新年快樂！

仲有幾個鐘頭就進入2014年，希望大家新一年健康快樂，樣樣都稱心滿意，我地一家就平安快樂！

今年最大既achievement就係生左妹妹，雖然係其他方面好似都無咩大進步，但希望新一年會努力搵錢比個舒適既家比我兩個愛女啦！ 下年見！ 

平安夜快樂

咁快2013年就到尾聲，當然今年最大既accomplishment就係Emma, 所以自己都無買禮物比自己，Emma已經係一份大禮，哈哈！ 

星期六同老公Hannah BB去朋友家慶祝聖誕，不過未能同Emma一齊去，始終太細個，亞媽堅決反對我地同佢出街，唉，是但！！ 

希望大家有個愉快既平安夜！

聖誕快樂 everone！！！ 

滿月了

話咁快就一個月啦，上個月既今日就係emma BB 既誕生，好感恩所有野都好好，我復原都OK啦，而emma都ok, 只係有時會喊肚餓，不過都係正常既。 希望佢快高長大，聰明伶俐，健健康康，開開心心！雖然餵夜奶的確是幾辛苦，特別係佢食奶又慢，我又要泵奶，搞得黎又下餐，而且又要以吾好嘈親個大女為主，真係小小嘈音都驚整醒個大女呀！ 而家訓覺，都係要分開兩個訓，仲要閂門訓，如果吾係嘈醒個大女就真係個個都吾駛訓呀！

Emma BB, 一個月大既你已經變左好多樣，無論你變成點，媽媽爸爸同姐姐都一樣咁愛你呀！ love you！

學習進度 @ Hannah BB

下個星期三就係放監日子啦，都係Emma BB一個月大啦，時間過得真係好快！ 不過今次我好多時都比亞媽做，因為可能真係想休息下，同埋始終第二個，無咁緊張既。 而家我只係想Hannah 可以痴下我，希望坐完月可以陪佢多D啦，佢點都係我最錫個女！ 

因為坐月關係，Hannah BB都依然比99湊，而老公都如常落下面食飯先返家。 佢琴日同我講，Hannah 比人蝦，佢話第二個小朋友扯佢頭髮，佢又吾反抗又吾喊，呀，都吾知係好事定吾好事。 好事係佢係一個善良既人，吾會因為比人蝦而發脾氣之類，但吾好事係，我想佢學識say no, 始終第時返學後都會遇到其他壞小小既小朋友，我吾想佢比人take advantage, 點都好，我想佢學識保護自己。 雖然我明白佢吾介意，但都好應該係適當既時候做適當既事，我吾要佢扯番人地頭髮，我只係想佢學識避開呢D搞事既人, 希望佢大個會明白D啦。

其實係咁多個小朋友當中（包括樓下既兩位cousin姐姐同哥哥），佢應該係最林個個，次次搶玩具都吾夠人搶，而cousin姐姐始終都係大個人（五歲），所以更加吾夠人搶啦。 老公同我講，佢地而家成日都蝦Hannah, 搶佢D野玩，不過佢父母吾出聲，又可以點，都講過，養不教父之過，你既小朋友出到出面做D吾好既事，只會反應你點教你D子女，吾會話個小朋友，唉，我覺得佢地好可憐，咩都係利益行頭，不過一家吾知一家事，我吾理lu....最好吾好搞到我個女。 以前既我，仲會錫下cousin姐姐，自從佢D行為失當後，我真係將佢降低，我而家連講野都吾想同佢講，一吾中意就發脾氣，我吾係你既父母，吾由得你亂發脾氣，話完佢一餐佢就會話我會同番我爸爸媽媽講，即係想做25女，報吋，所以我都費事唗氣，吾想再做好人，自己湊好個女就算吧。 

而家Hannah既學習進度都幾好，老公話佢係99度已經差不多學識ABC同數字，不過我自己就未聽過佢講D數字啦，佢學野真係好快手，我前日同佢讀書，見到有蜜蜂，就教佢呢隻0翁0翁0翁，佢琴日拎起個本書，去到個頁，佢居然又記得個隻叫做0翁0翁0翁，真係好勁呀！而家又成日好好唱口，ABC首歌簡直就係飲歌，哈哈，個陣公公來NY，有時早上做運動，而家叫Hannah 公公點做運動架，佢又要搖下隻手stretching咁款，搞笑既係佢仲想學公公做掌上壓，不過當然，佢只不係爬係地下啦，好似break dance咁，好可愛！ 

