4 歲生日啦

等我skip 一skip 香港遊先，講下個女生日先。 話咁快就4 歲啦， 真係好似眨吓眼就過。 媽媽希望你聽教聽話，健健康康， 唔好成日發牢騷， 幫下媽媽手，照顧妹妹， 開開心心。 其實今日本身打算係星期六搞生日會，但偏偏我又病，hannah又病，我真係唔好意思叫人來啦，唯有postpone到下兩個星期啦。  好彩佢星期五都有返學慶祝到佢個birthday,   同成班同學仔慶祝，又真係特別d既。 

Hannah公主，我既小寶貝，希望下年再搞birthday party唔好再病啦！ 至怕你地病呀！！ 不過係hannah生日正日， 輪到妹妹病啦，無陰公，唉， 搞到好掃興呢。 本來我地去左個museum,  因為妹妹突然間發燒，已經呆呆滯滯， 咁唯有走啦。  我知hannah仍然想玩，但佢都好明白因為妹妹唔舒服而無點扭，好彩好彩！ 我諗大家既生日願望就係一家大細都唔好病，健康快樂呀！  媽媽會為你補祝你個生日，放心啦！

2016香港遊 - day 8

終於等到weekend啦，可以陪下屋企人，我地一早就plan好星期六去disney,  我地一家10 口 就一齊衝入呢個夢幻樂園啦， yeah!   去到時雖然都係岩岩開門， 但見到已經超多人，驚呀！ 跟住我地就跟住我家姐去玩， 因為佢有pass,  所以都來得多，熟路過我呀！ 我地第一樣野就排去玩揸車，佢話條隊唔係好長，但去到之後，真係覺得比佢握左，我地排左成個鐘先有得玩呀，咁都話唔長，佢話平時仲耐，唉，真吹脹， 算啦，話明一家人去玩，咁我無理由唔去je.   跟住排排下隊，有好多人係後面行去前面，下，咁都得？ 跟住個d人就話我亞媽係前面呀，blahblahblah,  呢d風氣真係幾差，我之前去過美國disney,  真係未見過有咁既事囉，又或者係d菲傭去幫手排隊咁，咁即係點？ 我地唔駛玩啦！可能thats why要排咁耐囉。 其實我全日都見到d人係咁由後面行去前面架， 一d又話唔記得拎衫，有d話d朋友係前面，我最記得係我地玩木馬個陣，有d b6 係前面，後面就有d人打尖， 跟住我睇下個牌，真係有句話叫人唔好打尖，可見個度d人真係經常打尖先係咁啦，仲有d工作人員會叫d人出番來囉，我覺得好搞笑，其實去玩je,  排個隊又唔係好難，更何況我見個d b6, 係大人，即係20 幾歲個d後生仔女，排一陣唔會腳斷卦，唉。 返來之後，我覺得呢邊d人真係算有禮貌，搭升降機有小朋友會讓你架車入先，開門會幫你hold住，跟住你幫人人都會講聲thank you,  係hk有d咁既待遇？ 一次都無！！  anyway,  玩完車車後，我地就去隔離玩埋個巴斯光年， 細膽既hannah嚇到想喊， 真係。。。 其實只不過黑d同見到有d alien,  唉， emma唔駛講啦，玩得十分有12 分興奮，佢兩個可唔可以mix下呀？？  不過慘慘係我父母基本上去係陪坐同陪b,  因為佢要幫我家姐手睇住個女，咁佢先可以一齊玩， 好彩中途都有我姐夫睇左bb一陣，咁先可以同父母去睇過小小世界咋。 雖然大部份既野我都睇過，但有小朋友後真係第一次同佢地去旅行同去disney,  所以都好開心呀。  中途落雨，我地係food court出面避雨，咁我地有小朋友，落雨當然擔心小朋友凍親咁啦， 個度d工作人員係咁話叫我地唔好阻住條路，大佬呀，落咁大雨唔避雨個個都stupid啦， 咁想點？ 跟住我姐夫又推住個bb車，佢就鬧個個工作人員話佢知我地去得邊？ 落咁大雨又推住架bb車，佢仲好燥底咁問佢咩名，要投訴佢等等， 嘩，真係驚！ 我老公都係燥，但我會拉住佢囉，但我姐夫真係連環地噴火咁，唉，hk人真係好燥，仲要係兩句唔埋就投訴，ummmm.... 好彩最後工作人員都無再出聲，如果唔係又麻煩啦！ 其實玩既野真係唔算多，我印象中，係玩過賽車，巴斯光年，騎木馬，teacup,  小小世界， 好似就係咁咋， 不過行下食下休息下再shopping下，就咁又一 day,  不過都開心陪亞爸亞媽同家姐成家一齊去玩，真係唔知幾時再有機會呀。  

