醫院記

終於都有時間同機會update啦，連日來既奔波真係令我地透不過氣，所以今日要返返工去休息一下！ 好消息係，經過兩日係醫院既鬼地方住後，星期三已經批准我地出院了。雖然Hannah都係吾多中意食野同飲野，但起碼離開左醫院會令佢開心D，人心情放鬆都會有影響吧。係醫院既時候，真係度日如年，除左佢心情差之外，次次見到D護士醫生都已經好驚，就算幫佢量血壓都怕怕，唉，所以頭一次見佢比人按住抽血時，我個心真係碎左，見到佢喊到好似就嘔時我真係寧願有病個個係我，做亞媽既見到咁真係好傷心！ 雖然salmonella係一隻好常見既菌，但小朋友抵抗力差，所以先有機可乘，希望Hannah會努力令自己食多D野，咁抵抗力多D先可以打敗病魔呀！！！！ 

頭一日去到ER時，佢已經發燒了，爸爸就同Hannah留係醫院過夜，而我就返屋企去照顧妹妹，講真，返到屋企時62已經搞完妹妹，我就係做埋其他野，見到屋企冷清清，真係不是味意，而見到Hannah張床又睹物思人，唉，我個陣真係掛住個女掛到不得了！ 頭一次同我分開兩晚，真係掛C得了。 第二日去到醫院探女，已經喊到變左豬頭了，原來一早又抽血，個心又實左一實，之後佢又吾肯訓，唯有抱住佢，佢係咁叫下叫下就累一濟訓左，但佢又吾比我放低佢，唯有自己坐低，抱住佢訓啦，佢地病真係令人痛心，好彩佢D菌已經走哂，不過仲要吃多2星期消炎藥先可以，本來下星期打算比佢返學，但佢身子咁差...都係遲D先吧！ 經過今次，以後食野真係要極度小心，我吾可以避免出街食野，但如果再有下次，都係要選擇D正常野比佢食算數。 

第一次入ER時，喊到人都癲，唉！(8/22/2014)

星期一醫生打來話要入醫院，唉！(8/25/2014)

出院之日十分興奮，跳跳責，無時停！ 不過，我寧願見到佢咁既樣呀！！！！！(8/27/2014)

後記：如果無左ipad, 我地都吾知點生存，因為佢係consider contagious, 所以吾可以走出佢房，真係悶到發慌，唯有比佢睇下電視啦，無辦法呢！

過山車心情

上回講到星期四同左 hannah 去診所見醫生，因為成個星期都肚痾and 發燒，開頭諗住食一次藥應該無事吧，點知星期五早上係咁痾，更嚴重到痾血，所以本來我地兩個返緊工都立即飛番屋企睇個女。 返到去睇到個女脚軟軟一般，就立即同佢去診所檢查， 而醫生就suggest 我地去 emergency room 去check 下， 因為其實大家都係怕佢會dehydrated,  入醫院起碼可以吊鹽水。 咁我地就跟醫生吩咐同 hannah 去醫院， 去到當然都係等等等啦，等之制，電話響，99 打來話妹妹成身都紅腫哂，唔知咩事，個刻真係心到停左，因為佢勁喊而我又唔係佢身邊。 99 就同妹妹即刻去醫生到檢查， 好彩個度d 人見個bb 係咁喊又紅腫哂，立即比佢睇左先，而醫生都診斷佢係food allergy,  問我99 佢食過d 咩， 原來62 比左d 雞蛋佢食，唉！ 真係嚇到我鼻哥窿都無肉，兩個女同時咁樣，真係唔知可以點算。 我唔係唔擔心妹妹，但身在醫院又行唔開，好彩醫生即時餵左妹妹藥令佢無咁痕同腫，而轉頭都開始好了起來。 其實本身係敏感底既妹妹，真係食咩都要好小心，而敏感呢家野都好危險，因為如果氣管收縮就真係。。。。。 我都唔想講了。

