查經班

星期六既下午，同老公朋友去了查經班。 今次係我第一次去查經，開始時以為聖經所有野應該好容易，到一齊查經時，真係睇到一頭霧水，原來好難明。 聖經入面用了好多比喻，但要明白呢D比喻既真正意思真係要有人教，有人指點先真正明白。 我不嬲都唔叻，但我會好比心機去查，雖然唔係下下都明白個意思，不過我相信睇得多讀得多，應該好容易理解。  今個星期係講愛，其實聖經上所講既都係愛，不過要愛人如己真係唔易做。明知個人係握你，但仲要不停比佢握，可能呢D就係作為基督徒既其中一種問題。係現今，有幾多人真係願意比人握呢？  要領悟神的話好難，而我同我老公有唔同見解，不過我老公理解能力真係好好，而我...究竟係咪真係咁蠢呢？

數日前聽到一個消息，知道有人係教會入面偷錢，雖然未得到證實，但都覺得好驚訝，因為無想過教友會做出呢D事，而且呢個人真係有面目再面對人咩？ 我覺得好恐怖。如果係普通人，都可以理解，但呢個人已經係比人經過諒解同機會，點解唔好好珍惜？ 唉，呢個將會係對教會黎講既一個挑戰， 都感受到所有珍惜佢既人有幾失望，而都為佢媽媽難過，希望主真係比佢一個教訓，令佢甦醒，唔好再一錯再錯啦。