其他方面都OK，poo poo都算係學識係廁所度去，pee pee就未係好識住，不過都學習中，而食野方面，可能真係多D牙，所以而家可以食成一碗飯or麵, 佢吾會再比你餵，要自己吃，不過都算係咁，仲記得以前餵佢食野真係難過登天，希望keep住係咁啦（都係咪講啦！！！）係訓真係超級差，成日差不多訓著總會反抗一番，唉，希望大D會好D啦！！！

好期待佢地兩姐妹一齊玩既時候，到時我就一身輕啦（不過應該會好懷念呢D日子！）

同妹妹玩得好開心呀！

爸爸媽媽叫我錫妹妹，我會錫多D妹妹架啦

婆婆burp我......舒服哂！

我最中意就係睇書

 三更半夜食完奶，又眼訓lu

三十八週-生產前最後一張大肚照

未曾公開過，因為覺得好肥好腫，不過見今胎好似無點post大肚相，同埋上胎陀Hannah個陣都有post,為左公平起見，點都要post一張既，起碼第時Emma大時知道我陀佢時係幾咁大個肚同辛苦呀！不過最慘既係，肚紋真係多到....連大脾都有，有無方法整走佢呢？？？ 

Emma BB @ day 19

呢排真係好鬼累，雖然吾駛返工，但晚晚都要三更半夜起身餵B食奶，真係吾係人咁品。 好既時候餵完可以即係訓番，吾好時，真係餵成個鐘都未食完，唉！琴晚就係咁，點幾起身餵奶，點知佢食少少又吾食，又吾訓，食下停下咁，認真玩野，真係要捱到下一餐奶，都係吾訓，到4點幾我頂吾順，放低佢我訓，5點幾亞媽聽到佢喊就餵佢一安就訓左，唉！我而家個黑眼圈大到......有朋友想來探我我都吾想佢地黎，費時又肥又殘個樣比人睇到啦！ 

邊個三更半夜仲吾訓呀！！！

激氣

岩岩比老公激親，真係搞到我好吾開心。 坐月既日子已經吾算太好過，夜晚又要起身餵夜奶， 真係精神一般咋。雖然平日Hannah都係比99湊，因為要照顧咁多人真係無可能。 而家佢已經吾多痴我，其實我明既，我之前又大肚，無能力去照顧佢，而家生完又吾可以抱住，不過我都有陪佢讀書同玩，都算係咁啦，最吾開心既係，好似老公吾多明白我，個女而家晚晚都係佢tum訓覺，所以個女一吾見佢就發脾4。 今晚佢去個廁所，亞女又發脾4，之後佢去完廁所出黎見到咁既情況，就叫我陪個女多D。我個刻真係好吾開心，個女本身好痴我，而家因為細女出世而比老公講到我好似特登吾理佢咁，佢有無想過我感受呢？ 以前個個weekend邊個照顧個女，係我，個個weekend邊個可以訓到王朝白晏，係佢，邊個餵個女，係我，邊個換片，都係我，邊個煮埋野食比佢地，又係我.....點解佢可以講D咁既野？ 真係令我好吾開心....不過又如何，佢吾會覺得係一個問題，因為佢吾識咩係appreciation! 

算啦，發洩完畢，又係時候訓陣等今晚餵奶！ 

TO我的愛女- Hannah

日日見你為睡眠而struggle, 呢D日子真係吾好受。 媽媽見到你日日都好累而又訓吾到我真係好難過，我好想知道原因，都希望如果有機會，我寧願訓吾到既係我。 我只係想你開開心心健健康康成長，見到你咁辛苦我都好心酸，亞女，你乖D啦！爸爸媽媽已經好累了.......今晚你超快地由crib爬出來，我們真係心都離....希望你無整親啦！

