聖誕快樂！

呢排真係好懶呀，話就話有亞媽係屋企好似得閒D，但事實係，我都要照顧埋佢架！ 好似上個星期六，就因為Hannah姐肚痾，搞到我都痾埋一份，休息左成日先算係好D，星期日有朋友來開xmas party, 我都怕自己頂吾順，好彩都算OK，今次total有6個family來join我地既聖誕party, 真係幾開心呀，大家食下傾下玩下，咁就一日了，雖然我身體不適，但見到咁多朋友來我又興奮了一輪，哈哈！ anyway, 希望大家有個愉快既聖誕，我來緊放假到下年，所以係blog度提早同大家講happy new year啦！ 新一年希望大家健康快樂，我會好掛住你地呀！

走失記

上星期六我亞媽終於都到了， yeah!  本來一心諗住終於有個人可以幫手湊下d 女，我可以hea 下，可以訓一覺靚既，可以咩都唔洗做，可以唔駛幫手沖涼洗頭，可以唔駛。。。。。。。。 事實係，我除左做以上所講，仲要安撫兩隻魔怪，因為佢地唔跟我亞媽，妹妹更加係見到佢就喊，唉！我之前完全無諗過呢一點，真係快樂沖昏頭腦，完全唔知妹妹有幾怕生保，真係該煨了。 所以 weekend 完全無休息過，仲要湊埋我亞媽，真係忙到嘔！ 加上妹妹近排訓得超樣衰，晚晚喊醒幾個鐘，其實我睡眠時間就係得個幾個鐘，我都就快崩潰了！！ 琴晚我就sleep train 佢，佢就喊左 2 個鐘而我就訓左 2 個鐘，真是他媽的！

講番個題目，星期日我地一家同埋我姑媽個d 飲茶，我姑媽都見過 hannah 佢地，所以 hannah 都跟跟地佢既。 之後，我地走時，老公出去攞車，我抱住妹妹，亞媽幫手執袋，我見姑媽幫hannah 著衫，諗住佢會睇實佢先啦，亞媽叫我d 野，我就一秒鐘無睇實個女，轉過頭，hannah 已經唔知去左邊，我個刻真係心都離一離，佢兩歲幾，無電話，無記認，我唔見左佢我唔知可以邊度揾番佢，同埋我老公一定炳到我9 彩，我真係堅驚！！ 我發覺唔見左佢之後，就極速飛奔去門口方向揾佢，你知啦，飲茶時間多人，佢又細粒，真係幾難揾，我真係慌張呀，好彩衝出去門口就見到佢，佢仲打算出埋去街tim, 真係嚇到我鼻哥㝫無肉呀！ 如果真係出左街，真係極危險，走失左唔知點算，衝出馬路就更恐怖呀，唉！！！！！！！ 事後都有勁同佢講，但佢聽唔聽到明就唔知啦。 呢個教訓就教訓我以後都唔好假手於人， 諗住個個係我姑媽會幫手睇下，點知佢仲好似無事無幹咁，真係吹脹！ 唔知呢個世界有無個植入身體內既 gps 呢？ 有的話，麻煩話我知！！ 

掛泵了

無錯，過左一年之後，我既任務已經完成，換言之，我已經掛泵了。  其實今年要湊兩個，我都無諗過仲可以堅持到一年，我不得不比個like 自己。 一年，話短唔短，話長唔長，我知有人會 keep 住食人奶，都有人一早餵奶粉，講真，我想餵人奶係因為對個女好，而我又唔想嘥錢，同埋我唔想見到m 小姐揾我。 不過經過一年，我相信我都係時候要停，我都想有自己既life.   雖然有無泵其實都係唔夠時間用，但起碼唔駛泵時，出街方便d, 我又唔駛定時定候泵，早上夜晚可以抽多半個鐘休息，呢d 時間已經好寶貴了。  其實 99 都話我點解要餵咁耐，搞到佢瘦哂，我想講既係，佢瘦唔瘦唔係因為我d 奶，係佢自己唔吸收，你無得吹脹佢，係，我個細女唔肥，但我相信健康就ok 吧。 唔一定個bb 肥先至等於ok 吧。  係呢度好多謝有份 support 我既人， 雖然成日比人打沉話餵人奶，其實我自己要成日泵都辛苦架，所以有份 support 我既人，我真係感覺到呀！