唔知係咪玩左成日太攰，我地個晚好鬼肚餓，因為我家姐知我想去食海膽，佢就帶我地去一間我姐夫識人既日本餐廳，真係食指大動呀！ 間鋪雖然唔係話十分靚，又唔係係街鋪，但佢真係日本人開既，同埋d野好新鮮，好鬼正！ 我地唔識叫架，我姐夫就叫哂所有野，真係好好味呀！！！！！ 來左香港咁多日，真係先係第一次食得落野，好彩個日個胃都算聽話，真係食極都有呀！ 我至愛既海膽真係好鬼好味！ 搞到我都食左幾舊，但真係太飽啦，跟住佢d魚生又好新鮮又肥美， yum yum,  而家諗番都好想再去食呀！！！！！！！雖然之後find out價錢都幾拿利，但原來係hk食野，呢個價算係咁，之後好幾次想係呢邊食番呢種感覺，真係搵極都無呀！ 唔好話睇價錢，唔睇價齋食都唔覺得係好味囉，仲覺有d唔抵呀！ 盡興左一日，真係好開心， 雖然係好攰呀，但同一家人一齊玩，唔個係無價，見到d小朋友一齊玩，我都覺得好開心。  

下一日就講到約左班識左幾年既blog友啦！ yeahhhhhh

 呢個小朋友，食到幾污槽！

 海膽同魚生真係十分鮮味呀！！！！！！！

多謝姐夫呢餐，真係好好味呀！

2016 香港遊 - day 7

終於到星期五，即係weekend可以有亞媽陪，開心！ 我地今日同佢地食完早餐後，就去超市買d零食，跟住返左屋企hea左陣，因為實在太攰了。 我就係屋企訓著左，訓到成12 先知醒，之後就衝衝出去食個lunch,   我地選擇左去屯門，因為西鐵站沿線，同埋都算近，都係兩個站。 去左 v city食個拉麵，都ok既，最中意係唔駛比tips.    我呢邊d tips愈來愈貴，而家要成18%,  就算service差，唔好食，都必定要比，搞錯！ 所以係hk,  唔駛比tips,  真係幾開心架。  跟住就係v city行陣， 跟手再去番食綠茶雪糕，本來係打算食個雪糕就算，點知又話要最低消費$100, 搞到又叫多個野食，但係一d都唔好味，總之食兩個雪糕就算。   食完tea後，就去市廣場個邊行陣，實在太大，實在太唔識行，好似條條路都一樣咁，搞到我都迷哂路。 不過好彩個度有d姐姐可以問，我就不停地去問佢點去個d地方，嘻嘻，唔熟路呀真係，咁多年都無去過。 到夜晚我地就join番兩隻野加屋企人去深井食燒鵝。 其實真係個樣好好味，但食落去真係好肥好油，真係食一次便算。  不過emma就十分喜愛呢d雞脾鵝脾之類既野，真係食到唔停口呀！而hannah姐又可能無nap,  所以食食下又話要訓，唉，真係瘦哂呀！ 因為hannah訓左，我就同埋emma and屋企人去左食糖水，我地叫左榴槤酥，楊枝甘露，etc既甜品，真係肥c了。  其實返hk後食左好多榴槤呀，因為亞媽又買左個比我食，我姐夫又買左個比我， 成家係得我同我亞媽食架咋，我老公聞到就想嘔，我係中意，但一下子食咁多真係有d食到反胃。 

