考慮

延續之前買屋0既問題﹐ 因為而家奶奶想買一個3家庭0既屋﹐ 同埋細佬一家一齊住﹐ 叫我地考慮一下。昨晚我老公同我講﹐ 既然大家係一家人﹐ 住埋一齊都OK﹐ 呢個就係佢多日來考慮完0既結果﹐ 佢知我唔想﹐ 就叫我考慮一下﹐ 講真﹐ 我開頭可以接受到同佢爸媽一齊住已經好比面﹐ 因為我本身係中意自己兩口子一齊住﹐ 但知道老人家無人照料又好慘﹐ 我又無理由要我老公拒絕自己0既爸媽﹐ 我知道佢都好難做﹐ 我就妥協﹐ 可以一齊住﹐ 不過唔可以bother我﹐ 加上遲下有小朋友﹐ 有佢媽照料應該OK﹐ 不過而家好似愈來愈多人﹐ 我真係好擔心大家會搞到唔開心﹐ 又何必呢?? 雖然奶奶話大家唔會bother大家﹐ 但要大家開開心心同一屋簷下又談何容易??唉﹐ 點解成日都比煩惱我? 我真係寧願住番自己屋企無咁嬲! 呢個兩難的局面我可以點解決呢? 佢叫我考慮下其實自己有左決定﹐ 我住又怕將來煩﹐ 又怕我自己會唔開心 & 唔中意﹐ 唔住又怕佢都好難做!!

做人老婆什艱難呀!!!!!!!點算好??