講番hannah,  等左一陣後醫生來幫佢診斷，但因為大便同血報告都要等，我地都係無無聊聊地等啦，不過幫佢抽血時要hold 實佢，佢實唔中意但無辦法， 佢喊到極度悽涼，我真係寧願比人拮個個係我呀，嗚嗚！而老公見到都眼濕濕咁， 真係無陰功呀！ 不過到檢查完後，都未發現有咩事，始終都要等，所以無藥食之下我地就 discharge 左， 而 weekend 都係咁痾，不過比之前已經有進步了。 但燒依然發，唉，真係心都酸哂呀！

星期一，心情繼續地灰沉， 因為hannah 始終都未能完全地康復。 今朝早收到醫生電話，佢地話hannah 血液同大便報告都有沙門氏菌， 聽到過名，真係驚，因為細個時係hk 睇過廣告， 就係街邊小販賣街邊小食幾咁污糟， 雖然唔知我腦入面呢個廣告係咪關呢種菌事，但見到咁污糟，真係幾嘔心。  anyway,  醫生同醫院傾過，建議hannah 留院觀察兩日，因為佢地話d 菌唔係only 係大便到， 佢既血液報告都有呢種菌，如果唔處理得宜呢隻菌可能會spread 去第二度，本來諗住無咁嚴重吧，但如果幾個醫生同時都覺得有需要入院，咁我選擇相信吧。 一想起佢又要捱比人拮個針我又會好心痛，但為左亞女好，點都要做。。。 而家心情雖然好平靜，但我知道我自己要stay calm and strong 先可以幫到個女，希望明天會更好！！！！！god bless us!!

加油Hannah媽媽

近期都吾知係咩事，Hannah係咁病，我既心情真係黑過鑊撈，唉！ 今次又吾知點解，自星期一開始就係咁發燒，食藥就好吾食就吾好，跟住又係咁肚痾，洗佢D poo poo底褲都幾次，真係好鬼disgusting, 但我吾做又邊個會做呢？真係以後都吾想再食curry, 嘔！ anyway, 因為都幾日，所以決定今朝早同佢去見醫生，雖然我都預計醫生都係會話有virus呀， 發燒就食藥呀，等等，但我都要買個安心，所以決定遲D返工都要同佢見醫生先。 同佢去見醫生，佢都不知幾開心and friendly, 真係比佢吹脹，但我見佢個weight同上次差不多，就問下醫生佢而家個percentile幾多，點知一問，而家得番25％咋，嗚嗚，我真係好吾開心，佢想當年都有成75％，而家一跌跌成咁，我個心真係實哂。 雖然話就話數字呢家野吾可以作準，但見佢瘦成咁我真係極吾開心，佢已經吾多食野，再加上佢呢排係咁病，真係陰功呀！！！！ 佢吾食野呢樣野真係令我地好stressed, 次次食飯都好似食毒藥咁，係咪真係咁辛苦呢？ 其實我都吾要求好高，佢肯開口食野我都已經開心到暈呀！ 今年雖然已經過左一半，但我決定要努力地谷肥Hannah, 令佢脫離25女呢個名稱！！！！！！！！！

沙灘遊

呢邊既夏天多數都係7至8月only, 所以我地要趁夏天仲係度時快D趕尾班車去沙灘，嘻嘻。 其實呢幾排早上都已經有D秋涼，真係好變態，以前既夏天都仲會熱到流哂汗，而家我要穿外套先出得街，唉，天氣變了。

