倒數階段

今個星期已經36週啦，即係仲有大約一個月妹妹就出世啦！對我來講應該係好事，因為陀到後期真係好心力交瘁，一來係自己腰痛，二來係大公主晚晚既喊聲嘈醒，又點有可能有息好休呢？ 雖然我知道老公已經好盡力比我去休息，但始終自己係亞媽，聽到Hannah BB喊我又點忍心吾理呢？ 今日去見完醫生，又重左幾磅，唉，有無搞錯架？ 我已經好少好少食野，生完之後真係要減肥呀！ 37週就full term, 即係隨時可以生架啦，希望細B努力加油，比媽媽舒服地生產啦！ 

今個星期係我既baby shower, 不過講真，我真係將所有野搞到最minimum...因為真係好好好累！ 野食方面，同老公傾過，佢話寧願出去cater好過自己整，始終佢係想錫住我，吾想我太辛苦，我明白！ 所以我要做既野都係搞下decor 同party favor....其實呢兩樣野可有可無，不過既然要搞，就搞少少啦....party favor都係打算買D candy咋，我都懶到花咁多錢搞咁多花臣啦！ 其實都吾係有太多人，大部份都係自己屋企人，同埋少量朋友，是但啦，我都吾要求得太多，當係一個party請人返來玩下就算啦！

奉上Hannah BB近照一張，郁來郁去真係好難capture到呀！

cousin姐姐之前比人complain成日玩頭髮，所以比人剪左個冬菇頭，哈哈！ 好慘呀！

好嬲好嬲好嬲

本來已經吾夠訓，比屋企個公主晚晚三更半夜叫醒，雖然老公已經陪訓，但佢都吾知足，你想點呀？？？？？？ 琴晚比我話又打，大肚婆脾氣係臭D架啦，不過亞女，都係你衰先，吾好怪我無情呀！！！！！！！！！！！！ 

之後，上次係toysrus買野（已經係9月既事），叫佢地two days shipping, 點知ship ship下無左影，連我D錢都無埋，已經興架啦，打過電話去無數次，又話等7至10日就會credit比我，我頂，等左成個月都無哂影，上星期又打去，佢話會係幾個鐘之後credit比我，我仲以為搞掂啦，點知D鬼做野真係好吾掂，咁又等左一個星期，今日再打去，佢話叫我等多48小時，我就同佢講，listen, 我已經好有耐性咁等，但係呢個issue已經搞左成個幾月，你地無拿拿cancel我個order又吾通知我，跟住我又打左十萬8千個電話比你地，你地又搞吾掂，我要係今日之內拎番我D錢，我吾想再等，次次打去又要浪費我成half an hour時間，我D時間好寶貴架！！！！！！！ 佢地吾好彩，我今日真係興到火屎，吾夠訓又無精神，仲要我等，no way! 吾怪得而家D business咁差，佢地D customer service簡直不知所謂呀！ 吾好以為大公司就會有好既customer service, 完全係自欺欺人呀！真係好嬲好嬲好嬲，美國經濟咁差都係多得呢班好食懶飛既人咋，哼！！！！！！！！！！！！！！ 好耐無試過咁嬲！！！！！！！！！！！！！！！！！

腰酸背痛

仲有大約一個月咋，心情一般啦，不過呢排訓得好差好差，一訓落床就腰酸背痛，夜晚都會訓訓下痛醒，唉，陀B真係吾容易。 上胎雖然都會痛，但有用枕頭郎住又OK， 但今次真係吾得，有時痛到要坐起身咁訓，真係好痛苦呀！ 不過捱左咁耐，仲有一個月左右，真係要加油呀！ 

下個星期六亞媽就來，到時可以休息多D，同埋佢會煮多D野比我食。 點都好，自己亞媽點都係好D既，講句野都明白D，就算吾中意佢做既野，我都可以bilibala講出來，哈哈，屋企人，無問題！ 以前同亞媽住時，成日都嗌交，但而家因為吾係成日見面，反而無咁多問題，一齊住真係有好有吾好呀！ 不過我都決定，等佢來既時候，等我休息一下，雖然未必可以有機會好好訓一覺（因為back pain問題），但我都想spend D時間同父母一齊，畢竟一年先見一次，有時呢D野真係要好好珍惜呀！ 