拉麵OK啦，不過不失，無咩驚喜

呢個雪糕OK，不過其他野都吾係我至愛，仲要最低消費＄100，真係吾駛再去。

呢餐燒鵝都吾平，不過我覺得比起以前，D鵝無咁好味，同埋真係好肥呀！ 少吃為妙！ 

 不過呢隻豬又食得好滋味，真係有你無你，食左先。

 甜品都OK呀，D榴槤酥都幾好味呀！

其實想講番，本來打算係hk買衫買野，點知真係咩都無買過返來，係買左d snack, 真係買唔落手呀。 我一心打算係hk買衫，所以帶左真係兩套衫，好彩有個兩套，如果唔係我真係無衫著出街，可能本身都有d picky,  之後再睇個價錢，真係唔想買。 我覺得雖然美國d style可能無咁岩我，但至少都係有d brand, usd $20 一件tops真係唔難搵， 一條裙大約$40 都可以有，所以我覺得如果買，真係唔抵。  大人衫已經唔抵，小朋友衫更什， 有次見到條 elsa裙，成 $400 hkd,  即係成$50, 就算折左一半，我都覺得貴，真係唔買都無所謂。 

經過幾日自己出街後，weekend就要陪下屋企人去玩，我地就一早決定去disney.   當然啦，香港disney點都比唔上美國，但係，有屋企人一齊去就priceless,  可以幾個小朋友咁一齊玩，一齊食，都真係幾開心架。 

下篇講去disneyland

香港遊 day 5&6

經過一連幾日既虐待，我地決定呢幾日出街都唔預佢地，自己出去！ 終於都有幾日安樂茶飯食下。 

星期三我一朝早就約左我個friend食早餐。 佢係我係美國識既一個朋友，個陣都係同時間有bb,  所以相識，慢慢就傾下計。 我地係group到知道大家會返香港，就決定約出來大家見下面， 最巧合係佢都係住天水圍，仲要係同一個屋苑，只不過係唔同座，所以咁近，真係唔可以唔約出來呀！ 相識是緣分，就算我同佢係美國本身係一個東一個西，但都因為大家係香港人所以都連接起來，真係緣分幾奥妙。  我地食過早餐後，大家都要各散東西，佢因為第二日就要飛返美國，而我又要返屋企湊我個大仔！ 不過好開心見到面，佢個仔係個mix baby,  真係好好好cute呀！！！

可愛dexter 仔，下次再見！

之後會合左老公，就搭車出去旺角，本來都有d擔心亞媽搞唔搞得掂兩個，但我亞媽話佢地都ok,  食野玩下搞下就又一 day,  咁我都唔應該再諗得太多去擔心佢地lu,  不如試下enjoy下啦！ 我地去旺角係去meet up我老公個friend,  都有幾年無見啦，佢本身係美國讀書同住，之後就返左香港，可能大家又係香港人，都有時會whatsapp下。 我地去飲茶，飲左成幾個鐘，真係誇張，不過無左小朋友係隔離嘈喧巴閉真係寧靜好多！之後我地就行下，又因為老公夜晚要約佢香港分公司d人食飯，所以我地就同我老公去搭車送佢去個office度之後我就同佢朋友再傾陣行陣。 香港人d腳骨力真係好勁，我覺得呢次返去不停行，真係行到腳軟， 可能我真係慣左呢邊大部份時間有車，同埋年紀開始老了。。。。跟住夜晚約左屋企人食飯，我就當然等我亞爸車我啦，咁鬼遠，哈哈。 無車真係唔駛旨意住天水圍！！去到餐廳， 見到兩隻小鬼，一隻訓低左，另一隻就食緊野，唉，時差真係搞到佢兩個不似人形咁，其實返去係咪害左佢地呢？？  本來想叫醒hannah,  但佢一叫醒就係咁喊，唔聽話，我知佢係好攰，但佢好多時都係咁，真係眼訓大個天。  之後又要我訓話一輪，跟住又驚左我，佢就比我亞媽拖住，我就推住emma,  唉，真係好鬼辛苦。  好彩有亞媽，佢幫我湊住佢地，我就可以輕鬆一下。 

enjoy左個我至愛既茶記，好味！

星期四， 我地同兩隻野食完早餐，就跟車出去.