唔知仲有無機會用個泵，但都好多謝奶泵對住我咁耐，一日3 次，一年內對住佢真係多個屋企人，哈哈哈。 佢真係陪左我呢兩年艱難日子呀！！

減奶時個陣真係勁辛苦，谷到個胸就爆，但係咁飲麥精 and 減少泵既次數就慢慢無lu...... 其實都算好彩，因為知有d 人勁難減呢！ 

希望大家好好珍惜有得泵既日子呀

Happy thanksgiving

吾講吾覺，原來星期四就係thanksgiving啦！ 香港就無呢個假期，但係呢邊係一個好大既節日，差不多所有野都會關門，為左可以同家人慶祝呢個感恩節。 雖然我無咩親人係呢邊，而都無打算同佢屋企人過（因為年年都無），所以我地都係自己同自己慶祝算吧。 上年既thanksgiving係屋企坐月，所以都吾知點樣過，今年本來打算落MD去探老公親戚，好不幸地佢比公司layoff, 所以係無收入情況下我地更加吾想去任何地方。 雖然話就話搵份工吾算難，但我相信老公既情緒都吾係咁開心，所以去玩都無mood lu.....算啦，吾去都無所謂，留係NY都可以開開心心咁過既，嘻嘻。 再加上亞媽就殺到，我都要清潔一下屋企呀，哈哈！ 

weekend去買奶奶比D女，佢地就係shopping cart到大玩一餐，好搞笑呀！ 吾講吾知，一歲大既妹妹真係進步神速，上星期開生日會都未識行，今個星期已經大踏步，雖然吾算得上係行得穩，但都行到10幾步後就會爬番，真係進一大步呀！不過我以後就有排看牛牛啦，嘻嘻嘻！ 其實好感恩佢地兩姐妹相處都OK，雖然就肯定未識一齊玩，但起碼吾會火星撞地球，咁我都心足了，哈哈！ 

Good show

上星期六搞完Emma個party, 真係累到不似人形，不過原來我地星期日有個show去睇，我都係個日先記得，哈哈，好彩係99幫我地睇住D小朋友，我地就可以enjoy一晚咁大把（平時佢都係只會幫樓下殘障架咋！），不過吾好彩既係，我地要同樓下殘障一齊睇，真係好無奈！ 老公囉，又會問佢地去吾去睇，點知佢地又會話去，真係.....蠢！！anyway, 都無影響我既雅致去睇男神黃子華，哈哈哈，其實我吾明點解佢係男神囉，不過佢既才華係特別D既，嘻嘻。  我地個show話就話7點鐘開始，但我地就4點鐘已經出門口，因為想去食D野先呀，不過我地全程都無對話，就算有都係關於個show, 無咩好講啦，其實見到佢地都吾多開胃，特別係個女既，真係以為自己係公主，駛吾駛開埋車門比你呀，8婆！ OK，好似離左小小題，嘻嘻，其實今次係想講個show架，今次係自佢地出世後第一次去睇show, 仲要咁夜返（完show都已經10點啦，返到屋企10點幾）真係十分難得，當然啦，我地都好掛住佢地，但我地都係人，人都要有時輕鬆一下吧，所以就留比99照顧，我地就去鬆下，開始時99都有說話我地聽，但到左個日，知道走吾lut, 咁唯有死死地氣啦，哈哈哈！ 其實係對我地先係咁je, 如果人地，仆到去幫！ 第一次睇live show, 真係好興奮呀，雖然場地吾算大，但都有氣氛，當然比起香港就梗係無咁crazy啦！ 去到場到，好多香港人，我諗一定啦，真係以為自己返左HK，哈哈！ 總括來講，都好睇呀，但覺得都係無之前個D咁好，同埋有D野都get 吾到，不過都好enjoy呀！ 其實難得既一晚可以kids free咁，真係好開心呀，我地返到去D小朋友已經訓哂，吾駛我地湊，真係爽到無朋友呢！ 雖然經過party同成晚都無點休息，但原來吾駛湊小朋友一晚已經好爽，不過亮點係，99一個湊住我地4個既小朋友，我真係不得不佩服佢呢，其實要我自己一個湊兩個訓都真係好難，我都有D會淆低，佢居然可以搞掂哂佢地訓哂，真係好勁！ 雖然都係吾多中意架啦，但有D野....係佢搞得掂而我吾想搞掂，哈哈！ 我.....好懶呀！ 

