第二架車返屋企，真係....我之前已經講過我吾想，但佢話搵吾到人，唉，我條命真係苦呀！ 次次都要我幫佢做野。 好似之前有次去聽concert, 兩個都成晚無訓，其實我都好累，但佢C都要我幫手揸，我好記得呀！！！！！！個日無咩事真係thank god, 因為我好少揸車，而且係咁既狀態，唉，我老公對我真好呀！！！！！！！！！