摘果記

星期一係Memorial day, 假期既我地又點會係屋企齋坐，所以我地決定去摘生果。 不過我地打左幾個地方都話未有生果摘，到最後搵到呢個farm, 不過都係only 得strawberry, 同埋係first come first serve....既然打算去，就一於去啦，吾好諗咁多！ 個日天氣好到不得了，本來仲要穿長袖都要幫小朋友換短袖了！ 好搞笑既係，我地原來都係BS問下佢屋企人去吾去，點知62又話去，而99就話你地架車無位啦，如果吾係跟你地去....好好好廢話呀！！！ 駛咩講咁多，一早知你吾會同我地去架啦，再者，我都吾係好想同你去咋，哈哈哈哈哈！ 而個日一大早，樓下兩個咪又係比D小朋友99 湊，真係覺得佢地有咁既guts去做，不過一個願打一個願捱，你吹得脹咩？  anyway, 其實62都無咩野既，幫手睇頭睇尾都覺得OK架啦，我地平時4個自己出街都吾覺得有咩大不了，所以62同我地一齊去，我都無要求佢幫手。 

我地去到時已經好遲了，所以farm都差不多會close, 無計啦，玩得幾多得幾多，佢地3個就入去摘strawberry, 而我就係出面餵妹妹奶，所以基本上我係無入過去摘，吾緊要啦，最重要係亞女開心，我就安心！ 聽佢地講，Hannah一入到去就好興奮了，見到好多strawberry佢就更加開心，嘻嘻，入到去一路摘一路食，哈哈，真係食過無停口呀！ 不過生果我又覺得OK，比佢食下啦！ 見到Hannah咁開心我都好開心呀，本來62 話佢出來睇住BB而我入去感受下，不過最後都因為時間關係而無入去啦，算啦，來日方長，實有機會既！  之後個farm度有個slide, Hannah都十分愛呀，佢之前會好怕自己行上去，但上次教左佢一次之後就自己學擒上去，係sir既時候仲要人幫下，我係隔離睇住佢就OK，真係方便好多呀！summer即將來臨，我都係時候要plan下同佢地去邊好啦，嘻嘻！ 雖然返到屋企個晚真係十分累，因為要準備第二日返工，又要煮dinner，餵奶等等....但可以大家出去透下氣enjoy一下我都覺得好舒服呀！ 希望下次再去時會親手去摘到啦！嘻嘻！

鳴謝62影既相，我無咁多時間影到呀！

為食妹....不過只係在於零食上，哈哈

雖然D strawberry吾係好大粒，但一手一腳去摘又幾過癮，嘻嘻！

呢隻豬，一開始就驚，玩熟左就吾認得人了！

食粟米當lunch....好過無啦，哈哈哈！

搗蛋王

小朋友愛搗蛋絕對常見呀！而家既Hannah成日當妹妹好似玩具咁，雖然間吾中佢都會錫錫妹妹，但多數都係推下佢呀，搶下佢野玩呀等等，當然啦，妹妹無反抗能力嘛，哈哈哈！ 遲下到妹妹大個，睇下會吾會大打出手！！！  

 大個比番妹妹睇，睇下你幾衰！！(要家長指引呀！)

 

 妹妹玩緊又要搶........

搶贏左就霸住來玩！ 完全係技安既咀臉...... 

 

Emma 妹妹 @ 6 months check up

長假終於完結啦！不過假期都過得勁勁勁快，因為真係勁勁勁忙呀！ 雖然好中意同D小朋友玩，但照顧佢地真係會令我發癲呀！ Anyway, 星期六好似無出過街，係屋企休息就無我份，做牛做馬就有，照顧佢地仲要煮飯洗碗沖涼，都吾好話吾累呀，不過生得出就要照顧架啦，邊有其他人（即係樓下）咁幸福，有個24／7既貼身nanny加工人，哈哈！ 星期日因為要同妹妹打針針，所以決定吾出去咁遠，係附近行下算啦。  而星期一就係memorial day, 我地第一次同佢地去strawberry picking, 嘻嘻，不過未有相住呀，等下啦！ 呢篇會focus 係妹妹check up先。 