好消息係，我亞媽決定下兩個星期來幫我兩個月呀，yeah!!!! 雖然其實我都吾知有咩幫，但有個人幫手睇頭睇尾我都好感恩，希望到時可以休息多D啦！

生日快樂Emma 妹妹

不知不覺就已經一年了， 雖然媽媽未必將最好既野比哂你，但我都好努力地去愛護你。 上年今日你岩岩出世，還記得你仲係蟲仔時，常常愛訓，個段時間真係好舒服，哈哈，而家是個愛哭的小女孩，不過沒所謂吧，我.....已經習慣了，哈哈哈哈哈！ 生日願望係希望你身體健康，同家姐相親相愛，乖巧伶俐，錫錫爸媽，快D訓好D等我地有覺好訓呀，哈哈哈！

party 花絮.....真係無咩心思搞架啦，哈哈，應該下年都吾會搞，因為真係花盡腦汁同時間，我都吾想煩。 今年有9個toddler, 4個BB，所以要考慮下有咩比佢地玩，亮點係，我地買左個bounce house比呢班monster入去，一來kill下佢地energy, 二來我地D大人又吾駛擔心佢地走來走去，good buy! 雖然吾平，但呢邊天氣咁凍，有時係屋企比兩隻馬騮玩下都OK呀，嘻嘻，小朋友大愛呀，佢地真係係入面差不多成日，我地大人就吾駛點理佢地，嘻嘻嘻！ 

多謝各方好友來見證呢隻豬如何由隻豬變做monster, 嘻嘻！ love you all 

呢班BB，5月Hannah生日仲訓哂係度，而家坐哂係度啦，哈哈哈

sesame street theme ice cream cake 

好難影既4人合照

Thank you all for coming 

佢真係勁吾似我，哈哈

don今次終於吾怕我整跌CD啦 :P

亮點close up, 嘻嘻嘻

呢隻豬都玩到癲左

好掛住你地呀！

嘩，成個幾星期都無 update 過啦，好唔尋常呀，不過呢排真係極忙，office 又係，而屋企更什，唉，點解？咪又係因為兩隻魔怪係咁病，搞到我地都無停手，真係陰功！ 再加上我之前 gmail 爆左，mr wu 幫我delete 哂d 相連帶我之前post 係 blog d 相都無哂，我個心痛到呢。。。。。。 我唔係無哂d 相，但要我一張張咁揾出來再post 就真係 mission impossible,  唉， 唯有而家開始努力d 啦！ 

Anyway,  仲有幾日就係妹妹既生日party 啦，嘩，咁快就一年，真係唔講唔覺， 本來決定以後都唔係屋企搞 party,  點知出面租地方又唔平，仲要得唔夠兩個鐘就 usd$700 袋袋平安然。所以我地決定就算花 $500 係屋企都起碼舒服d,  呢排所以超忙，又要搞party favor,.又要搞 decor,  又要為妹妹買新衫，好多野做呀！而家晚晚都搞到成 11 點先有得休息，但訓訓下妹妹就會喊醒，真係勁辛苦呀！雖然明知呢個係phase,  但希望會快 d 過啦， 無覺好訓第二日又返工會癲架！  今次未有相片住，希望今個weekend d 小朋友玩得開心啦，嘻嘻！