朝朝早好豐富早餐，好飽！

我地今日約左做推拿，其實我以為會好舒服，但原來係痛架！ 不過我都忍到既，但有d位真係痛到流眼淚。 跟住去左荔枝角行陣，又去深水埗行陣，再去佐敦配眼鏡，之後我約左我d小學同學食飯，我老公話唔去，咁我就陪佢行去柯士甸站搭西鐵，佢就搭車返去，我就hea到7點幾食飯。 係柯士甸站見到有個牌寫住elements,  咁我成日聽過呢個名，但又未去過，咁諗住去睇下啦，行上天橋，行行行。。。行到一半心感不妙，點解行極都未到既？ 條天橋係咪真係connect elements架，因為大大話話都行左成10 mins,   係中間，唔上唔落咁，唯有努力d,  最終去到elements,  靜過隻蒼蠅飛過都聽到，梗係啦，賣d野全部咁貴，真係搵鬼去，佢d野我美國大把啦，真係唔駛去！ 妖，至衰比個牌握左！  跟住諗住去番海港城個頭，跟住諗，下，我係柯士甸站行左成20 mins先到，咁行去海港城咪要成30mins..... 真係驚左，咁我咪問個度d姐姐點去囉，佢話，叫我搭去香港站，再轉唔知咩線再去返tst個站，我真係o哂咀，下，我只不過係附近，居然要搭過海跟住再搭回頭去番tst,  ummm... 不過因為我真係唔識路，我唯有照做啦，我唔知點解個刻醒唔起可以搭的士，如果唔係會慳好多時間。  到左meet up我一個小學同學，嘩，真係keep到成20+ 年既友誼，我都真係覺得好amazing,   呢位同學，真係由小一識到而家，雖然未必係中間最friend個d,  但真係經常地whatsapp,  科技真係令人距離縮短不小。  跟住又天南地北一晚，到dinner時間我地再約埋一班小學同學，個d真係20+年無見過，好誇張。  雖然不至於好多野同佢地講，但我覺得好搞笑，因為居然有呢d飯局，都開心既，一班咁多年無見既同學，真係好難得。 

下午個lunch, 都幾好味呀！

咁就過左兩日，無小朋友時就好掛住，有既時候又嫌煩，真係好矛盾呀。 不過都多謝亞媽肯幫手睇下，如果唔係我真係留係屋企算數！

2016香港遊- day 4

星期二約左睇中醫，本來我個plan係留兩個比亞媽湊，我同老公去睇中醫， 跟住我老公又話，去旅行梗係一家人出去啦， 又話我地約左朋友夜晚食飯，同埋佢地想見下我兩個女，唔想出出入入，打算捱到夜晚食飯， 點知呢個先係惡夢開始。  我地一早又跟車出去尖沙咀，見未夠鐘，我地就去食個點心早餐啦， 食完後我地就去中醫到等，講真，睇醫生點會唔駛等，不過我地等左成個幾鐘，大人都可以坐定，佢兩個， 諗都唔駛諗呀！ 兩個係到等，嘈到拆天，最後要比電視佢地睇calm down佢地，唉，我一開始都話唔好同佢兩個去，不過有人堅持囉！ 睇完後，都已經成12點，咁我就話，不如去食d野先啦，費時emma又食食下訓左， 咁我地就打算去海港城citysuper個頭食野， 唔知係咪兩個攰定點，又係咁cranky,  唉， 真係成日既心情比佢地搞到down哂，我地仲打算捱到夜晚？ 睇黎都幾難。  開頭打算行陣，跟住搭船過海去灣仔(因為夜晚約左人係灣仔食飯),  點知。。。。去到citysuper個頭，可能因為lunch hour關係， 勁多人，想搵個位坐簡直就無可能， 又要推住架bb車，d人見到更加坐快d,  完全唔會讓位架， 真係勁pk.    Anyway,  見咁難搵位，我又記得呢頭有buffet,  不如食豪d去buffet啦，起碼舒服d,  又可以坐耐d,  休息下，真係比佢兩個搞到人都癲， 跟住坐底左， 大小姐又話唔肯坐個張枱，一定要坐隔離張枱，個刻已經攰爆，呢條友又係咁lur,  我地最終決定係走！！！ 呀，真係頂唔順啦，本來可以好好地坐下休息下，呢條友硬係有d野搞搞震先得， 佢就係buffet個度發哂脾氣，我就又要拉番佢出去，係，個個望住我，咁又點？ 我再唔發下火我真係會爆炸！ 如果唔係怕係hk佢比人捉左，我一定留低佢係個度， 唔駛理佢。哼！ 真係激到火都黎，之後仲唔肯行要抱，真是他！媽！的！ 佢已經唔輕，而佢要指定老公抱，老公就係因為佢條腰已經唔多好，佢仲要chur到我地盡，我地最終就決定同佢地返屋企比亞媽睇，我地自己同朋友食飯！ 真係，都話一早唔同佢地出去架啦，唉，攞苦來辛咁樣囉。  咁樣一出一入，我地去到灣仔都差不多又要食飯，真係趕頭趕命咁，幾辛苦！ 好彩無左佢地食飯，都算食左d野啦，不過都係因為好攰關係，我地都唔算好胃口，我幾驚食食下想嘔，跟住又擔心佢地兩個呢，始終都係第一晚， 跟住亞媽叫我唔駛擔心，我地唔係度佢地都算ok,  不過佢地發脾氣時，我家姐就發火趕佢地出門口，真係嚇鬼c........ 不過家姐既容忍度好低，見佢地一發脾氣就連環開槍炳佢地兩個，搞到原來驚婆婆既emma都要跟住婆婆，哈哈哈，可想而知係真係幾咁惡！ 不過，我都覺得佢地要比人教下，我地兩個唔係就佢地，佢兩個無機會遇到d咁惡既人， 我覺得香港家長可以體罰， 而我地，打佢地一下都有機會比人告，真係個個教下一代都唔同既。 

