不滿

琴晚我真係對某D野好不滿，都睇唔過眼。 

事緣係我地返佢屋企人到食飯，開頭已經知道佢個niece發燒，諗住唔係燒得好嚴重，見到佢之後，發覺唔多妥，因為佢平時跳來跳去，又好中意同我地玩，見到佢成身都軟哂，仲想訓覺就知佢一定好唔舒服。摸下佢額頭真係好熱，比個冰袋敷下就叫我99幫佢探熱，唔探又自可，一探原來已經燒成103度，要知道小朋友（佢得3歲）發燒可大可小，我99又唔識照顧佢，而我最嬲既係身為小朋友既父母居然自己個女病都唔係身邊，我問99佢地係邊，佢話佢地約左經紀睇樓，我真係好想一句WTF，不過我知我老公已經唔中意佢地既做法，所以就收聲，但唔可以唔係我個blog到發洩，因為我覺得真係好過份，我見到小朋友咁辛苦我都好心痛，佢地只係識得打個電話問候，真係多謝哂。  其實一直都唔明，點解成日都要個小朋友係99屋企住？佢地家距離都唔係十分遠，車程都係30分鐘到，真係有必要咩？如果佢地咁唔想要小朋友，點解而家又要生多個？？？ 係我諗得佢地太衰定其他？？我唔想有咁evil既想發但我真係好心痛， 見到個小朋友成條蟲仔捲住係張床到，真係好唔舒服。唉。

不過不得不讚係我老公對小朋友既毅力同耐性，小朋友唔想沖涼， 但我老公就可以搞到佢由唔想沖涼到唔想走。我相信佢一定係一個好爸爸。