媽媽上

生產過程and Emma BB @ Day 9

大家好呀，好耐無update, 湊住個newborn BB係忙D架啦，大家見諒！雖然係咁，但我都好開心見住個BB大，原來不知不覺已經一星期啦，還記得上個星期係醫院既地獄生活，好彩而家已經返到屋企休息+坐月。 不過覺得今次坐月無上次咁辛苦，可能已經expect係點，同埋今次真係無咁緊張。

講番生產過程，仲記得星期一淩晨時份突然覺得有D怪痛，之後開始感覺怪怪的，就叫醒老公同佢講，我話可能生得，所以我第一時間衝去沖涼同洗頭。之後食左少少野同執個走佬袋（係，我之前完全無執過，哈哈，因為真係吾知執咩好！），點知突然間，突然好多水出，成條褲濕哂，原來穿左羊水，所以立即叫醒老公同亞媽同我99，我同老公and亞媽就即刻去醫院，而99就負責睇住Hannah BB. 去到醫院，可能因為已經成4am, 所以無好多人，不過去到既時候已經開始有陣痛，但未係好嚴重，醫院既醫生檢查完後，見我開左五度，就立即送我去delivery room, 之後咪等囉。 其實個陣已經開始痛，但都係忍，無計，我老公同亞媽話，如果忍到既就吾好用epidural啦，點都會有side effect, 同埋老公話，你之前個胎都無用，咁呢胎都吾駛啦，就係咁，我無打無痛，雖然有一秒係好想好想打，但係又覺得，其實打個枝無痛反而仲驚，因為見到個枝針超長，仲要打入腰骨，聽到都恐怖！！！ 所以，都最後決定咬緊牙關吾用。 到5點多D我個ob來幫我檢查，佢話都係開左5度，如果以呢個speed,可能要成12點先生得，我即係心都實埋，因為個陣已經開始痛，吾知係BB錫我定點，我同BB講，你快D痛多D啦，如果吾係媽媽就有排捱呀，同埋，我都吾知頂吾頂得順！話哂又5點至12點都成7個鍾，要痛咁耐我諗我會暈呀！ 說時遲那時快，見完醫生之後BB就開始令我係咁痛，10分鐘之內痛成幾次，經過上次既經驗，我知道呢隻痛係差不多要生個D痛，再隔左一陣大約7點鐘左右，我覺得係時候再push啦，咁就叫醫生check下，點知真係開哂啦，我個刻真係thank god, 如果吾係有神既blessing, 真係吾知要等幾耐。 不過反而覺得push既時候辛苦過上次，吾知點解呢，可能因為上次一入到醫院就要生，吾駛等，但今次就係產房等左一陣先生得，真係度日如年呀，同埋，醫生話我有D血管突出左，同埋穿左羊水都一段時間，所以要盡快生個B出來，如果吾係，我就可能會嚴重出血，而BB都會有危險。聽完之後，即係好緊張同埋用盡力去push！ 好彩，push左大約30分鐘，BB就係早上7:25分正式出世，生完之後真係喊左出來，因為覺得真係好Q辛苦呀！！！！！！！！！！！！！！！！雖然吾係第一次，但就係因為知道上次幾痛所以又怕。不過見到個BB又即係好安慰。 

對住Emma BB已經一個星期，基本上佢都係食同訓，好少時間係清醒，除左換片可能佢吾中意外所以喊，其他時間都好少喊，希望keep住啦，哈哈！ 至於餵奶方面，開始時都係餵formula, 到返到屋企因為湯水同休息夠，所以而家都係餵全人奶，可惜既係BB吾多中意埋身，咁我唯有做泵媽啦，哈哈，無所謂，反而中意泵多過埋身，因為知道佢食到有幾多，可以就到時間呀！ 