anyway,  我約左我d 中學同學食飯，對上一次見已經係結婚個年既事，我個best friend 黎左美國做我maid of honor,  雖然大家中間個幾年都唔係日日聯絡， 但我諗真正既friendship 係唔需要日日見，而係見到面時唔會好生保，所以都好安慰。  講真，自從上次知道個friend 自殺後，我先覺得原來真正識既朋友都唔留下幾多個， 所以以後會更加珍惜朋友呀。  anyway,   我地去左食日式放題，好似大約$300 一位但可以坐成晚， 真係抵。  雖然胃口麻麻，但見到佢地都開心呀！ 我地就坐到真係打烊為止， 真係有講不完既話題呀！ 今次見完，真係唔知幾時會再見，雖然有d 不捨但都要離開lu.   食完飯後我地就返屋企， 好開心見到班中學學呀！大家都各散東西，但都仲有幾個keep到既。   返到屋企以為可以休息，點知hannah就好似dog dog咁要等主人返先訓，真係吹脹，已經攰到爆炸都唔會去訓，唉，都唔知係好事定唔好事lu......

個日既惡夢終於完結，我地就決定之後個幾日都湊佢地去亞媽度，我同老公自己行，佢地真係需要個教訓呀！！！！！

雖然好味，都無胃口上黎真係吾多想食野呀！

2016香港遊，day 2&3

上次講到星期日真係攰到pk,  下午食完lunch時，我亞爸就車我地返屋企nap陣，真係勁勁勁辛苦，唔只我地，兩個細既唔慣到爆， 不過既然已經返左去，都無得返轉頭啦。  佢地就狂nap,  我地都趁呢個時候叉下電，如果唔係真係幾難捱。 晚上就同屋企人去食海鮮，其實我等左食海鮮好耐，不過好可惜因為實在太攰，我真係一d胃口都無，d瀨尿蝦呀，扇貝呀，鮑魚呀，真係無掂過，唉，嘥哂， 因為呢邊無呢d食呀，特別係瀨尿蝦，唯有真係等下次。  之後我地就去左家姐個度住兩晚，因為姐夫要飛，我亞媽要係個度，朝早無人睇住家姐d小朋友，咁我唔想自己留係亞媽屋企，咁就一齊去住啦。 其實我家姐有個3 歲個仔，同h&m都好玩得埋，但都怕打搞佢地呀，始終我地仲有jetlag,  一朝又唔知幾點就起左身架啦。  果然，到夜闌人靜時，兩個嘩鬼又喊醒，最慘係會嘈醒明天要返工既家姐，連工人都特別多野做，因為要執頭執尾，哈哈， 我同老公就講，個工人真係多得我地唔少，成晚嘈生哂，又比咁多野佢做，哈哈！ 之後我好記得hannah喊，又發脾4, 我家姐就話，你地有無試過好惡咁鬧佢，我唔識答，因為其實平時既佢雖然都係麻煩，但唔會長期咁喊，一來佢係未慣，二來佢係時差搞到個schedule亂哂， hannah係一個好follow schedule既人，一off左schedule佢就會好易發癲，三來，呢隻女佢home sick,  話好掛住屋企，明既，第一晚係亞媽個度已經唔慣，之後個日又話去家姐度訓，所以更加唔慣，佢就係咁， 好需要屋企，咁我都覺得係好事來既，大個唔駛擔心佢唔識返屋企，嘻嘻。 

