2011.10.10

幾日都無update blog, 可能係近日都無特別啦。 

星期一雖然係假期，不過都要返工，工作地點個日有個street fair, 我就買左popcorn食，哈哈，我年年都會買架，因為好好味。一年一次都唔係好過份啫。 星期一晚上煮左個叉燒湯粉，好好味，哈哈，可能實在太耐無食過叉燒， 令我想不停地食，哈哈！

星期二晚去左8大道買grocery, 買下買下買左成US$100, 老公比面色我睇，但我就話屋企什麼都沒有，一次過入貨係咁架啦，哈哈！ 亞媽叫我煲蕃茄薯仔湯！嘩，呢個湯幾十年都無飲過，因為老公同我都唔吃蕃茄，但為左有多D營養， 唯有照做。因為老公唔吃蕃茄，所以買左其他料煲花生雞腳湯，我都好耐無飲過，所以我都可以飲！

星期三，4點幾時比老細捉左去見client, 我唔記得帶電話去client度，我無諗過一去就去左成幾個鐘，老公打攞搵我唔到，我都有D內疚，要佢擔心咁耐，不過真係out of my expectation, 所以下次都係帶定電話係身邊。 

朋友C真係愈來愈煩，點解一個人可以將所有既好事，由佢把口講出來變左係一件慘事？ 佢成日都話自己好慘，前幾日上網講左兩句，我真係唔想講，佢話佢唔想返工，唔想見到D好假既同事，個問題係，佢而家只係一個星期返一日工，見面有幾多可想而知，我日日夠見到個廢柴啦，唔通我又要日日怨天尤人？？又話而家讀書好辛苦，不過佢而家有人sponsor佢讀full time, 唔駛自己比錢又可以讀書，呢D唔係身在福中不知福係咩？我覺得佢真係好可憐，次次見親佢唔係呢樣慘就過樣慘，真係見到佢都衰三年，都係上網講兩句就算。