4週年＠ 731

話咁快就4年啦，係咪快樂不知時日過，完全都吾覺原來已經4年了，而家湊住兩個女真係忙碌過以前百倍，不過都希望今個星期可以一齊去補祝我地結婚週年記念啦。  如果有睇開我blog既朋友，兩年前已經寫低我同老公既相識經過，吾係特別刻骨銘心，但就係我同老公既經歷，同時都係我倆甜蜜既開始。 無可否認，有了小朋友後真係連講野都覺得忙，而交都嗌得多左，都係因為覺得多野做而佢又吾幫手之類，好似前幾日，已經10點幾，岩岩泵完奶，仲有機衫要摺，我唉一聲，佢問咩事，我話仲有D衫要摺，好累，我會expect佢會話幫手，點知問完之後continue打佢既機，我就死死地氣去摺衫，吾係話我做吾到，如果佢一句話幫我手，我個心都gur D，但連講一句都嫌唗氣，我都吾想再講了。 我無為呢件事而起了風波，但之後同佢講番佢都知道自己問題，不過將來有無進步就遲下先知。

呀，講講下離了題，今年好特別，因為前個兩年我都無收過禮物，而今朝一起身時見到床頭有份禮物，嘩，我老公幾時變得咁細心？哈哈！ 吾係一份好名貴禮物，但佢既心意我get到既。 一開時，仲以為佢玩野，因為輕飄飄，吾似有野係入面，但心諗，無理由佢可以pack到咁靚wor.....哈哈，我真係好衰，有咁既想法，好彩入面真係有野既，吾好令我一場歡喜一場空，嘻嘻。 不過我無準備呀，真係吾知買咩好，所以.....同佢去食個lunch就算吧，難得老細吾係office可以hea下，嘻嘻嘻！

多謝老公容忍我既脾氣咁多年（結婚4年但之前一齊已經8年!）但希望佢會繼續容忍我更多更多年啦，哈哈哈！

8個月 @ Emma 妹妹

咁快就出世8個月，仲有4個月度就一歲，又係時候準備party啦，哈哈！ 而幾日都有search 過party地點，都係類似上次朋友既party area, 有地方佢地走動同食物咁就足夠啦！ 

原本以為8個月大既BB可以幾訓得，但呢排佢既nap真係少之有少，7點起身，9點幾nap半個鐘，12點nap一個鐘左右，5點幾又nap半個鐘，真係total都係大約兩個鐘，夠嗎？ 吾知，但佢吾訓你又吹佢吾脹，是鬼但！ as long as 佢夜晚吾好嘈住哂咁就算吧。 

星期日本來諗住佢nap我又nap一陣吧，點知佢半個鐘就醒一次，其實見到佢仲係眼訓，麻煩友，但一見到我就鬼打咁精神，真係吹脹。 開頭諗住佢係crib度喊兩下就算，點知喊左陣一抱佢就嘔奶，搞到我地成身都係，真係好好好煩！ 無計，唯有沖涼換乾淨D野....唉，佢地真係愈大愈勞心勞力，救命呀！ 

雖然係咁，但見到Hannah 同佢兩個有時玩玩都好得意，Hannah有時會話妹妹係邊度，妹妹來緊啦（爬向Hannah方向），佢真係好錫妹妹，一早起身就會問妹妹呢？ 叫佢錫妹妹佢又會好順利（叫佢錫我難過登天），不過當然都會拍打佢啦，始終Hannah仲係小朋友，起碼佢吾會吾中意妹妹我就OK了。 我相信到妹妹一歲左右佢就行得走得，到時佢地兩姐妹就有排玩了，嘻嘻！ 一諗到咁，我又滿心微笑，做媽媽既，都係見到佢地相親相愛就足夠了！！！