咁多好味既野食，我都無點樣enjoy過，嗚嗚嗚

同我家姐個仔一齊玩既第一晚，已經完全吾驚陌生地方

到第3 日，本來約左朋友去濕地公園，之後又去唔成，我老公又話想shopping,  決定沖出市區，去又一城！ 講個background先，我未過來美國前，係住係觀塘區，之後亞媽佢地搬左去將軍澳，再幾年前搬左去天水圍，因為要近家姐(佢係元朗住),   對我來講，天水圍好陌生，完全係另一個世界， 對上一次返去住將軍澳，有地鐵到，好方便， 而今次係天水圍，要搭輕鐵再轉西鐵先去到一d地鐵到既站，唔好講笑，真係幾遠，對我來講，香港commute應該大約30 mins就到，我今次返，次次既commute起碼一個鐘可能因為要轉幾程車關係，真係攞命。  ok,  講番去又一城經歷，我地就係元朗起程去九龍塘， 首先搭村巴去西鐵站，之後再係美孚轉地鐵，再去到太子轉將軍澳綫去九龍塘，你估下搭左幾耐？ 我地一家4 口，足足係搭左兩個小時先到，我到左真係想嘔。 點解咁耐？村巴個程無問題，去到西鐵站，又要搵升降機，都算，去到美孚，行左起碼20 mins,  因為又要等升降機，又要落落落，足足係個度搭左4 程升降機先到地鐵站， 呀，真係唔容易，跟住去到九龍塘又要搵升降機，真係搵都搵左成粒鐘呀！！！！！！ 我地12 點起程，好記得去到兩點，真係唔好講笑，跟住去到九龍塘，hannah又開始攰，好彩emma係中途nap左陣， 如果唔係要deal with兩個cranky babies,  我真係寧願返屋企。 又一城design,  d elevator完全唔知係邊，好幾次都就咁用扶手電梯咁上，我都覺得幾牙煙， 跟住搵到升降機，又比D有手有腳既0靚妹迫，明明係後面同一層出，都要夾硬sip出去，好心啦！！！！！！！！ 千辛萬苦終於見到個友人，食野個陣個個都已經好攰，hannah都係食左佢至中意既油條，原本我地打算打街，點知老公頂吾順，我地最尾打的去左友人屋企hea陣， 真係十分吾好意思，我地去到友人個度，基本上係訓覺，我平時都好alert, 但點知真係好好好攰，係朋友屋企訓左一陣，最精神一定係emma, 因為佢之前nap左，哈哈！ 好彩靠佢陪我朋友同佢個女，如果吾係真係仲樣衰！   我地就留左一陣，等我亞爸放工經過成家車番屋企，哈哈！如果要我再搭兩個鐘咁返去，我真係會選擇搭！的！士！  我覺得如果吾係同佢地出去，個commute應該無咁難既，不過點都要一個鐘頭囉！

