近日都好懶煮飯﹐ 加上真係唔知食咩好﹐ 好慘。 次次去親超市都係買0個幾樣﹐ 個個星期食都好悶﹐ 唔知點好﹐ 不過又唔想哂$$﹐ 因為煮飯可以帶飯﹐ lunch就唔駛買﹐ 而家一個lunch, 分分鐘都要成$6-7﹐ 痴線﹐ 有D salad仲貴﹐ 要成 $10﹐ 好恐怖!! 唉﹐ 真係諗煮咩都頭痛呀!
昨晚係我老公煮飯﹐ 係為我生日煮的! 哈哈~ 因為唔想比D高難度佢﹐ 所以選擇左煮牛扒﹐ 唔知係咪因為我唔駛煮﹐ 所以特別好味﹐ 哈哈! 好叻呀!! 之後我就整salad同 bread, 我都好勁呀!! 我係第一次整bread, 不過我買左bread mix, 所以可能特別容易﹐ 嘩哈哈! 不過其實本身唔係好好bread, 不過老公叫到就試下啦﹐ 無辦法! 出黎都唔太差﹐ 好彩!!
我星期五都食左小小我整0既tiramisu!!可以有改善空間啦﹐ 不過都食得入口
又星期一啦﹐ 落左成朝啦! 幾時停呀?
嘩美國個邊d物價咁貴既~~香港呢邊三十蚊for-lunch已經好貴
ReplyDelete話說你個邊凍未???
[版主回覆09/29/2010 21:20:00]香港所有野都好平﹐ 呢邊所有野都好貴﹐ 太過份啦!!! 最平0既地方係唐人街﹐ 哈哈!!! 不過食個麵都要$5-$6﹐ 仲要比tips!!!! 凍就唔係好凍﹐ 不過開始涼啦! 香港呢?
係呢香港物價算平,我仲要食緊學生餐添~xd
ReplyDelete不過我仲係儲緊錢所以幾平都要慳-_-
呢邊同夏天一樣仲係悶熱 係海邊涼爽少少咁解啦~仲係短袖短褲上街~
[版主回覆09/29/2010 23:07:00]唉﹐ 所以而家食野都唔去d high class地方。普通一間鬼餐﹐ 起碼要$60﹐ 如果係一餐好0既﹐ 起碼要成$100呀!!! 仲要打成15%小費﹐ 都咪話唔和味 所以出親街食﹐ 都起碼要$20一個人﹐ 唉!
英國煮餐飯都唔小野架! 英國d野喺歐洲數一數二貴~
ReplyDelete妳美國唐人街食個麵$5-$6圍返港紙46HKD左右; 我依邊唐人快餐店食個魚蛋河係£6 - 7X港紙呀!
始終都係香港最好!!
[版主回覆10/01/2010 21:52:00]係呀﹐ 英國D野超貴﹐ 去過london2次﹐ 去完之後好似破左產﹐ 痴線﹐ 最弊D野超難食﹐ 又唔飽, 唐人街算係OK啦。不過始終NY唐人街大好多﹐ 所以大家都唔敢set到D price太高﹐ 就益左我地呢D 窮苦人家啦﹐ 哈哈哈! 無錯﹐ HK始終係最好 (我講緊食野同買野JA)
我初來報到時,依度d野的確好難食,選擇又少~ 近年已經進步咗好多嘞! 起碼材料都多咗好多~ 但始終都係香港最好!
ReplyDelete[版主回覆10/01/2010 22:24:00]呢邊都係﹐ 剛剛來真係入唔到口﹐ 但而家0既酒樓水準比得上香港呀!! 唔係我講﹐ 連我屋企人 & 朋友過來時都係咁講﹐ 加拿大個邊仲正﹐ 上次去toronto食中國菜﹐ 又平又有鑊氣又好味﹐ D人話識煮野 0個D都走哂去toronto, 可能而家NY都好多人過來﹐ 好呀好呀﹐ 我中意食唐餐呀!!
我去過加拿大,佢地d中菜真係好掂! 水準真係拍得住香港! 我唸因為好多香港人移民去果邊~
ReplyDelete[版主回覆10/02/2010 00:29:00]應該都係﹐ 講講下我都好想再去過﹐ 食番夠本