離開

三星期咁就過左，明天我屋企人就搭機返HK啦。無唔捨得係呃你既，無論我同亞媽幾多嗌交，佢始終都係我亞媽，所以要就下佢。 過左個幾個星期都係我既假期（在家），因為唔駛點打理屋企，有亞媽睇住，其實有個老人家係屋企斬唔係唔好，起碼我返到家可以休息一下。亞媽返HK之後我又要過番主婦生活，雖然我老公無硬性規定我要煮飯，但都無理由日日出街食，同我地努力儲緊錢。 而家姐返左HK之後，又無人陪我行街了。男人，都係唔可以一齊行街。行親都好似周身唔舒服，算啦，唔買野都好，近期超窮！

呢3個星期我返工日日亞媽都陪我行去搭車，佢話當晨運喎，其實我知佢都係想對多我幾面啫，哈哈。 可能會好唔慣但我一向都係自閉，所以應該好快會OK。不過亞媽已經講左中國新年會過來，所以基本上好快又見面， 而我又打算下年返HK，嘻嘻， 希望下次過來可以一齊去玩下啦。