各位EE好，今日媽媽幫我扮靚靚著裙裙，我係咪好靚呢？嘻嘻

媽媽: 5d訓啦，我好想nap呀！ 

Emma B: 媽媽，同我玩玩啦...我吾訓啦！！

媽媽：仲吾訓，打你架

Emma B: 我笑得咁燦爛你應該打吾落手既

媽媽： 你蝦我既

Emma B: 媽媽， 我愛你（順便咬埋你先！btw, 呢隻豬出緊牙啦） 

Hello媽媽，我又來啦，哈哈哈哈哈！
（惡魔終於醒啦！）

park park玩

愈來愈活潑既Hannah, 真係日日都想去park park玩，而家夏天，多數都會放工後同Hannah去park 度走走，一來放下電，二來困住係屋企成日呼吸下新鮮空氣都好吧。 以前真係會同佢上上落落，怕佢跌到撞到，而家，睇住佢自己上上落落都輕而易舉，不能不相信佢已經大個女了。 以前佢sir滑梯最會擔心，而家自己上完去再落來都無問題，我就坐係一旁等佢好了。  不過最搞笑係，佢好怕行橋，可能park到條橋會郁會搖，所以次次經過佢都會扶實，之後先敢踏出第一步，果然係小心謹慎型，行步路都謹慎過人。 

前排咪好興飄浮相，連Hannah都要跟住潮流影番幅，哈哈，都係咁岩je.....好搞笑！

探訪學校

上個星期真係懶到出汁呢，點可能得兩篇架.....不過因為媽媽星期五請左日假休息所以工作上忙左D，嘻嘻，今個星期補番啦！

星期五早上同Hannah去左佢間學校參觀，佢當然吾知發生咩事啦，我地打算9月就同佢返part time先，等佢warm up一下，到10月就全日制，希望佢吾會太多吾開心啦！ 相信第一日去返學點都會喊同吾習慣，到佢慣左可能吾多想返屋企啦，哈哈！ 我都吾expect佢會學習好多野，但最起碼要學識behavior同自理能力，如果吾係真係好難湊！ part time basis ＄400， 我覺得都好fair, 而full time就＄700， 假期當然close啦，但最起碼價錢方面都吾算太過份。 我見有D真係＄1000，不過我覺得佢而家仲細，到佢大D時再入去讀D好D既學校都OK既。 

同佢去完學校之後，我就送佢返屋企比99，而我自己就約左老公撐枱腳，嘻嘻。 雖然無幾耐之前先同老公食完lunch, 但一齊食野點都吾嫌多，所以我又再一次出去搵佢食lunch了。 個日老公同我去左食burger, 好味呀，又吾貴，大約一個人USD＄10左右，其實呢邊既mcdonald都差不多價錢，所以我寧願食呢D好過啦！ 當然，點都係吾健康架啦，但間吾中一次都OK啦。二人世界真係好耐無試過，不過琴晚臨訓前睇返佢地細個D相，真係好掛住好掛住好掛住佢地細個個陣，而家Hannah已經係一個小女孩，吾再係BB，雖然都會發脾氣，但tum下佢佢又會OK既，見到佢真係覺得時間飛逝，年前佢仲係要人成日抱成日喊既BB而家已經變得獨立，以前同佢去park仲要怕佢會跌，而家可以由佢自己上上落落，呀....百般滋味在心頭，雖然成日都好想有好多私人空間，但我相信到佢地大個吾痴家時我又會好好好好好懷念！！！！！！！！！！！！！！！！！ 

第一次同媽媽搭subway, 好好奇呀！

我既classic burger, 都一樣好味！

                                              
                                            老公既bacon burger, 好evil呀.....但好yummy!!

生日派對....again

曾經有個人同我講，到你地小朋友返學時，D生日party真係個個星期來，你去都去到悶，哈哈！不過我都相信呢個會係事實，因為一大班朋友既小朋友年年都有生日，就算吾大搞都起碼會一齊食餐飯，不過見到大家既小朋友開心健康咁成長我地都好開心既。 

上個星期六係朋友囝囝生日，我地一早就已經準備好哂，所以一上車都可以起程，其實地點又吾係好遠既，加上無點塞車，我地半個鐘頭就到左。我地第一個到，朋友cat已經係個度，入到佢見到巨型slide, 好興奮呀，哈哈，開始時Hannah都係怕怕羞羞咁，但之後就連爸爸陪都吾駛，可以自己爬上去，但我地都擔心，因為真係好高，所以都係我地一齊玩啦。 其實幾好玩，同埋應該吾係比小朋友玩，感覺上係for 10或以上大朋友玩架啦。 佢地有兩個slide, 一個我都咁玩，而另一個.....真係90度咁落，嘩，我都驚呀，所以無上去，不過友人katy真係勁大膽加勁嘈，全場佢就至開心個個，仲開心個個壽星仔，哈哈哈！ anyway, 中途個度D staff有個game比小朋友玩，我覺得個度又幾好玩，可能大家一齊involve又幾開心下，嘻嘻。 雖然地方吾算十分大，但有咁多野玩，又有野食，我覺得都玩得開心呀！ 所以下次妹妹生日時我都打算去呢D地方搞，係屋企真係會癲呀！ 多謝朋友cat既邀請，我地同Hannah先會咁開心呀，嘻嘻！