天氣開始寒涼，又係時候致新衫，哈哈！ hannah BB好少衫，因為我都好少買，但呢班真係係咁買，因為再吾買，佢真係無冬天衫著呀！ 不過， shopping能醫百病，雖然不能出去shopping, 但online shop一樣咁爽，哈哈！ 大D有兩個女陪我shopping, 仲爽呀！！！！ （不過銀包一定吾爽，哈哈！） 

好難train到Hannah自己訓，因為一來我地會好累（晚晚三點幾都無得訓好慘！），二來佢真係中意人地陪。好似琴晚咁，我同佢訓，不過我自己就痛醒左，佢仲訓緊，到左3點幾，佢又叫，我就同佢講媽媽係度，吾駛驚，拍左兩下，佢就訓左，不過我就無得訓lu....算啦，做媽媽既，只要個女訓得好，我都無complain啦！希望今晚我有覺好訓啦！

又傳染

呢幾日Hannah BB又比人傳染，搞到流哂鼻水，唉！ 點解我個女成日都病架？ 莫非似我？ 吾好搞啦.....其實我又無得怪人既，我自己吾可以係屋企湊住個女，而99又要湊埋cousin哥哥，佢一病都知道會拿野, 唯有咁諗既係，佢遲下返學咪仲多菌，呢D算少事啦...我都係咁樣安慰老公，雖然我地緊係吾想佢病啦，但只可以諗小病是福，希望流鼻快快遠離！ 

距離仲有一個月左右就要生產啦，心情當然係緊張，但當一諗到其實痛都只不過係短暫個幾十個小時，到生完湊住佢地，raise up佢地，個D辛酸係成世，咁咪仲長...!!!所以，我吾理啦，括出去，痛就由佢啦！ 亞媽將會係下星期過來幫手，嘩，真係等到頸都長呀！ 我明白佢又要照顧我家姐個仔，又要照顧我亞爸，真係分吾到身，我當然想佢過來幫我手啦，但我又吾可以咁自私，唉，如果係同一個地方你話幾好....算啦，認命吧！ 因為佢黎既時候已經係11月頭，所以我怕煲吾切薑醋，99就幫我整薑煲....琴晚係第一晚煲，上一次覺得好臭，今次又有D期待，哈哈，快架啦，坐月日日有得食呀放心，哈哈哈！！！！！！ 

又8下人地野先，琴晚成晚見人地亞媽係咁教女，8下發生咩事，原來cousin姐姐上堂成日吾專心，成日玩頭髮，又搞到其他同學都吾專心，老師就contact 佢個父母，同佢地講。 我吾知cousin姐姐點解會咁，不過佢愈大就好似愈反叛， 以前我老公話佢，佢都會識驚，而家....大大聲喝你到仲得，而99話佢返學就係用D咁既態度對同學同老師， 莫非真係愈大愈難教？雖然我吾知係咪因為佢由細到大都比人縱壞，而係99面前更加得寸進尺，因為佢知道99吾會吾理佢，佢就當係一個避風塘，有咩事就會去99度，所以.....真係好難教！ 我個女未去到呢個階段，所以我吾知將來會係點，但如果我由細教到個女大，同佢傾計，令佢明白，咁樣會吾會好D呢？ 希望將來我吾駛教女教到咁嘔血啦！！！