岩岩開始好興奮，到中途就無哂電

呢位小姐問我地，點解要搭咁多次升降機既？？？？ 

去到朋友度同佢個女玩，點知得emma一個係清醒，其他個D訓哂，哈哈哈

2016 香港遊

不知不覺已經由香港返來數日，今次真係捉哂蟲，呢個假期仲辛苦過返工，基本上係日日朝6 晚12,  係無office工咁死板，但日日咁行，食，行，食，真係都幾辛苦。 

首先要講既係，我地15 號飛，我14 號晚先發覺原來個passport 7 月夠期，唔比我online check in,  我個刻真係心都突埋，成晚無覺好訓，諗緊點算點算，雖然明知就算諗都無用，第二朝我地諗住一早打去cathay,  但白痴既cathay係7點pacific time先可以打電話去問，即係我地成10點，我班機係下午，真係等得佢來都去左機場， 之後都1516 去唔去機場好，到最後都決定唔理3721,  去左機場先算，如果真係唔得既咪返屋企囉，真係無辦法，唉，真係鬼知有條rule要有效期6個月，我travel得有幾多。  anyway,  call左car service我地就早左好多到，去到個心都荒荒地，跟住老公好醒目咁搵左個唐人姐姐幫手check in,   個姐姐睇左一下就話，ok, 無問題， 嘩，個刻真係放下心頭大石呀， 我幾驚上唔到機，又驚如果要等多幾日先整到個passport個vacation就短左好多， 真係thank god呀！ 因為好早去到既關係同之前個兩晚都訓得好差， 去到機場就好鬼攰，老公睇陣我就nap一nap,  但我兩隻小鬼不知幾興奮，見到飛機幾開心，話佢地知返香港搵婆婆就開心到不得了， 今次係我地一家4 口第一次搭飛機去旅行，真係好特別，特別地攰呀。 係機上，好彩佢地睇下電視訓下咁我都可以休息下，話哂 16 個鐘，真係唔係咁易過， 而好彩佢地有位坐，我就可以趁佢地睇電視lie down咁訓陣， 唔駛咁辛苦， 不過老公就因為氣流驚到就快暈低，我就唯有睇住佢地兩個啦。   好彩唔算有點喊，嘈住人地就唔好意思啦(雖然我都唔係想佢地喊).    落機之後真係急不及待出去呀，除左因為父母來接我地，仲有真係好想鬆下d筋骨呀， 不過我臨落機前有d唔舒服， 女人病，真係好彩捱到落機咋。  見到我父母都好開心呀，但emma就比較驚d,  hannah就跟我父母。   不過我記得係機場時要搭個d train入海關，我好有印象係個地勤姐姐，有手有腳仲同我地要推stroller既人迫入電梯， 個次係我第一次係香港見識到， 好彩未至於入左去即刻按關門制。

Anyway,  第一晚落機已經7 點左右， 香港機場效率唔駛講啦，快到無朋友，一去到個baggage claim就已經見到我地d行李，又唔駛排隊入境呢，爽！  跟住就同我屋企人食個晚餐，雖然好好味，但講真，攰左咁耐都真係胃口麻麻，所以食完野就拿拿臨返左屋企休息。  話無jetlag就握你既， 我地11 點左右訓，我就兩點幾就醒左， 而兩隻嘩鬼都3 點左右就醒，個幾日jetlag真係地獄咁，因為醒左後就唔訓，到我父母醒我地又要起身食早餐出去， 所以個幾日平均晚晚訓大約3小時左右，搭車時就訓陣，係咁！

第一晚就係咁過，星期日早上又晨早去家姐屋企，hea左陣，之後出車去食lunch,  好彩有亞爸車我地先有機會係車上訓陣咋。  要講既係，香港唔需要用car seat,  真係危險到爆，好多時我兩個女都由左飛到右， 可能係我亞爸揸車太辣吧，ummm.....  而我家姐經常性地霸住我亞媽，真係連同我亞媽講句野都無時間， 因為佢真係唔多理佢d小朋友，我亞媽幫佢手換片，餵粥仔，睇住佢地，ummm... 我都好想有個亞媽係咁呀！ >_<   到下午我地一家都頂唔順，返左屋企要訓陣，實在太眼訓！ 佢地係咁要訓都真係無計呀！ 時差我地大人都難適應，何況佢地兩個咁細呢？ 我無怪佢地。

呢隻野，真係只會做D平時小朋友吾做既野.....

點解可以咁曳？

一上到機就不停睇TV，真係睇到眼都盲呀！

呢隻就因為nap time, 未起飛已經訓低左

下篇再續