2014 哈佬喂

2014 halloween 咁又過左啦， 不過今年特別d 因為hannah 開始返學，而佢學校就有個 halloween party,  嘻嘻， 好得意呀！我個日drop off 佢返學， 已經見到個個 dress up 哂， 我都拿拿臨幫佢著番套 costume.   本來我買左套 despicable me 既 minion 佢著， 點知佢唔肯著呀， 見屋企有個back up strawberry costume 就用左佢算啦。  學校未有相比我， 我自己影左少少咋。  不過可能因為天氣關係， trick or treat 完hannah 就開始發燒，仲唔點肯食野，無計啦，我又比人話啦，唉！ anyway,  妹妹今年都係著番 hannah 上年個套， 個個都買，真係會破產呀！ 你地既 halloween 又點過呀？ 

1st pumpkin patch

第一次pumpkin patch, 我覺得幾好玩呀，同埋星期六個日天氣一流呀，正正正！！ 去相啦，吾講咁多，哈哈！


btw, 爸爸大機影出來D相真係同電話個D差好遠呀！

雜炒

多謝大家仲有留意我個blog 呀， 以前我係 office 打 blog 都不知幾爽，自同事離職後，我workload 真係 double,  日日都要開 ot,  99 雖然講過話咁樣唔得，小朋友仲細既偉論，但我都係打份工，可以點？ 再加上兩個寶貝早排一齊病，而我都比感染，個刻都不知幾辛苦呢，但無亞媽幫手就係咁，而99 weekend 都唔要出手幫我地(幫都幫樓下殘障), 所以真係忙到無停手，好彩地揾到個人幫手打理屋企，下星期開工，就算來清潔一下，我都已經少左d 野做， 湊住兩個化骨龍真係唔係路， 我累c 了！！！！！！我係呢邊有無姑媽，不過都唔係成日聯絡，有時同佢講好忙，佢都唔會話想過來幫下我之類，算吧，亞爸個邊d 人都係怪怪的。 妹妹就一歲，我又係時候要搞 party 呀，咁忙既時候都唔知點算，唉！ 而早排99 又問幾時介人奶，其實我個 goal 係一歲，但佢就話妹妹好瘦，應該飲下奶粉，我唔明囉，其實佢瘦唔瘦唔關人奶事，佢本身吸收得唔多咪咁囉，唉，好煩，點解咩都係關我事？我自己要堅持已經好努力，唔support 我就算，唔需要係度咁講，好 discourage.... 希望可以 keep 到一歲啦，仲有一個月，應該ok 吧！！！加油！！！

hannah 學校

返學後既 hannah 我覺得識多左野，但就比以前難纏d,  不過都唔係纏我，哈哈！ anyway,  近排有轉校感覺，因為覺得呢間學校成日都唔同家長溝通，有時見 hannah 唔開心，問佢佢就話比老師罰，雖然唔知真or 假，但我都想知學校發生咩事，但佢地次次都話好乖呀，無野wor..等等，所以唔太中意。感覺太表面了，我唔怕 hannah 唔慣，佢適應能力ok,  所以如果轉校都應該ok 既， 而家等緊第二間學校消息，希望有位啦！

Hannah 1st習作

話就話係習作，但睇上去都知吾係Hannah貼，邊有咁叻，哈哈！ 不過呢份係佢第一次既習作，一定會留為記念，等佢大個比佢睇番就知，哈哈！

係咪靚到dum一聲，哈哈哈哈哈！

玩自拍，得左，yeah! 