自食其力

吾知幾時開始，Hannah BB吾中意我地餵，要自己食，好彩既就吾用手啦，吾好彩既真係成頭都係呀，次次餵佢食野就好似打仗一樣，周地都係，成身都係，真係多得佢吾少呀，不過見到佢自己肯拎隻匙去食野，我又覺得好安慰。 其實雖然我成日話老公家人的不是，但我知道我99教識Hannah好多野，好似potty train, 教佢生字..等等，我係一個好公平既人，雖然佢有時做既野好難頂，但如果佢對我個女好既，我都會好appreciate.  同過亞媽講同佢地既關係，佢叫我搬開住，但我又明白而家咁樣真係好方便，一上一落就得，同埋佢又煮埋我地飯，我都無得點complain啦。 雖然佢始終都係錫第二個多D， 但我無得控制，同埋，有時老公既執著真係好難頂，不過都係99生既，咁比99受番啦，哈哈！ 就算搬，我都起碼等到我既小朋友返學先，到時我就吾需要佢幫我湊，我可以自己搞掂！ （最ideal就係咁，現實就要遲D先知啦！）

 有人換片都要玩，哈哈

獻上hannah BB自己食野，嘻嘻，雖然多數都係用手，但都算係咁架啦.....

媽媽 VS Hannah BB

係yahoo blog度，之前post過我以前既一張相同Hannah BB，個陣覺得都吾似既，而家比99剪左個新髮型，簡直見到佢好似見到自己一樣，駛吾駛咁神似呀！！！！！！！！

呢張係之前係yahoo blog post過既，個陣可能太細個仲未係好似

呢張係前幾日影既，呢個角度我都覺得激似，連我屋企人都話超似呀！

34 weeks

呢幾晚無拿拿個肚會拿住痛，好似M痛咁，但又吾係好利害。之前第一胎既時候都有呢D痛，不過已經吾記得幾時發生了。肚痛+腰痛真係搞到我訓吾到，三點幾已經醒左，之後就去左搵個女訓，點知搞搞下隻腳無拿拿抽筋，真係攞命呀！ 搞到我今朝真係吾想起身，想係咁訓落去....唉，第二胎真係幾辛苦，要照顧小朋友之餘仲要照顧自己既病痛。仲有六星期到咋，今日去見醫生同佢講，佢叫我休息多D，同埋腳部按摩下...其實我都知，但無奈一日只有24小時，真係想休息都幾難呀！

近日好搞笑，我上次係old navy買左D衫比Hannah, 有一件係綠色既，吾知係咩原因，次次拎出來，佢都吾肯著，係佢吾中意隻色呀，定係咩呢？細細個就咁picky, 大個D都吾知點算......睇來我下次買衫，都要同埋佢去先得啦！ 

又到weekend啦，希望大家有個愉快既週末 

唱歌仔

呢排成日見Hannah係度口嗡嗡，以為佢係度做咩，原來佢唱歌仔呀，好好好得意!!! 有時食飯前無咩好做，我地就同佢一齊唱歌歌，我地唱head, shoulder, knees and toes...佢又會一齊做手勢，雖然未係好準確，但都覺得超得意！ 唱if you are happy and you know it, 佢就會拍手手，嘻嘻嘻， 好搞笑。 等我下次有機會video比大家睇啦！ 見到咁既情況，就想像佢大個讀幼稚園個陣，一定有D christmas show, 到時佢就會吾知扮咩，同小朋友一齊唱歌歌，呢個感覺.....真係好期待


potty train進度OK啦，其實都係我99幫我湊，所以佢有無potty train我都吾知架，聽佢講有時poo poo就會有樣睇，咁我都見到既，不過佢成日都便秘，出來既poo poo真係又長又硬，佢會一路poo一路喊，好慘！問過醫生又話比佢試下先，或者食多D菜呀，果汁呀令佢既poo poo無咁硬，如果吾係就要拮pat pat啦，我吾想咁囉，因為吾想佢慣左用野幫助，除左咁仲有咩辦法呢？  而pee pee, 我99話有時食完奶隔一個鐘叫佢去廁所，佢就會pee pee到，所以佢話有時都吾用片片喎...我吾清楚呀，佢幫我train我就要信佢啦，反正我自己係屋企既時候我點都會幫佢用片片既....費時有accident發生要我善後，哈哈！ 