妹妹今個月6個月啦，開始想玩同轉身，有時放佢係playmat, 轉過頭佢已經吾知轉左去邊，有次試過放係playmat, 轉頭佢已經轉左出playmat出面 （我已經放佢係中間架啦！） check up完個result係，妹妹而家16磅幾，percentile係50％，吾太重又吾太輕，ummm...不過相比起姐姐，佢係重得慢D，Hannah 6個月左右已經成18磅啦！不過，個個BB都吾同，我都無得compare架啦，最緊要佢健康就OK啦。 妹妹而家開始食兩餐solid, 不過99話餵oatmeal到大約7個月，之後再煮粥仔and veg....其實是但啦，我都好難再要求咁多，佢已經要煮咁多人既野，而開糊仔又真係方便好多（就咁mix埋D奶就搞掂），所以我無再堅持了。 as long as 佢幫我餵我都無所謂啦！  不過佢開始大時，就開始認人，去check up姐姐幫佢磅重度高，佢未見過呢個人就大喊，真係怕鬼左佢！有時見吾到我地又會叫，唉，呢隻monster都開始鮮醒了....媽媽想休息既時間就會少之有少呀！不過好彩妹妹打完針針後喊左一陣就收聲，對我來講已經好proud呀！而家開始比妹妹坐jumper, 不過覺得佢未係好穩，可能放一陣又要落番去坐lu...

而濕疹方面，天氣變令佢皮膚變好左，又或者係佢自己outgrow, 不過身上仲有D地方好乾，而佢手都會係咁scratch, 不過有進步我已經好開心啦！ 我知道濕疹無得醫，只希望佢會慢慢有改善啦！

妹妹真係一個happy baby, 我地做少少野佢都可以笑得好開心架！ 

 有個癲婆戴住頂帽，好似賊，哈哈哈

兩歲生日照

呢隻臭豬咁快就兩歲啦，兩年前既今日你仲係我個肚入面想出來，到左下午時間你就等吾到要出世啦，媽媽永遠都記得你一出世個樣，就係扁咀，你而家依然有呢個扁咀樣，真係好刻骨銘心！ 有時望到你，真係好感慨原來你已經陪左我地兩年啦！ 雖然我地成日complain好累好忙好多野做，但我同爸爸永遠都愛你呀！ 如果有一日你可以自己食得訓得，我相信爸爸媽媽會好懷念呢個日子呢！ Hannah B, 爸爸媽媽祝你健康快樂，terrible 2快D遠離你，食多D訓多D痾多D，咁我地就滿足啦（哈哈，我地都係低要求既人！）

講番兩歲party, 我決定左下次吾好再搞我，因為實在太多野搞，又要準備，又要clean up, 真係吾係人咁品，不過我諗點都要幫妹妹搞埋一歲先可以，to be fair.....

基本上今年都係細搞，吾想搞咁多野，都係請有小朋友既幾位朋友來玩下食下傾下，details再無以前咁有心思，是但啦，食野都係臨時先叫，哈哈，好hea呀！ 不過個個有小朋友既，都醉翁之意不在食，都係想佢地可以一齊玩下je...不過可能佢地個個都兩歲左右，真係勁難一齊玩，希望下年生日時會再聚守一堂啦！ 今年熱鬧之處係，差不多個個朋友同Hannah同年齡既都已經有第二個，所以個日真係有4個toddlers同5個infants...好狀觀呀！好彩hannah個日吾好似上年咁做左樹熊，都有同小朋友玩下，搶下玩具咁，哈哈，所以我都好安慰啦！ 

吾講咁多啦，去相啦，嘻嘻！ 

今年個theme係minnie mouse.....不過呢隻minnie mouse都吾笑既

party個日.....佢地而家勁難影！

朋友既兩個BB.....分別5個月同4個月大，勁肥美

比佢地搜索一番後....勁混亂！

好中意呢張呀，4個infant一齊影，Hannah話我要做大家姐，嘻嘻嘻！

同Jayden & BB妹玩玩

生日快樂呀亞女，希望你健康快樂，聽教聽話！(鳴謝朋友老公Eric幫我地影既全家福)

