病

呢幾日天氣都好大轉變，一不留神就好容易比細菌入侵，而我，就係其中一個受害者。本來都好地地，就係凍左數十秒就開始頭暈暈，又係咁sneeze, 好辛苦！不過昨晚好乖地10：30上床，11點就訓覺覺豬，所以今日早上起身都好少少，不過依然係病緊，不過感恩係神賜我力量，令我既病可以快快好番。 

星期六同老公一齊去見醫生，見到小生命既時候真係好神奇，醫生話已經見到心跳，我開始時都見唔到，到老公話都見到時我就好努力咁想見下，點知真係見到呀！ 佢個心跳好快，好似燈塔咁閃，不過係超快地閃，一分鐘應該有150下，真係好利害呀！我成日都好擔心，怕會唔健康，又怕自己食錯野而影響小生命，不過我覺得自己係杞人憂天，因為醫生講得岩，要係無既你做咩都唔會影響到，要唔係你既就算你坐係度唔郁都會影響到，所以我決定隨心所欲，吃得健康，保持心境開朗，唔好再比人地講既野受影響。 不過好感恩，因為我無好嚴重既嘔吐，只係有時好想嘔，所以真係好感恩呀！雖然無亞媽既照顧，但我覺得我而家都仲OK，可以煮飯，遲下可能就要老公照顧，不過老公對我都好好，佢會有時幫我做下野，洗下米，洗下菜，哈哈（對一個平時滴水不沾既人，肯幫下手都已經好好彩啦，哈哈）

本來打算send張相比亞媽睇，不過同佢講時好似一D都唔興奮，所以成盤冷水倒落黎我就費事理佢，同老公二人開心就夠。