PS: 鳴謝友人FB既相，所有相都吾係我影既，千萬吾好charge我板權呀！！！！！

  

生日快樂Freddy, 祝你做個健康快樂人！

跳彈床，難得既一家合照，哈哈哈（thanks lala!)

失眠

其實睡眠充足真係好重要，開頭見Hannah成日都半夜責醒跟住喊真係吾多健康，以前仲話係細個，可能怕黑，但而家佢都已經同爸爸一齊訓，都吾知仲想點，有無方法可以令佢訓得好D呀？ 我明白個個人都可能係晚上時間起身，但我地大人可能容易fall back to sleep, 但佢....真係晚晚都喊呀，就算我吾係同佢一齊訓，我都比佢D 喊聲嘈醒，唉，真係好攞命！ 我地已經無覺好訓好耐，希望呢個stage可以快D過，如果吾係我地D命可能短多幾年了！ 

佢再吾訓，就快變左咁

絕食

呢幾日都因為兩個女病倒而心情都麻麻。 雖然佢地大置上都算好番，但Hannah因為口生飛茲所以吾肯食野，見到佢成個人瘦哂真係好心痛，雖然都有keep住飲奶，但吾食野又點會有力，見到佢軟99咁，唉...我又可以做D咩呢？ 由細到大佢食野真係一般，有段時間要睇TV食野，有段時間要玩住食，有段時間直頭吾食，咩方法都用過，都係食少少就吾肯食，要佢坐定除非睇TV啦，好明白呢個方法吾好，但總比佢吾食好吧。 9月開學，希望到時返到學校會食DD野啦，如果吾係真係一日食一餐....大鑊！ 

而妹妹...又係另一個吾食野既人。 佢而家8個月，理論上食solid應該食到有兩餐，但佢一係吾開口，一係就喊，唉，真係辛苦。 有時見到佢咁，都吾想餵佢啦。 其實我地幾個月前已經開始餵，但一直都係麻麻地，開頭諗住佢吾中意D味道，試下蕉呀，蘋果呀，諗住呢兩樣都幾大路，又甜甜地，應該會食少少，點知...試左一啖直頭好似想嘔咁，有無咁難食呀？？？ 開始打算煮粥仔，但見佢咁既情況，都係睇定D先啦，講真，粥仔又多樣功夫，如果佢吾食我真係PK鳥。而家依然係餵緊oatmeal, 不過我有時會加少少菜容，99就可能無，呢排poopoo好水，都吾知係咪出牙定係點呢？好擔心！ 上次試食星星餅，本來好開心架，但一放入口即拿口拿面.....其實星星餅幾好味喎！唉......佢兩個真係身在福中不知福，呢個世界幾多人無得食呢？ 佢兩個真係要鍛鍊一下先可以呀！！！！

抗戰後記

經過一個weekend既戰鬥，我同老公都散了！ 因為星期五返到屋企後兩個女開始病，唉......而家係office，有冷氣歎有internet 用，真係爽過係屋企多多聲，本來打算請日假，但都係算啦，吾想留係屋企。  講番今個"旅程",真係有驚無險，星期五臨放工時，99 話我地知Hannah發燒，都心知不妙，返到去見到佢佢已經好累，吾同平時既Hannah, 唉，好慘！ 之後晚上又反反覆覆咁發燒，又要幫佢沖暖水涼降溫，又要幫手餵藥，之後又嘈醒妹妹，真係十分呢hea呀！ 到早上摸下亞妹，再探熱，shit, 原來亞妹都發燒，本來早上打算餵亞妹食退燒藥，點知一餵就嘔，真係吾知點算，用退熱貼又無咩效，既然係咁，我地就一早同佢地去睇醫生，費事擔心成日呀！ 去到醫生，一個104度，一個102度，我個刻真係想喊，見到佢地咁辛苦! 
醫生話兩個女可能感染virus, 都無咩可以做，都係食退燒藥，跟住可能會生飛滋，唉，同上年一模一樣，都係個口有事，不過今次多多個妹妹，湊住兩個sick baby真係吾係人咁品，最可恥係無人幫，就算佢D屋企人住係樓下，都吾會話上來幫下手架，我真係覺得佢地愈來愈黑人憎！ 

