Boston - Day 1

返來了

三日兩夜既行程終於完結，我真係累到亞媽都唔認得。可能之前整親隻腳仲未好番，所以去波士頓個數日隻腳都有少少痛，加上勁行路，到晚上已經開始腳部抽筋啦。算啦，見到屋企人都係值得既。  

我地星期五開始出發，我地搭兩點班車，本來唔塞車應該可以4.5鐘去到，不過星期五又點會唔塞車，所以兩點出發我地成7：30先到。真係坐到腰都直哂。 去到之後就去左cheesecake factory食晚餐，真係餓死我啦。 家姐未去過入面食野，只係買過cheesecake返屋企食，我就更加無食過啦。D食物都OK，我地只係叫左一個頭盤+2個主菜，因為佢話要留肚食甜品，哈哈！搞笑。 不過事實證明係岩既，因為我地都係食唔完所有主菜，唯有打包。 我地都係叫左一片芝士蛋糕，因為太飽啦。 我亞媽就讚不絕口，我覺得都唔差，不過少少太甜，總括都係唔錯既。 之後就後酒店啦。我地租個間，其實係B&B,因為附近既酒店實在太貴，唯有租住D平價地方。講真，都有少少驚，因為唔係好似酒店咁24小時有人，係有D似人地間屋，不過有幾層租比人住既，算啦，都無點恐怖事發生，而且都係兩晚，所以無意見。

我地搭既巴士， 一程＄15，算好平，不過就真係辛苦

是日晚餐 - Cheesecake Factory, 唔知HK有無呢?

Nachos with sour cream & cheese

Mahi Mahi with broccoli & mashed potatoes

Chicken Carbonara

Cheesecake menu幾長，多到唔知點選擇

最後叫左一客coffee cheesecake

我都要同cheesecake影相留念

Boston 既 subway好似乾淨D，NY個D真係要學習下

好啦，第一日既行程就係咁，下篇講第二日啦。