我地有時同Hannah BB係99度等食飯，發覺cousin哥哥都吾會同人玩，好似我地上次一齊唱歌歌，Hannah BB同cousin姐姐都玩得好開心，但cousin哥哥好似無反應咁，搞搞下自己坐埋一邊玩玩具......我之後返屋企同老公講，話佢係咪有少少自閉？ 點解咁講？因為我同事個niece都係有自閉，佢都係吾會同人講野，自己坐埋一邊玩，我老公話我痴線，點會....但我只不過覺得好奇怪，因為有邊個小朋友吾中意同小朋友一齊玩？ 而佢只會同玩具做朋友？ 我當然吾會同人地父母講啦，人地父母覺得無問題咪得囉，我只不過係覺得佢再係咁落去吾知會點。 我當然吾係詛佢啦，我自問都吾係成日見到佢，只不過有時見佢，又吾出聲，又吾同人玩，比平常既小朋友有D分別，希望佢只不過係有少少delay speech啦，而吾係咁嚴重啦！ 上次4大長老同佢佢check up, 醫生就話佢可能成日都睇電視所以個腦轉吾到，不過我見親佢，佢一見到電視開左呀，電話video呀就會目不轉睛，真係好鬼focus架！ 希望cut down電視之後會有好轉啦！ 

週末狂熱

而家既星期六日，當然都係以Hannah BB為主角啦！本來星期六打算去grocery shopping, 但最後都無去，因為我地晚上要六點鐘去朋友生日dinner。 早上我地就去左附近食brunch, 平時既我好少吾煮比Hannah BB食，但見佢個日同我地食brunch時都食左好多野，pancake呀，home fries呀， ham呀.....所以我都覺得佢好飽，無謂浪費我D心思啦，而且我煮既野，來來去去都係個幾樣，我自己都覺得悶，所以Hannah有時食下鬼佬野都係好既。 因為佢星期六訓到成9點，我地就推遲佢nap time到一點幾，好彩都訓左一陣，之後就食埋第二餐出發！ 準時六點去到餐館，不過好可惜係一間日本餐廳，我都無機會食好野呀，黎黎去去都係個幾條roll,真係悶爆！ 不過好彩，有另一個大肚婆同我一樣，嘻嘻，咁我都無咁慘！！！ 大肚婆朋友一樣，都係有個差不多大既小朋友，我地兩個小朋友就當然一齊玩啦！ Hannah都幾貪玩，以為佢係一個女仔會比較斯文，點知都吾係架，佢可以玩得好癲呀！ 

星期日一早又起身，想訓多陣都吾得，老公又話佢night shift要我湊女，唉，無計啦！ 而家晚晚大小姐都3:30am準時叫我地起身，好似提我要去尿尿咁，一醒左又吾係咁易訓到架啦，所以有時碌碌下又要起身啦，慘！ 吾知做咩野，星期日個日Hannah BB成日都吾訓，莫非D奶有caffine??? 本來佢平時都會係一點鐘度訓起碼一個鐘，星期日個日真係完全吾訓，激到我比老公湊，我自己入房訓，諗住老公會搞到佢訓，點知我起身佢都未訓，真係嘛親我呀，因為由朝早8點幾到下午都未訓過，係咪咁利害？？？好彩既係，我5點幾比枝奶佢，佢就一飲完就訓左lu...我諗我地放電都幾失敗，次次放完，佢都仲係好多電，而我地就.........

Halloween就快到，大家會吾會幫BB玩costume呢？ 我地就打算買個pumpkin既costume比Hannah BB著，希望到時好玩啦！ 呢邊會同D小朋友去trick or treat, 不過都試過有D大朋友（十幾歲個D）扔雞蛋，有一年試過搭巴士既時候有條友扔雞蛋落架巴士到，好無聊，對我來說無所謂，但有咩咁好玩呢？？ 我自己本身就對halloween一般，我只係想帶Hannah BB去玩下架咋，希望天氣會好啦！