Anyway, 一開始都考慮去吾去沙灘好，因為天氣好似涼涼地，我怕整病佢地呀，好彩天公造美，星期六吾算太涼，去到沙灘吾會太熱，剛剛好，無浪費一個weekend呀。 不過去沙灘真係好呢hea, 因為diaper bag不在講，仲要帶埋沙灘用品，例如沙灘席，玩沙個D野, food 等等....出門時老公又嘈我話帶咁多野，最後比佢睇完個袋先比帶出街，頂，真係要拎approval咩？？？？ 低能....而家妹妹又要食奶又要糊仔，個度已經一ja野，仲有佢地兩個D衫呢，去沙灘又點可能吾換衫....真係好X煩！ 去到meet up兩個朋友後就佢地自由活動，我地就陪坐，哈哈，其實因為天氣吾太暖，所以我地都無落水，就算去到水附近，D水凍到要即刻走（可能我自己怕凍吧！），所以我地都無比兩個小朋友落水，都係係沙灘上玩下食下咋。  朋友爸爸幫手砌castle, Hannah就做破壞王，哈哈，真係好衰呀，希望朋友爸爸吾介意啦！ 不過個日妹妹就好cranky, 可能肚餓又眼訓，係咁叫，又可能怕沙沙， 但無計啦，妹妹，你要adapt架啦，呢次應該都係今年唯一一次去沙灘，下年再去時佢地兩個已經大個可以自己玩了。 我地個日玩完後都已經好累，跟住去左朋友屋企食dinner, 走既時候妹妹已經係車上食奶訓覺，而Hannah......返到屋企後因為係車上訓左，所以做左一晚鹹魚，無沖涼就咁訓左lu, 哈哈哈哈哈！！！！！！！

ps: 我地去到朋友家時，男人就負責買dinner, 而我地就係屋企啦，Hannah係咁問爸爸呢，爸爸呢？ 真係痴到.....到爸爸返來個一剎那，仲要9秒9飛撲埋去仲要眼有淚光，女呀女，我都無虐待你啫，駛吾駛咁呀？？？？？？？？

好朋友

之前都講過Hannah有時會同一位妹妹玩，佢地兩個好相似（吾係樣貌，係講野動作），見到佢地真係好得意！ 今日老公send 左幾張相比我，原來係99影的，見到佢地，真係覺得時間不留人，咁快就兩歲多，但已經好似一個少女咁，好好好好好感動and好怕佢地咁快大...做亞媽真係好矛盾呀！ 

倒數兩星期

仲有大約兩星期左右，Hannah就會返學了。 見好多媽媽都準備了好多野返學，而我真係一樣都無做過。 可能我自己覺得呢邊D學校都好似吾多formal, 吾駛穿校服，又吾駛好準時返，同普通daycare無咩分別，所以話返學其實都有點兒勉強，同埋之前都問過學校需要帶D咩返學，佢都話係帶D尿片同一套更換既衫褲，in case佢濕左都可以換，所以我更加吾需要點準備啦。 Anyway, 之前去報名時我選左9月份係part time, 由9點至12點左右，比Hannah去適應下先，到10月就正式全日，希望佢到時OK啦。 我完全expect佢會爆喊，始終由細到大佢都係屋企人湊，雖然有其他吾同既小朋友一齊玩，但屋企人點都吾同D，而家去到學校，全部都新環境新同學新老師，以佢咁細膽既作風，喊爆係必然的，但我覺得呢個係必經階段，所以我寧願佢早D入學啦,  反正而家係99度，Hannah都無咩做，有時放工去湊佢，佢都係hea住咁跑來跑去，不如比D細藝佢做啦！ 有時weekend佢都好悶，係屋企好似游民咁，都吾知有咩比佢做，我就忙到7彩呀，又要煮野佢食又要煮比妹妹....頭都暈呀！ 

9月份係我既生日月份，而咁岩老公又有幾日假，可能去LA個邊探佢cousin, 順便同我慶祝，嘻嘻，雖然吾知去吾去得成，但帶住兩個女去旅行都係第一次，好緊張呀，不過我地成3年無去過trip, 真係好期待（如果去得成！）就咁plan都覺得好開心呀，哈哈！雖然係幾麻煩，但要我丟低佢地兩個去旅行我又吾捨得，哈哈，慈母！ 算啦，辛苦D我覺得都值得既，最麻煩係吾知點餵妹妹solid咋(now 9 months)....有咩意見？？