不過成日都覺得好似陪Hannah少左好多，因為我又吾抱得佢，坐係地下陪佢玩又話吾得，咁無計啦，所有粗重功夫都係我老公同亞媽做，我就負責照顧Emma BB啦！ 其實，我真係好好好掛住個女，雖然係好多功夫，但見佢日漸成長真係好感恩。  明天係我地呢邊既感恩節，雖然因為坐月而未能夠食餐好既同埋出街，但希望坐完月後可以陪多D Hannah BB,  令佢開心D。 開始時擔心佢見到妹妹會點，但當第一日係醫院返屋企，佢見到妹妹時佢就不停叫妹妹妹妹，真係好鬼sweet, 同埋，我地叫佢錫淡妹妹佢又會錫，佢真係好抵錫呀！ 我地而家開始叫佢get involved, 好似叫佢幫手拎件衫比妹妹呀，拎個奶樽比妹妹食呀，咁當然啦，所有野都係我地睇住之下而做，不過佢都好肯幫手，我都好安慰呀！ 總之，而家有女萬事足，我真係真係好錫我兩個女架！！！！！！！

妹妹照 @ day 1

妹妹出世已經一日多啦，不過都未知似邊個。

呢個女唔駛食，訓足成日，希望快D上奶餵到佢啦!

bb 已經順利誕生

經過一輪搏鬥之後，BB已經順利誕生。咁快就做左第二任媽媽，雖然今次好似比上次順利，但痛楚依然，真係好驚架，而今次本來想打無痛，但憑著意知捱到最尾，真係要比個叻自己。好啦，需要休息，不過大家放心，母女平安。

最新update - 38週

今日剛剛去產檢，檢查完後原來已經開左兩度，即係距離BB出世既日子不遠了。 醫生話應該會係下個星期度，不過當然只係estimate, 隨時生都吾定架！ 幾時都吾重要，重要係一切順利，BB健康呀！ 如果我呢幾日無出post, 大家知道點解啦，嘻嘻嘻！ 感謝大家對我既支持，希望係未來數個月會有機會出post, 就算無相，都應該會寫下野既....最擔心係吾知Hannah 會吾會掛住我，因為佢吾可以去醫院探我架，我實掛C佢呀！！！！！！！！大家比D力量我，我會撐落去架！！！！ 好緊張呀，期待BB既來臨！！！

超picky

上個星期去左朋友個生日會，佢地book左個場，有好多野玩，不過都吾太岩Hannah BB玩，到佢大D就應該OK既.....不過佢見到咁多人，又點會玩，成日又做左樹熊，連地都吾想落，哈哈！ 不過臨走之前，叫佢錫啖朋友個仔仔，點知佢地真係錫錫，仲要係咀，爸爸即刻面到黑哂，同個女講左幾日吾可以咁錫人架，唉...亞女又點識，不如你下次阻止啦（如果你咁care)......

  

問下大家，有咩方法影到佢地D小朋友相呢？我次次影親都超懞，因為成日走來走去.....

我發覺Hannah BB真係好鬼picky!!!之前買既衫，吾中意隻色就吾著，而家開始凍，打算比佢著連腳個隻one piece, 點知晚晚著親都依嘩鬼叫，我比佢著都係怕佢夜晚凍親，如果吾係，我真係吾care.....之前又買左個sleeping bag，不過係隻腳可以伸出來，比佢夜晚訓無被都吾怕，點知又係咁，C都吾肯著......真係好鬼煩！！！ 而著鞋又係，買新野比佢佢都吾中意， 小姐呀，你隻腳會大，我都吾想買新鞋比你架，不過你著開個對吾岩著，張就下啦！ 好彩到最後佢都屈服，不過要係咁讚靚靚先得......真係好彩吾係買左好多footed one piece, 如果吾係真係超浪費！

 
吾知係咪因為個heat既關係，Hannah BB夜晚訓得仲差，晚晚起身, 又有時會乾咳，但我地已經吾係好大heat, 同埋都有用噴水機，都吾知點解...今晚試下吾開咁大個heat會吾會好訓D......