養不教，父之過？

早排講開樓下個家人去旅行，留低兩個仔女比6299湊，佢地個女5歲，見到佢呢排都係咁有好多bad behavior, 真係令人覺得可恥，其中一個就係，我地去佢屋企玩，我地叫佢吾好走來走去呀，坐係個電視隔離呀，佢就會駁話，this is my home....i don't care...(呢間係我屋企,我吾駛你理！） 跟住講D佢吾岩聽既野，就會話，i'll call the police (我會打比差人），i'll punch you in your face (我會打你塊面），最嚴重既係，i'll make you bleed..(我會令你流血）。 我第一次聽既時候真係突哂隻眼呀，我想像不到而家D5歲小朋友會講D咁既野，真係好得人驚，定係我個女未到咁既年齡所以我未認識呢？ 我吾係想講人地既不是，就算佢吾係我地個niece, 我都覺得，嘩，咁細個就學識講D咁既野，幾時講到大。 或者佢既bad behavior係想拎我地既attention, 但我覺得好恐怖，搞到我都有少少怕左佢。 身教係咪真係好重要？ 我覺得係....有時我做D動作，好似Hannah咁細個都會學，雖然我都吾係做D衰野，但小朋友就當我地係hero咁，佢見我地做到既野佢就好好奇又要想做，所以我地作為父母就係要小心言行，無謂影響下一代呀！

搬blog

終於算係完成左搬blog啦，開頭仲以為好難，睇到blog友成篇野真係睇到頭痛，好彩而家差不多要比哂D野人做，我無咩做咁就係office搬，又可能而家yahoo無咁多人搬，所以download條link真係5分鐘就搞掂...而家搬哂過來，下一步係搬相，雖然肚B媽係blog度有埋圖，但吾知點解去到find image then replace by個個step就stuck左，佢話無image喎.....係咪我整錯左呢？ 吾該大家幫幫我啦！ thanks!!!

33週

嘩，仲有大約個多月就做第二任媽媽啦，希望所有野都順利啦！ 雖然而家都依然係最專注係Hannah BB身上，但好怕到時生左之後，無時間理會Hannah BB佢會吾開心呀，唉...希望佢會明白，同埋會同妹妹玩得埋啦！ 

亞媽會係11月頭過來幫手，到時我就應該有覺好訓啦，哈哈！ 起碼夜晚有咩事都有亞媽幫下，我就舒服D...世上只有媽媽好係無錯架！ 而佢過來既時候我就會搞我個baby shower. 雖然只不過係一個好簡單好簡單既baby shower party, 請既人數都有限，但老公話幫Hannah 搞吾幫第二個搞又吾係咁好，咁就是但啦！ 都係請D最close既朋友，其他個D....都算吧！ 吾知香港興吾興，但呢邊搞親D咩都係有registry, 即係將你想要既野放入個registry, 到時你朋友search你個名就會搵到你個list, 就會係個list到買野比你！ 其實咁都好，吾駛自己煩，我就係Amazon整左過，search我個名就得啦！我第一日比左個registry個同事，佢就立即買左兩樣野比我，仲已經收到，真係好多謝佢呀！ 佢對我個女好到真係無朋友，聖誕呀，生日呀，等等...都會送禮物比佢....Hannah BB真係幸福呀！

而家個肚真係好鬼脹，其實行路已經吾太方便，加上subway要上上落落，有時真係好鬼累！ 好彩係subway上都有人讓座，不過記得有次架車滿，有個唐人男人好心讓座比我，點知隔離個個印度人一下吾該就坐左，仲要係咁同佢個朋友傾計....呢D人真係......不過算啦，我無計較既....

雖然話就話第二胎有生B經驗，但係到而家我都仲擔心到時會點架，可能上胎生時吾知會點痛發，所以無得點expect, 到第二個，知道會點既情況，真係有D怕會好痛好痛...不過如果有睇開我個blog既人都知，我上胎係無用過任何無痛既情況下，仲要去到醫院時已經開哂要立即入產房，可能因為無咩時間比我諗，所以好快手就生左個B出來，但到第二個...係咪真係如其他人咁諗會容易D生呢？ 我都希望係呀，要再一次忍受呢種痛楚又真係幾得人驚既....希望細B都好似家姐咁錫媽媽，會乖乖咁快手出世啦！ 我自己既經驗就係，breathing同distraction真係好重要，吾好諗住自己點痛點痛，做下其他野就會好好多，一痛時就breathing in and out, 我覺得真係好有用，希望今次都用呢招來過關啦，哈哈哈！

2014最新髮型

今朝起身笑到我肚痛同流眼水，哈哈........