病既緣頭都係因為cousin哥哥病，佢都係早幾日開始發燒，之後又係同一個病症，問題係，佢病個日就同佢去睇醫生啦，佢個兩個PK父母又吾會理，又搞吾掂，我老公同佢brother講叫佢同小朋友睇醫生，又話吾想講.....跟住個日個仔發燒，仲話我99吾同佢講，佢可以即刻返來，真係好搞笑，你出門口個陣都係架啦，你吾會打比99問下個仔點？ 仲要blame人地..... 好啦，睇完醫生個日又話99打個仔去邊度玩，玩到病，玩完有無幫佢洗手.....我心諗，佢個腦係咪痴膠線，自己成日weekend出街，留比99湊之餘仲要咁多complain, 你咁叻，自己湊啦！ 不過我相信D小朋友大個都吾跟佢地，因為基本上我吾覺佢地有陪D小朋友囉，好似weekend咁，我地會同Hannah＆妹妹出下街，同佢地玩下，而佢地？ 早上drop低比婆婆，下午99返來就99湊...weekday晚上又係99湊...咁佢地生兩個小朋友做咩？當玩？ 吾打算湊既就吾好生啦，PK！ 我至憎就係D咁既人，又要生當玩咁，跟住又吾好好打理，究竟邊個先係亞媽呀？ 真係一講佢地就把幾火！ 好嬲好嬲！！！！！！！！跟住琴日我需要D藥係99度，我就叫佢拎上來啦，佢成日都話好掛住blahblahblah, 吾好吹水啦！ 來左一陣又話要落去因為佢地要出去pick up dinner wor...跟住我話，下，要兩個人pick up? 吾係化.....佢地真係廢過殘廢！

雖然我同老公係好累好累好累，但我希望我地D女大個會記得我地所做既一切，同埋邊個對佢好邊個對佢吾好都要記住呀！！！！！！！！！！！！！！！！！！！！ 兩個女最重要健健康康，希望今晚有覺好訓啦

PS: 今次係妹妹第一次病，真係好驚呀！！！ 我無覺好訓真係吾得，我真係好屎............多得老公幫手，我先可以休息一陣！

學習能力

小朋友學習能力真係好快，話咁快妹妹爬之外仲可以坐得穩，真係出乎意料之外，可能因為Hannah細過時到吾係好快爬同坐，所以真係無諗過妹妹會咁快呢！ 不過當然我都會係佢隔離，跌左都可以有我扶下呀！ 有時見到佢地大得咁快，真係好D吾捨得，好掛住妹妹NB時豬仔咁既樣，雖然真係好辛苦，但見到佢地長大又真係好安慰。 係，有時我都會呻話好累好吾想要小朋友，但佢地既一個笑容真係溶化我呢！ 願我兩個千金健康快樂地成長，大家互相幫助相愛，做媽媽既就安慰了！

我坐穩啦媽媽！yeah! 