 多謝朋友來臨呀！

 壽星女,食野食到好污糟呀！！

特別鳴謝BB妹媽媽整既cupcake,好味呀！
希望朋友們有個開心既一日，都多謝你地送比Hannah既gift! love you all 

兩年前既今日我就係咁既樣啦，嘻嘻嘻嘻嘻

妹妹 @ 6 months

星期六日簡直就係忙到癲，特別係上個星期六幫Hannah搞左個生日party, 我就做足36小時....今日真係極之吾願意起身返工呀，而家骨頭都仲脆脆地，真係攞命呀！！！！！！no life既日子幾時先會過去呢？ 我而家日日都望緊呢一日，哈哈哈！不過今篇未講Hannah party, 因為無相住呀，係爸爸部大機入面，要等有時間先可以拎返office...不過都有其他相既，就係妹妹琴日6個月大啦！ 時間過得真係好快，不知不覺就來到呢個世界6個月，妹妹，雖然時間真係比少左你好多好多好多，但媽媽永遠都愛你呀！ 媽媽最中意就係你係一個happy baby, 希望你永遠都咁愛笑啦！ 前幾日見到6299 放妹妹落張booster seat度坐，真係咁快就坐到啦（當然要有野support下啦！），我開頭仲以為係Hannah來，哈哈哈哈哈！ 仲有另一樣野係，妹妹終於都反身成功啦，yeah! 我估其實佢都想反好耐，不過我地好少時間放佢係playmat...因為Hannah走來走去好危險，所以令佢轉身轉得慢左，不過吾緊要啦，as long as轉到就得啦，hehe! 

搞笑既係，party個日我無expect佢屋企人會來，到差不多食dinner時間佢地先來坐下食飯，是但啦，我無所謂，不過佢地就好似好arrogant咁，我地D朋友係度，佢地就自己坐自己個corner, 兩個都係度玩電話，D小朋友就由佢搞搞震，可能我慣左啦，我D朋友話佢地好似高高在上咁，而話佢地兩個kids都好無禮貌，咁梗係啦，都無人教，無人理，點會有禮貌....cousin哥哥仲細，我可以理解，不過佢D脾氣真係好臭呀，而cousin姐姐都係脾氣mama...好港童feel呀.....希望Hannah吾會咁樣啦！ 我地而家都有叫Hannah叫人食飯先,我覺得你點教自己小朋友人地就點睇你，你D小朋友無禮貌即係你地無家教，我朋友第一次見佢地，無bias...真係可恥呀！ 今朝5點幾佢地個仔喊，居然係無人理佢，最後係我老公打比99叫佢接個仔走.....係咁喊，真係喊左好耐呀！ 我懷疑個仔係佢亞媽定邊個....都吾跟自己父母既？？？ 奇怪！ 

Hannah畫的，suppose係哈哈笑，不過吾知點解變左樣，哈哈

只可以用堆積如山來形容 

堅定意志

要餵人奶，意志力真係好重要。 從一開始時，都立下意志想餵到起碼半歲，而家仲有幾日就6個月大，我就想將呢個目標維持到一歲，之後就可以飲牛奶啦！ 其實日日返工放工湊女呢個生活真係幾dry, 有一刻真係想拋開一切咩都吾做，去玩去訓....但呢件事真係只可以發夢時先會發生呀，哈哈！ 係，晚晚返到屋企都係幫佢地沖涼，洗奶樽，餵奶，泵奶.....有時連一刻可以休息既時間都無，所以真係好好好想可以自己有D私人空間呢。 老公吾明白，係因為佢自己仲有時間去打機，而我10點過後先係繁忙時間呢，要為另一日準備既野雖然不多，但要搞好哂都起碼要半個鐘呀，數數下又係時候要訓覺，想睇下TV，上下網...我諗係office做到既機會會大D，哈哈！ 

原來仲有一個星期Hannah B就兩歲大啦！ 時間過得真係快，咁就痛苦左兩年，哈哈哈！ 今個星期幫佢搞一個小型生日會，都係係屋企搞咋，今年only請有小朋友既朋友來玩，希望到時佢會開心啦！ 其實好多野仲未準備好，不過算啦，船到橋頭自然直.....有野食就夠啦！ 

