第一次

昨日係我第一次星期日返教會聽牧師講道。 由細到大，我都覺得自己同基督教好有緣，因為由小學到中學，我都係讀基督教學校，而中學會考時，更加要考religious studies, 所以我對聖經新約都好熟悉，我覺得呢個係神為我安排，令我認識到更多主耶穌既事蹟。來到美國之後，放低左一排既信仰又因為認識了我老公（以前既BF）而返過一排教會，我覺得係主賜我呢個機會令我再次踏入教會，更令我認識到而家呢個老公。不過我始終都未做到我好想做既野，我認我自己唔係一個好基督徒，自從撥家以後，返教會既推動力愈來愈少，可能因為家距離教會實在太遠，不過我更加相信呢個唔係一個籍口，而是自己開始懶。 昨日因為老公去左玩，所以得我一個人，我就去左教會。 牧師既講道真係發人心醒，佢話每人既生命都係主既計劃，你每做一件事，都係主計劃之內，同埋人生有幾多個十年，我地以前既十年係點過，而以後既十年又點過呢？ 呢D問題好似好簡單，其實要做得有意義真係一D都唔容易。 不過返左教會，令我覺得人生除左玩同食，真係可以有好多其他事做。 

之後，我就同另一個朋友去睇小朋友，因為教會早上有小朋友團契，而下午我地就要照顧一班有仔女既教友既子女，好讓佢地可以完成佢地自己既小組，而又唔需要擔心小朋友安全。 我好開心見到好多以前係教會識落既朋友，好似多左好多人關心，又令我想起以往。 

我希望每星期都可以去聽牧師講道，可以令自己更加明白自己又對自己宗教信仰多一點認識。 感謝主。