又病

近日真係十分忙碌，除左工作上因為同事離職但老細又吾會請多個人之外，另一個同事又話下星期vacation, 真係吾知好嬲定好笑，明知咁忙都要話去vacation, 真係會做C我呀！ 上星期都開左幾日OT，我99話咁樣吾得wor, D小朋友仲咁細，點可以OT， 我心諗原來到我選擇咩？ 我老細知道我吾可以留太耐，佢都吾好意思，但工作起上來真係無得選擇，況且而家所有workload都係我身上，真係十分困身呢！唉，為左錢，唯有頂硬上，雖然佢地加左我人工，但真係吾夠架，特別係我而家一腳踢，真係十分十分地辛苦！ 本來想係weekend休息下，當然啦，weekend仲邊有得休息，加上兩位小姐又病病，一個咳到嘔奶，一個就咳到嘔肺，打比醫生都話無藥可以食，唯有吾好比生冷野佢地食啦，唉！ 佢地一病，你地都估到我係點啦，首先係照顧佢地已經頭痛，到第二日連我都病埋，真係好討厭呀！！！！！！ 可惜而家weekend已經無得再休息，想清潔下屋企都要趁佢地訓哂先OK，今個weekend真係身心疲累呀，無其他人幫手係咁架啦，真係好想請個人來幫手，at least clean up下都好呀！希望病魔真係快D遠離我地啦！

訓成咁，點會吾凍親？？ 不過一put blanket就會醒同踢開，真係吹佢吾脹！

呢隻豬因為咳訓得好差，搞到我都無得訓，慘！

如果我無寫blog好耐，吾好覺得奇怪，係因為我係office真係忙左好多好多，唯一既時間寫都無左，好想喊呀!!! 

一星期返學後.....

經過一星期返半日學後，Hannah B都大致上習慣左，仲算係識到新朋友tim.   其實呢間學校好詭異，我除左去參觀同同Hannah第一日去返學入過課室後，其他時間都未入過去，就算我99去接返學放學，都係係門口同老師講，之後老師就由課室帶Hannah出來門口接，真係好神秘呀，你知啦，作為亞媽，緊係想知道佢地係入面既情況，就算吾入去都想係門口裝下呀，但可惜我連入課室門口都難，唯有叫個度D老師影相比我睇下啦。雖然得一張相，但都夠我望梅止渴了，嘻嘻！ 今朝出門口落99度，佢更加話要返學，真係難得了，哈哈！ 到時有功課做睇下會吾會咁中意學校，哈哈哈哈哈！ 

飲水時間，好得意呢見到咁多小朋友一齊飲，嘻嘻

萬聖節服裝??

工作上實在太忙，無時間寫blog呀，嗚嗚！ 我既妹妹10個月仲未有機會寫，慘慘，不過其實無咩特別，skip左佢就算啦，哈哈哈！ 上星期比佢兩隻馬騮玩，點知就發生左......

妹妹，好慘呀！ 

呢個look可以用來做halloween costume? 做海盜都吾錯，哈哈哈

第一次返學

今日10月1號，係我屋企隻 hannah 豬第一次返學。 未去之前都好calm,  好淡定，湊佢返學之前已經洗哂腦，話返學好好玩，好多小朋友一齊學野，搭車個陣仲好好奇tim,  一去到，見到老師都無咩野，仲叫老師morning,  入到課室，可能見到另一個小朋友喊，所以佢開始驚，係咁抱實我，好好奇係咩地方，不過點解釋都好，佢開始狂喊，但我又唔可以留係度，唯有忍心d,  有個老師抱起佢我就快快地走，唉！我個心真係酸哂，但無辦法呀！之後11 點左右打比老師問佢hannah 點，佢就話我走左之後就喊左成半個鐘，食少少野，不過緊張一濟癩尿，醜怪，好彩今日係半日咋，如果唔係都唔知會點，不過我相信佢地會handle 度既，始終辦學校嘛，同埋hannah 喊都好正常， 希望明天會好d啦。 