媽媽，我既最新髮型，靚吾靚呀？

回復正常

經過了抗戰個多星期，Hannah BB終於都回復正常啦！雖然都仲未係食到好多野，但起碼吾駛24小時陪訓同抱，個陣真係抱到手軟腳軟呀！ 星期六我地就同佢去park park玩，雖然都仲未係recover好哂，但見有得玩就即刻生蜢哂，連亞媽係邊都吾知，哈哈！ 不過我地作為亞媽，真係寧願佢地走來走去都好過要24小時服侍！

我發覺自病完之後，佢又去左另一個階段，原來佢靜雞雞已經識發好多音，以前教佢波波都係跟住我地講，而家問佢， B for 咩呀，佢會答波波，哈哈，好得意！ 佢又識講Apple，指住對socks叫勿勿，叫cousin哥哥做哥哥，真係錫哂你呀！ 不過琴晚佢抓爸爸，爸爸一句no佢就含住D眼淚仲要怕怕咁望下爸爸，個刻真係又覺得好笑，又覺得可憐.....呢個楚楚可憐樣，同佢細個時一模一樣！ 希望大個吾好引C哂D男人啦，哈哈！

呢張係佢細個既時候影既，之前post過係yahoo blog, 而家再post係因為同琴晚個樣好似呀！ 

而琴晚臨訓前，而家係由爸爸負責，爸爸會唱有隻雀仔跌落水，而Hannah BB就會跟住一齊唱，雖然吾係好有個音樂係度，但個節拍係個隻歌，哈哈，真係好好好得意呀！

朝早起身見到佢，睡姿十分優美，哈哈 

星期日晚上，約左一班NYC9去打邊爐。多謝lala準備哂所有野，佢真係好利害，一手包辦哂所有野食同clean up, 令我地呢班帶住小朋友既C9可以worry free咁去enjoy, 不過既然有小朋友，當然都無得點食架啦，哈哈，不過我都慣左同老公輪班，大家輪流食，無計！Hannah BB就玩得好開心呀，我地有成5個小朋友，Hannah BB係最細個個，雖然未係好玩得埋，但見到咁多小朋友佢都開心既。其實我想佢同多D小朋友見面同玩，到佢返學時就無咁怕啦！ 希望下次再有咁既機會同BB出去見下世面啦！ Thank you again Angela! 

呢張相個個都望鏡頭（包括小朋友），好勁呀！！！

有無搞錯？

上篇講左佢兩公婆出外旅遊，留低兩對仔女比我99湊，點知最震撼既係，原來佢兩對仔女星期六要去check up, 要4大長老（4個grandparents)同佢地兩個小朋友去，陰功！ 好心啦，明知佢地要check up既，一係就postpone佢地個check up, 一係就postpone你自己個trip, 有咩理由要4個老人家同孫去見醫生架？ 你作為父母係咪真係可以比少少責任心呢？？？？？？？ 雖然吾係咩大不了，都係打針咁樣，但係，我覺得作為父母連呢D少少既時間都比吾到小朋友，咁點解仲要咁呢？ 我吾覺得去旅行去玩係大哂，你而家犧牲幾年既時間陪佢地，到佢地大D你想佢痴住都無可能呀，唉.....我係覺得佢兩個小朋友慘咋！ 再加上係，cousin哥哥打完針針發燒，呢D時間又係邊個照顧？ 原來又係99.....唉.....我好明白湊住一個病既小朋友有幾辛苦，晚上聽見cousin哥哥喊左好多次，我戥99慘之餘又覺得呢對父母真係好不知所謂！ 雖然係人地既事，但我又吾想放係心入面，同老公更加吾會講，咁唯有係呢度訴下我的不滿啦！ 