6個月大既妹妹，已經好活躍了...雖然仲未係識轉哂身，但我相信好快就識啦！

2nd母親節

咁就過左我第二個母親節啦，其實都仲忙過返工，但見到兩個愛女又好開心呀，嘻嘻！ 好彩地星期日既天氣十分好，令我地既母親節節目可以如期舉行（其實都係同兩個小朋友放下電，玩下咁je...) 不過朝早就比老公激親，又話母親節，吾駛我做野，點知佢早上抹完地後就話好累要休息下，我日日做到無停手都無出聲呀，佢真係......anyway, 激嬲完後我地就照樣出街，而家亞妹真係好難訓，好易就醒，再吾係好似以前咁係咁訓....點算？ 有時Hannah係屋企佢真係好勞動，所以往往將亞妹放入房入面，但我又要有野做，都吾知可以點？ 不過出親街搖下搖下又可以訓耐少少，希望佢可以nap得好D啦！ 

天朗氣清既一日，心情都好D。 我地去左Brooklyn bridge park行下，因為個度有個小型park比小朋友玩，所以我地決定去。 去到時，隔離有個food fair....嘩，好多人呀！但我地決定入去搵野食，因為我地實在太耐無食過好野啦，嘻嘻。 我地入去轉左轉，跟住決定買個burger食先，開頭諗住個burger係好regular既 cheeseburger, 點知睇睇下先發覺原來係ramen burger, 即係個包係用ramen來整架，哈哈，又幾有gimmick wor...好吾好味見人見知，我覺都OK既，老公覺好味，我覺得係佢太肚餓，哈哈！不過咁耐無食過呢D特別野，我覺得都值得既。  之後隔離有個home fries我地又排隊去買，雖然吾係特別好味，但個賣相幾特別，會吸引到人去排隊架！ 去完食野就同大小姐放電，不過而家佢控制到上落，所以我地而家都無咁緊張，加上地上有D foam, 所以我地更加吾怕啦，佢地跌跌下就大啦！ 玩到累哂既時候，大小姐一上車就訓左lu.....不過好慘既係，因為出面無廁所，所以佢一返到屋企包diaper重到漏哂，地下都濕哂，佢又可能驚同吾開心所以係咁喊，好慘呀！！！！ Hannah， 媽媽下次會記得你要去廁所架啦！

最搞笑既係，今朝落去99問我老公點解吾同佢慶祝母親節.....真係O左咀呀！ 上年既母親節，我地本來一齊去慶祝，佢就ee哦哦，咁我地就自己三個人慶祝囉，今年都費事問佢，佢就......佢地真係好煩呀！

一大早就踢波波....女呀女，可吾可以斯文D？

天氣真係一流呀，夏天i miss you!

我地食既ramen burger....USD＄9，吾算平！

仲有home fries......USD$6

 媽媽，母親節快樂！

 放完電既結果.....

妹妹濕疹

妹妹濕疹好似因為天氣暖左而變得好左，以前見到佢真係怕左佢，因為好好好恐怖，成塊面紅哂，成身lut哂皮，佢又成日痕，可能咁以前訓得吾係咁好，見到佢咁既樣，我個陣真係好心痛，有時都會查類固醇既藥膏，但近排都無查而妹妹都OK，所以我真係勁開心呀！ 希望佢會keep住係咁，做個靚靚妹妹啦！(雖然都仲有小小紅，但已經比之前好百倍啦！)

係小朋友面前真係吾好亂講野，我平時稱呼老公做老公，好多時叫佢呀都大大聲咁，而家老公陪佢訓時，臨訓前Hannah 就叫佢老公，食飯時又叫老公......真係吹脹！ 我諗我呢個大婆都係無地位，隨時比人降呢做小三，呢個小三真係好利害，電到爸爸都無時間陪我，哈哈哈哈哈！
 
呢排大小姐群得cousin姐姐多，成日都唱住let it go....let it go....哈哈，我開頭都吾知係咩歌，但老公話我知係frozen入面首歌（註：我邊有時間睇呢D戲呀！）佢地真係學野好快手，唱下歌就記得，吾知佢會吾會記得我地叫佢吾好做既野呢？？