今朝起身換衫，換完之後吾見左Hannah, 原來呢個衰妹捐左入床下低，真抵死！ 不過床下低咁糟糟，真係吾想佢捐呀！！！！ 而家超中意玩hide and seek, 佢好多時都hide係門後面，好懶玩呀！！ 

假期完結了

咁就放左4日假啦，嘩，時間過得真係好好好快呀！我仲沉醉於吾駛返工又吾駛湊B既生活，哈哈，幾美滿！ 不過作為媽媽，當然吾係想特登吾理個女啦，同兩老出街實在太多野做，所以唯有拎落去比99湊，我就同兩老出街！ 星期四行左足足一日（真係好似9至5咁），我早上有個doc appt, 檢查完就同兩老係唐人街飲茶，好耐無試過啦！ 跟住就同兩老去左midtown行街，估不到係行行下就已經成點幾兩點，可能因為早上飲左茶，所以吾覺肚餓，但行到兩點幾時，已經打哂鼓啦！ 多謝lala既介紹，我就同兩老去左食韓國野，好味呀，特別係個seafood pancake, 雖然我吾應該食咁多carb, 但我真係忍吾到口，哈哈，算啦，食埋呢一排就無得食，坐完月都仲要餵人奶，所以....

我地叫左seafood pancake, 一個石頭窩飯同埋一個squid..

真係飽到上心口。 

我真係發覺我成年行既路都無咁多，哈哈，平時都係放工行番屋企，有時lunch都懶得行（因為天氣凍），不過有人陪點都行得開心D既.....所以我覺得都係值得，雖然返到屋企隻腳好酸，但都係開心既一天。 

如釋重負

自從亞爸亞媽來左，屋企都好似多左好多生氣，可能平時我地真係成隻zombie咁，放工返到屋企真係想拿拿臨整暈個女我地就可以休息下。 而家我地有兩個大人幫手睇住個女，我同老公就可以輕鬆少少，不過沖涼同訓都係我地自己搞掂，但點都好似得閒左好多咁！ 

今日就同佢地兩老係office附近食日本野，真係好耐無試過得大人一齊食野啦，多數都要湊埋個B，又點會食得輕鬆，所以今餐，真係爽，哈哈！ 味道OK啦，不過同父母去食真係好開心，傾下呢樣個樣就咁過左成兩個鐘，嘻嘻！ 真係架，如果開心的話，食咩都真係無所謂！ 

cousin姐姐愈來愈壞，我叫佢吾好做既野，佢就同我講，我會講比婆婆聽（即係我亞媽），佢都傻傻地，我亞媽得鬼閒睬你，如果係我亞媽湊你，睇你仲有無咁得戚！ 睇下佢搞到Hannah BB點............

好彩Hannah BB無喊，自己係咁玩....

明天開始請幾日假陪屋企人，應該無機會update架啦，大家吾好咁掛住我啦，嘻嘻嘻！

重獲新生

星期六終於等到亞媽過來啦，真係開心！ 本來星期六打算同埋Hannah BB去接婆婆機，點知呢個衰妹搞極都吾肯nap,到最終成2點幾先肯訓，而訓左一陣我亞媽就打來話到左，咁唯有叫99幫手睇一睇，我同老公就去機場啦！見到我父母，真係好開心架，更加好似即刻鬆哂，因為有個人可以幫我手呀！ 我個晚...真係好輕鬆，平時我吾到10點幾都吾駛旨意做自己野，個日，真係搞掂哂D野都仲好早，仲有時間睇埋巨輪結局，真係超超超爽呀！ 有人幫我洗奶樽，有人幫我做哂D野，搞到個日...我同老公都話好似好得閒咁，有D吾慣，哈哈哈！不過見到佢地真係好開心，雖然點都會有少少磨擦，但我同我屋企人好易相處，所以無問題！ 好彩Hannah BB見到公公婆婆都無喊，係有D怕啫，不過熟落左就成日叫我亞爸玩波波，哈哈，好得意！

星期日搞左個小型baby shower, 不過真係好累，所以係十分是但....不過好多謝大家既來臨同大家既禮物，特別係多謝yanyan山長水遠來到，嘻嘻，招呼吾到呀！ 因為係amazon整左個registry, 其實有D禮物已經係shower前收到。感動既係有兩個blog友就算來吾到，都send左份禮物比我（你知你係邊個架啦，嘻嘻！） 而我自己本身D朋友，一係話吾得閒，一係就放飛機，所以我都放棄左佢地！ 只不過覺得，我同佢地識左咁耐都咁對我，真係心都淡，而我同blog友真係識左吾係好耐都咁有我心，真係好難得！ I love you both!!!!!

公公教玩，估不到兩個都咁有耐性！

                                                                          有人係度搞搞震....