我係咪。。。。。

唔知我係咪太過小心眼定點﹐ 不過呢件事真係有2睇﹐ 唉﹐ 同老公講肯定無用﹐ 但自己收收埋埋又唔開心﹐ 唯有係呢度訴下苦啦。

事緣係咁0既﹐ 今朝我奶奶打比我﹐ 同我講個電話有出無入﹐ 打去電話公司又無用﹐ 因為唔識講英文, 叫我幫手打比電話公司﹐  都唔知點解今日好忙﹐ 所以都無太多時間﹐ 不過我都幫手打左﹐ 但電話公司就話應該無問題。 唉﹐ 個問題係 1) 點解要問我幫手而唔叫你自己個仔幫手?  2) 明明尋日個細仔話聽日唔駛返工 (即係今日啦) 點解你又唔揾佢﹐ 3) 我好似做左亞4咁﹐ 唔單止要比老公洗﹐ 仲要比老公屋企人洗???  4) 我星期一先去左佢屋企幫手做translate, 最想死係星期日晚上打比我﹐ 問我星期一可唔可以幫手做translate, 奶奶話大約10分鐘﹐ 唉﹐ 算啦﹐ 我又唔識推人﹐ 但到左屋企後﹐ 簡直係做左成個鐘﹐ 想死!! 我雖然係公司唔係好多野做﹐ 但都要開工GA! 仲有﹐ 我搭車都要成30分鐘GA! 唉﹐ 我老公唔會理﹐ 我覺得自己好慘!!

我咪話有2睇﹐ 1) 可能佢地好重視我﹐ 覺得我做野得﹐ 所以先揾我幫手 2) 佢地當我自己人﹐ 所以無所謂

唉 ﹐我都唔知﹐ 我有咁0既想法好似好EVIL﹐ 但我可以點? 我唔係唔想幫﹐ 雖然我朋友講話有付出唔等於有收穫﹐ 但試問有幾多個人可以做到咁HOLY? 我祈禱求主原諒我0既想法﹐ 或者可以令我開心d。

好啦﹐ 講完好似好d﹐ 希望唔好再想太多啦!