晚餐之夜

星期一既晚上，原來打算返屋企吃飯，點知早上老公同我講原來佢同事個老公生日（大家都識既），咁咪一齊去食飯囉。 本來我打算返屋企陪亞媽，但又要等佢來接我拎D禮物回家，咁算啦，亞媽一定好悶！  

晚上去到 east village既一間食日本串燒既餐館，其實一開始未去過，都想試下，同埋我不嬲都中意個D 地道既餐廳，呢間既食物不過不失，不過比起大將，真係仲差少少。 唯一讚既係，個隻生蠔真係手掌咁大，好勁，好可惜我無得食.  另外，就係走既時候，你可以去自己整棉花糖，幾得意，哈哈！ 

真係有手掌咁大呀 

仲食緊既時候，朋友們就話叫我地留肚，等陣再去食拉麵，嘩，真係好勁！ 食完一餐又一餐，不過其實個D串燒，都飽極有限，對我來講就OK，我老公咁大食，當然吾夠飽啦！去到我朋友講個間拉麵，開頭見有zagat,應該都OK，朋友又極力推薦，我同老公就share一碗麵食，點知一食就知.....真係好難食！ 同我平時係超市買既日本拉麵差不多，湯吾好味，麵又吾彈牙，真係好失望，好彩我吾係好肚餓，食左少少就算，朋友都好失望，佢地以前成日去，不過以前係一間好細既鋪仔，可能咁樣先好味D，而家.....真係比我都吾去。 其實食野我吾介意貴，如果味道真係正既又有咩所謂，所以我去ippudo時，我都無所謂，因為人地真係有佢既品質保證，下次都係去ippudo好過，不過就超多人，如果吾係六點幾去，真係要排成個鐘架！


呢間野千萬吾好去！

老公同我仲期待中，哈哈

不知所謂既麵

本來又打算去食甜品，但食完拉麵之後，打比dessert truck, 原來個晚無出現，所以又無得食，我都想試好耐啦，不過等生完先啦！ 我地去左附近既Veniero's 買cheesecake比亞媽食，嘻嘻！估不到星期一既晚上都有咁多人，買外賣都要等，利害！ 呢間都做左好耐，佢地既蛋糕真係吾錯架！

星期一既晚上真係盡興，真係飽到上心口呀，仲有大約4星期就會變三人世界，不過咁，我相信我地都可以同BB一齊出去食野既，我吾會只留亞B係屋企，會比佢出街感受下，哈哈！