抗戰後記

雖然抗戰左96小時，但其實之後既個幾日我地都無休息過，因為Hannah BB都仲係吾舒服。 醫生係就係配左D藥比Hannah BB食，但我地又吾想成日餵藥，同埋佢地個D藥都係止痛，吾會好番架，所以我地就盡量比D凍少少既野佢食，等佢口入面既菲滋好番先啦！ 唉，呢幾晚訓都係晚晚責醒，吾知係咪痛既原因定係吾舒服，係咁喊，唉...有一晚12點醒左成三點先訓....陰功呀！ 佢而家吾止係口入面生菲滋，連佢耳珠下面都比佢整損哂，好似infected左，吾知係痕定點，不停幫佢查消炎藥膏都無點好轉，希望佢會快D好番啦.....呢個星期真係擔心到喊左幾次，見佢咁樣真係超級勁心痛，抱起佢就已經知道佢輕左好多，呀...真係好好好心痛呀！！！！！！！！！！！！！！！！！！！ 

後面仲爛呀，不過好難影到....慘！

不過要讚既係，多謝老公既愛護，因為佢而家夜晚做左湊B公，我先可以有覺好訓咋。雖然BB喊我都會醒，但起碼佢會自動自覺去睇下抱下，吾會踢我去，咁我已經好心滿意足啦！ 可能佢見我呢排精神好差，戥我辛苦啦！ 

又8下人地野，前日樓下兩公婆無拿拿話去旅行，好似去十日喎，我開頭聽99講話佢地婆婆幫手湊，點知琴日返到屋企，咪又係我99湊，真係湊足24小時，陰功！ 我自問就無咁既心丟低我個女去旅行咁多日，仲要成日話無錢無錢，早排先去完cruise, 而家又去歐遊，邊有父母做得咁爽架？ 我就真係好耐無去過旅行，一來大住個肚吾方便，二來真係無多餘錢呀！ 算啦算啦，吾恨得咁多，有人又肯幫佢地湊，佢地又吾會吾捨得咁咪得囉。 琴日cousin姐姐喊，話好掛住爸爸....唉，見到咁既情形，真係心酸呀！ 

安排

呢排可能比Hannah BB搞到無覺好訓，先至諗到如果生完第二個之後點算好？ 而家先識驚，因為可能而家佢晚晚訓覺都好差，真係無哂睡眠時間，到有兩個既時候，想take a break真係幾難呀！ 妹妹初出世都仲OK，到妹妹大約一歲到，Hannah BB已經兩歲多...希望到時佢會識照顧到自己啦！ 其實最重要係佢識講野，咁我地起碼自己佢發生咩事呀！ 琴日一個鐘頭喊醒一次，吾知係口痛定咩野，唉，真係好陰功（大人同小朋友都係），又吾知有咩方法幫佢，希望佢D菲滋快快好番，我想見番健康既Hannah BB呀！ 

其實我好想我亞媽可以留低幾年幫我手，到佢地大D返學就應該好好多。 不過我都明白我亞媽要係香港照顧我爸，又要幫我家姐湊佢個B，唉....點解咁慘我地大家吾住埋同一個地方呢？ 我吾係話我99湊得吾好，但佢有空餘既時間都吾會放落我地度，只會係人地度，我有時想偷下懶都真係無咁既可能，夜晚同朋友食飯已經係好耐無數既事....雖然我明白有小朋友係咁架啦，但我都想有一日過番D正常生活，所以做FTM一定無可能，吾係吾想對住小朋友，而係我怕我無咁既耐性呀！ 又或者係，我而家大肚要湊B真係難上加難！ 見到平時其他blog友，weekend時有時會同埋小朋友見下grandparents, 我地既weekend就只有我地三個人，絕小會一齊去飲茶呀，一齊出去呀...我覺得真係好大分別，而我都好期望可以咁做！ 唉.....可能係近日實在太累， 所以係度轉牛角，希望到時真係可以handle到兩個小朋友啦！如果吾係，我諗呢五年內，都幾難有安樂茶飯食呀！