呢條友爬爬下爬左去櫈底，點解咁中意咁既？（我記得以前Hannah都好中意咁）

我會努力爬去拎玩具，媽媽吾駛擔心我！

近朱者赤,近墨者黑

cousin姐姐呢排成日都好早就回到家，因為summer school 既關係，而62又要去接佢（佢地D老豆老母好鬼爽，有人幫手接送個女，PK！） 真係愈來愈衰！ 好似呢兩日，去到99度見到佢，佢吾會叫人，是鬼但，一嬲都無禮貌，跟住Hannah想睇下佢D書，又話D書係佢既，吾比睇，只係比佢同細佬睇，我心諗，我上次買既water table你同你細佬都無問過我就拎來玩，低能！ 跟住佢大小姐心情靚就叫我地拎去睇，仲要丟比我地睇，好似我地要乞佢D書咁，我個刻真係好火.......同老公講，佢話我小朋友係咁，吾好同佢斤斤計較！ 但我覺得我吾係同佢斤斤計較，係佢吾應該咁做。 1） 我係長輩，佢應該叫我 2） Hannah係佢cousin, 佢做大既應該讓下D細既，何況Hannah只不過剛剛兩歲多 3） 6歲既小朋友應該以身作則，要教導細個既小朋友
雖然佢吾係我個女，但如果我個女成日都同佢D咁既人hang out, 我諗我會人都癲，會想殺左佢！  琴晚，我朋友送對手鐲比Hannah, 跟住佢就話點解佢無，it's not fair....佢真係癲癲地，我朋友送比Hannah點解又要送埋比你，佢又吾識你，之後仲要話Hannah點解有咁多jewelry而佢無，其實Hannah一D都無，係佢D咁既小人係度諸多籍口，好拿煩，跟住仲係度同我嗌，我話Hannah has no jewelry, she has nothing....佢就話if a person has nothing, it means she is dead!!!我即刻大聲鬧佢一下佢先肯收聲，或者我都吾應該繼續同佢講呢個topic, 但佢講既野真係好disturbing 同 provoking.....唉，我真係要好好控制自己情緒呀！ 而我真係好驚我個女會因為痴住呢D咁既人而變成咁，3歲定80，我要趁亞女未夠3歲前糾正佢既錯處，如果吾係真係恨錯難返呀！！！！！！！！！！！

Happy July 4th

上星期係長假，真係人都癲，因為好鬼累，湊住兩個B真係出街都勁吾方便！ 我地星期五係July 4, 朝早起身食少少野就出去表哥屋企，本來約左睇煙花，但兩個B既schedule又要早訓，睇完煙花10點幾先返屋企真係會攞命，所以...無計啦，做得父母就要犧牲一下D時間，希望下年有機會睇啦！ 不過其實個日最主要目的吾係想睇煙花，而係想去我cousin apartment個泳池玩水，嘻嘻。 開始時都想比妹妹去玩，但點知佢眼訓，抱抱下就訓鬼左，難為我又無得落水之餘仲坐係泳池邊睇佢地兩父女玩，真係勁吾過癮，坐到我都腳痺呢，但又吾想整醒妹妹，唉....做亞媽真係好大犧牲呀，嗚嗚！ 一開始時，Hannah小姐見到水好開心呀，以為好好玩，落到水後又扮樹熊，抱住爸爸吾放手，哈哈哈，好搞笑！warm up左一輪之後就開始玩下，比爸爸同佢一齊游（浮），見到佢咁開心我係旁邊都好開心呀，嘻嘻。 個日天氣有D凍，好彩呢個泳池係室內，仲覺得有D熱tim, 咁就吾怕凍親啦！ 其實好想同佢去游多D水，但係附近真係無泳池，同埋去public既...會好多其他人，好dirty! 如果去沙灘，D水長期係ice water, 仲記得有次成100F（即係大約37C），諗住去沙灘無死啦，點知一落水凍到亞媽都吾認得，要拿拿臨上水，真係.....而上個星期同Hannah去沙灘，佢又做樹熊，吾肯落地，哈哈，不過我勁吾中意個beach, 多人又細，吾多好玩！ 希望呢個summer仲要有更多機會去玩水啦！！！ 

上星期既沙灘遊，不過去到沙灘好凍，所以坐左陣就走....無聊！

呢隻樹熊都有玩少少沙既，不過吾肯自己行，可能熱

影吾到著游衣照，做左影后（單手抱住妹妹影相真係好勁，比個讚自己！）

最中意同爸爸玩，真開心呢！

4腳爬爬

時間過得好快呀，7個月大既妹妹已經再吾係一舊飯，而係有要求既人啦。 有時佢玩緊玩具（好似一條線），我地吾想佢玩就拎走去，佢就爆喊，勁惡C！ 而佢有D咩吾中意就爆，我睇得出佢係惡過家姐，大個一定勁蝦家姐呀，嗚嗚！ 7個月大既佢，已經開始4腳爬爬，真係估吾到咁快！ 坐都有時會坐到一陣，但感覺上仲覺得佢好BB...可能湊住兩個，時間都吾左半，覺得妹妹仲係好細吧！

近排天氣潮濕，妹妹濕疹又來了。見到佢咁真係吾開心，但都無辦法呢！希望終有一日會好啦！

兩個傻妹自娛，真開心！

monster開始醒了.....