星期六係老公朋友結婚，我地下午去左ceremony, 不過又塞車，又搵唔到位泊車，真係好憎星期六出Manhattan!! 好彩無幾耐我地搵到位，本來ceremony係2：30開始，我地成3點時搵到位，不過去到岩岩好，新娘都未入，哈哈，好彩！
之後又要返入brooklyn去佢地個banquet, 走出走入，真係....時間又怪，本來6點入席， 我地就相信點都唔會咁早，所以都6：30先到。 不過搞下搞下，差唔多成8：30先開始食野，餓C我啦，最大問題係，差唔多全部野食都係海鮮，哎呀，真係.....我都係食左幾條菜，食左小小沙律，其他既野，都係一件起兩件止，所以真係超餓呀！又有埋魚翅湯，想食都無得食，唉，可憐呀！！！！！ 真係有D想出去買外賣，因為實在太肚餓！ 到最後有雞，我真係一次過食左幾件，真係餓到"粒"哂啦！！！！！！ 本來諗住炒飯同麵應該無C， 點知超難食....炒飯個樣....同白飯無分別，早知一早拿出來，我都仲可以用魚汁撈飯，真係慘不忍睹！！！
題外話，因為個女仔係福州人，所以中途真係好搞笑！佢地會係咁多人面前奉茶比所有親戚，而每個親戚出去，個司儀都要同所有人講禮金幾多，禮物有幾多，我諗因為咁，所以個個人既紅包起碼過千，真係誇張！而我見新娘媽媽比女婿條金鍊有手指咁粗，仲送隻Rolex...真係好誇囉，哈哈！！！我同老公講，有無後悔無搵個福州妹，如果同個福州妹結婚，好多禮物收，佢就話，娶呢D人都要花好多錢，比禮金女方父母應該都唔少，而且呢個女仔好要面，隻engagement ring話無兩卡都唔駛旨意娶佢，而banquet仲人人一枝紅酒，真闊綽，我自問自己結婚時真係無咁闊佬，哈哈，係呀，我都幾cheap架！
另外，佢地仲有個photo booth, 比客人去相信，哈哈，相信個度都係一筆錢啦！我同老公就走左去影，我老公好鬼chok, 哈哈哈哈哈！
:)
:(
;)
:D
:-/
:x
:P
:-*
=((
:-O
X(
:7
B-)
#:-S
:((
:))
=))
:-B
:-c
:)]
~X(
:-h
I-)
=D7
@-)
:-w
7:P
2):)
:!!
\m/
:-q
:-bd
^#(^
福建人嫁女，要向男方收禮金，富貴少少的講緊幾十萬架。所以 ... 唔好娶福建女就真 XD
ReplyDelete[版主回覆10/11/2011 08:10:27]咩呀, hk人都要啦, 哈哈哈!!!你應該搵個鬼妹, 佢地唔駛你比之如仲比埋所有費用, 幾爽! XD
送勞勞.....嘩~~ 不得了!
ReplyDelete[版主回覆10/11/2011 21:31:58]哈哈，所以咪問佢想唔想要個福妹，有金勞哇，哈哈
真係一個唔講得少的"貴"婚禮喎!!!
ReplyDelete[版主回覆10/11/2011 21:34:11]係呀，聽講齋租個studio行婚禮都用左成US＄5000，其他野應該未計。不過個女仔好要面，所以咩都要最好！本來酒樓提供酒水，又話人地個D紅酒cheap,所以咪自己買，痴痴地。
哈哈....你老公超chok呀!!! 勁funny呀個樣~~!!!
ReplyDelete我都聽福州人結婚係咁ga....講真鬥錢多囉....有要面子....真係恐佈!!
[版主回覆10/11/2011 21:30:58]係啦，成日都要扮chok樣，睇得變身男女chok chok chok多，哈哈哈！ 佢地真係好要面呀！不過比女家既禮金應該都唔少。
我都參加過一次大陸人婚禮，又係比錢/金器比父母時喺臺上頒獎咁，價錢都講埋，搞笑。我都係習慣香港飲宴多啲。 Mrs Wu 呀， 你好靚呀～～
ReplyDelete[版主回覆10/11/2011 22:04:33]哈哈，係呀，真係有個福建同鄉會既獎章比新人，好搞笑，哈哈！！ 靚？多謝先，我只可以講係角度問題啦，哈哈！真人無咁靚 :P
Haha... My husband's family is FJnese too... But our wedding was not really like that. My husband did say that girl suppose to give the groom's "Gift money", luckily I am Cantonese.
ReplyDelete[版主回覆10/12/2011 21:37:27]oh....so did you get a lot of gift money from your hubby family? hehehe
Mrs. Wu:
ReplyDelete嘩!! 結婚好像做show, 還講埋禮金數目. 我覺好似唔係咁好喎!! 有點唔尊重咁. 但算啦, 各處地方各處例. ....你第時出街, 帶啲餅出街啦!! 一餓都可以食下嗎!! 你現在應該好易餓
[版主回覆10/12/2011 21:39:27]佢地既習俗卦，不過我都係第一次去，覺得好搞笑！佢地跪係地下都跪左好耐，因為實在太多人啦，哈哈！其實都係因為無野岩我食，如果平時都OK，唔太容易肚餓！
不過 ... 你唔食海鮮？比著我就開心啦。
ReplyDelete[版主回覆10/14/2011 10:09:40]你...都幾清楚喎, 哈哈!!! 其實你講以上既野我平時都好少食, 唯一真係海鮮好難介, 因為實在太多野有海鮮啦!!!
[小友回覆10/14/2011 06:54:15]係禍，唔記得你狀態有變 ...... 我明明記得你同我一樣都好鐘意海鮮架嘛。以下食物都盡量少食啊！薏米、罐頭、菠菜、朱古力、山楂、猪肝、炸物、味精、荔枝、石榴、酸菜、西瓜、茶咖啡可樂酒 ......
[版主回覆10/13/2011 10:24:40]我平時食呀, 係而家要介口呀!! >_<
多謝到訪, 日後多D交流. 福州/福建人是比較愛面子的.
ReplyDelete[版主回覆10/13/2011 21:45:16]係呀，就算無錢都要充大佢，點都面子行先
what a lovely couple^^
ReplyDelete[版主回覆10/13/2011 21:45:31]thank you!! ^_^
嘩．．．．送勞力士，真係好重手呀！！
ReplyDelete[版主回覆10/13/2011 21:46:04]真係好重，D金鍊都重過人，哈哈！
國內結婚 ??
ReplyDelete你睇唔睇漫畫架? 我放左自己畫既漫畫係blog~ 得閒過黎坐下吖~!
[版主回覆10/13/2011 21:46:35]唔係國內，係美國不過係福州人婚禮。
依家紐約係咪仲係好多福州人, 我記得90年代, 唐人街就已經係福州人既天下, 福州話滿街飛. 福州話仲嘈過廣東話, 佢地講話又大聲, 行行吓街, 聽到福州話, 要望一望至肯定佢定在打招呼, 唔係嗌交.
ReplyDelete[版主回覆10/15/2011 22:17:11]ummm...而家多數福州人都係east bway個邊, 其他地方就多廣東人, 所以我都好少機會去east bway個邊, 實在太恐怖啦!