雪條廣告

夏日炎炎，食條雪條真係精神為之一爽，哈哈！ 當然連我家大小姐都不例外，有邊個小朋友吾中意食雪條！ 睇佢食雪條食到咁樣衰，係咪想打佢，哈哈哈哈哈！

題外話，呢隻HD雪條前排減價，USD＄8成15枝，叫我點可能吾買，哈哈哈，真係益自己

回復正常

終於都算回復正常啦，生病既日子真係一D都吾好過，特別係有兩隻化骨龍要照顧，真係休息一下都不能呀！ 雖然weekend就無做D好特別既事，因為始終我都未完全康復，同埋如果傳染比人就吾好了（睇下我幾considerate, 人地真係要好好學習啦！）我而家D手手腳腳都仲有D水泡，不過已經比之前好好好多了！ 

weekend 雖然無做D咩，但見到兩個女都真係勁開心呀！ 而家妹妹開始想學企，好多時爬去梳化邊就會拉起自己，不過我成日都好怕佢會跌，even我有playmat係下面long住，係啦，我係比較緊張DD既......但有次試過係99度跌到個頭，佢地個到仲係磚，真係心痛C我了！ 本來佢地有塊playmat架， 但之後比妹妹撕爛+cousin哥哥癩尿污濁哂...唯有叫老公去買過張啦！ 

星期六去左屋企附近既所謂遊樂場玩，都有OK多既野玩，但係大部份Hannah都吾夠高，真掃興！ 我地就只係玩左騎木馬and choo choo train, 哈哈，真係十分極之無聊（對我來說），仲要一個ride要成＄3一個，好彩我吾駛比錢咋！問題係，佢又吾係特別enjoy, 騎木馬時仲想逃走，所以下次不如買D野食好過，哈哈哈哈哈！  

坐choo choo train時影既，你睇佢悶到,哈哈哈哈哈

睇下妹妹幾敏捷，嘻嘻嘻 

禍不單行 X 2

吾好以為我潛左水，實情係由星期二開始就不適，發燒左兩日，之後喉嚨痛到而家，琴晚仲出粒粒，唉！ 無返兩日工但因為有野要做所以吾可以吾返工。 吾駛掛心，我無事，希望我D粒粒快D走啦！ 更加希望人地個仔吾好再病搞到我地陪葬 ！！！！！！！！！！

手足口病

禍不單行既我地，係weekend發現亞妹腳上好多粒粒，開始時以為佢自己R損，點知隔陣換片發現佢D粒粒愈來愈多，吾知發生咩事，第一時間打比99問，佢話原來cousin哥哥又係生呢D粒粒，去左睇醫生，醫生話佢感染手足口病，真係要講句他媽的，成日都病，仲要傳染埋比我個女，妹妹仲細，要好小心照顧架，跟住又吾會自我隔離，係咁惹D菌過來，真係多得佢吾少！ 佢真係成日病，早排佢生飛滋又搞到我兩個女都痛，而家又係咁，想點呀？ 佢已經吾出街，都吾明白點解會病，不過可能就係因為吾出街所以先容易感染病毒吧，唉！ 今朝起身見到Hannah變左烏咀狗，因為佢D水泡係咀邊生，而口入面都有少少，最慘係腳上面都有D，呀....我真係好吾中意佢地病呀，我地又擔心又吾知可以點幫佢地，唉！ 希望佢地兩個快D康復，吾好白白咁過左過夏天呀！！！！！

生到成腳都係，陰功豬！！！！>_<

雖然病病地，但都病得精神過人！ 而家佢懶醒，話佢吾舒服，佢就話叫嫲嫲上來餵藥藥，到佢嫲嫲上來餵就喊到癲，咁吾好病啦，衰女！