Hannah b,  加油！！！

生日後記

嘻嘻，今年有兩個蛋糕吃呀，分別係公司既雪糕蛋糕同我request老公買既綠茶蛋糕。  雖然生日正日係屋企都做到無停手，但係下午既時候take左成兩個鐘nap...真係爽到震！ 而星期四＆星期五都分別係屋企休息（當然係無小朋友先休到啦），分別都nap左兩個鐘，真係好耐未試過咁精神啦，哈哈哈哈哈！ 原來有nap既時候真係好大分別，如果office下午比小睡半小時都已經夠好了，呵呵！  呢兩個nap真係算係一份好好既生日禮物，本身已經累到不得了，休息了兩日真係好大分別呀！ 雖然無生日禮物，但同我至愛既寶貝一起慶祝已經好開心了！ 

雪糕蛋糕好好味呀！！！(from office)

 媽媽，今日你先16？ 咁我呢？？？ 

媽媽，生日快樂呀，錫錫！！！！！

老公送既green tea cake, 好light, 好味

忙到癲的weekend

呢排真係忙到人都癲，weekend連續去左兩日party, 我同爸爸都散了！ 不過見到佢地玩得開心我諗都值既，嘻嘻！ 星期六有個朋友既女兩歲大生日，我地就去左玩玩，嘩，人地個backyard大到.....放得落個大slide and swing, 仲有租左個bounce house之餘，仲有地方比D小朋友走，羨慕到爆，不過要我打理又另一回事，所以都係考慮下搬吾搬啦....雖然Hannah都好似無點同其他小朋友interact, 但見佢自己玩都玩得好開心呢，嘻嘻！

之後星期日去左同事既party, 雖然無咩小朋友，但Hannah都好開心呀，不過妹妹就........勁cranky, 係都要我抱，抱到我手軟呀！ 以後都係吾好一次過連續兩日去party啦....真係癲左！！！！！！！！！！！！！！！！

生日快樂

祝我生日快樂
祝我生日快樂
祝我生日快樂
祝我生日快樂

今日又大一歲啦，嘻嘻嘻，問我幾多歲？咪年年16囉，嘩哈哈哈哈！ 呢排都幾忙，因為工作上有個同事離職，要pick up番佢做落既野，雖然吾係大不了，但對我來講都有影響，你知啦，平時我係office寫blog, 好得閒架ma, 真係影響什深呢，加上今日開始請3日假休息/hea...所以迫哂所有野係放假前呀！ 本來諗住今日生日休息，但工作又未做哂，所以要work from home搞埋先，算啦，受人錢財提人消災，都吾係咁差既。 anyway, 做野先，希望我有個愉快既生日，嘻嘻！

怪獸

有怪獸家長自然有個怪獸家庭啦！ 講真，我講佢地都講到煩，但有D野真係有時不吐不快呀！ 好似呢期，cousin姐姐晚晚都話我吾拎埋佢碗飯同叉，我真係比佢吹X脹，佢自己已經6歲幾，自己拎野已經吾係一個問題，仲要我去服侍佢，真係開玩笑嗎？ 我日日放工去湊兩個女已經好累了，佢吾幫手不特止仲要take it for granted, 係，我99可能spoil慣佢，但係我字典入面我無必要要spoil佢囉，真係好黑我憎！如果個個係我個女，我一定炳到佢一鑊金，邊有可能有個咁既人架？ 就算係公主病都吾好叫我去服侍囉，低能！ 最大問題係佢老母日日都係度，都吾會話佢，只係顧住自己餵個仔，跟住食完就坐係梳化等運到，呢D咁既人，真係good luck呀！吾知幾時先可以離開呢個鬼地方，但真係見到佢地就憎呀！ 我決定以後都吾會幫佢地拎飯，有咩就自己拎啦，PK！